Photos: अबब! ऋषी सुनक आहेत साडेसहा हजार कोटींचे मालक; श्रीमंतीच्या बाबतीत ब्रिटनच्या राजाहूनही वरचढ

1/21

ब्रिटनच्या पंतप्रधानपदी २४ ऑक्टोबरला ऋषी सुनक यांची निवड झाल्यानंतर एक इतिहास रचला गेला.

2/21

ब्रिटनच्या पंतप्रधानपदी विराजमान होणारे ते पहिले भारतीय वंशाचे व्यक्ती ठरले आहेत.

3/21

सुनक हे पंतप्रधान होणार असल्याची बातमी समोर आल्यानंतर आता सर्वच स्तरातून भारतीयांकडून त्यांच्यावर कौतुकाचा वर्षाव होत आहे.

4/21

सुनक हे ब्रिटनचे गेल्या चार वर्षांतले पाचवे पंतप्रधान आहेत. शिवाय ते माजी अर्थमंत्रीही होते.

5/21

‘इन्फोसिस’चे सहसंस्थापक एन. आर. नारायण मूर्ती आणि सूधा मूर्ती यांचे ते जावई आहेत.

6/21

सिलिकॉन व्हॅलीतील स्टॅनफर्ड विद्यापीठामध्ये ते पहिल्यांदा नारायण मूर्ती आणि सूधा मूर्ती यांची कन्या अक्षता यांना भेटले.

7/21

२००६ मध्ये बंगळुरु येथे ऋषी आणि अक्षता यांनी लग्नगाठ बांधली. त्यांना दोन मुली आहेत.

8/21

ऋषी यांचा जन्म इंग्लंडमधील साऊथहॅम्टन येथील असला तरी त्यांचे पालक भारतीय वंशाचे आहेत.

9/21

ऋषी आणि अक्षता ब्रिटनमधील श्रीमंत व्यक्तींपैकी एक आहेत. ‘सण्डे टाइम्स’ने दिलेल्या माहितीनुसार ब्रिटनमधील श्रीमंत व्यक्तींच्या यादीत ऋषी आणि अक्षता २२२व्या स्थानावर आहेत.

10/21

इंग्लंडमध्ये ऋषी आणि अक्षता यांची चार आलिशान घरे आहेत.

11/21

त्यातील केन्सिंगटन येथील पाच बेडरुम असलेल्या घराची किंमत सुमारे सात मिलियन पाऊंड म्हणजेच ६५ कोटींच्या घरात आहे.

12/21

चार मजली या आलिशान बंगल्यात गार्डनर आणि स्विमिंगपूलदेखील आहे.

13/21

‘एनडीटीव्ही’ने दिलेल्या माहितीनुसार, अक्षता या इन्फोसिसमध्ये ०.९३ टक्के भागधारक आहेत. यातून त्यांना १.२ मिलियनचे उत्पन्न मिळते.

14/21

२०२२च्या सुरुवातीला ऋषी सुनक यांच्या पत्नी अक्षता यांची संपत्ती इंग्लंडची राणी एलिझाबेथ II यांच्यापेक्षाही जास्त असल्याचं नमूद करण्यात आलं होतं.

15/21

अक्षता यांच्या वैयक्तिक संपत्तीत वाढ होऊन सुमारे ३५० मिलियन पाऊंड्स (तीन हजार कोटी) मालमत्तेच्या त्या मालक झाल्या होत्या.

16/21

तर ऋषी सुनक आणि त्यांच्या पत्नीची एकूण मालमत्ता इंग्लंडच्या प्रिन्स चार्ल्स यांच्या मालमत्तेपेक्षा दुप्पट आहे.

17/21

प्रिन्स चार्ल्स यांची एकूण संपत्ती सुमारे ३०० ते ३५० मिलियन पाऊंड इतकी आहे.

18/21

तर ऋषी आणि अक्षया यांची एकूण ७३० मिलियन पाऊंड संपत्तीचे मालक आहेत.

19/21

भारतीय रुपयानुसार या दाम्पत्याकडे सहा हजार ८४५ कोटींहून अधिक मालमत्ता आहे.

20/21

(सर्व फोटो :इंडियन एक्सप्रेस, ऋषी सुनक/ फेसबुक)

21/21

(हेही पाहा >> Photos : “मुंग्या लागलेल्या चपातीचा तुकडा तोंडात टाकला अन्…”, सुषमा अंधारेंनी सांगितला बालपणीचा ‘तो’ हृदयद्रावक प्रसंग)