“तिच्या शेजारी बसता यावं म्हणून मी…”; ऋषी सुनक यांनीच सांगितली अक्षता मूर्तींबरोबरची लव्ह स्टोरी! MBA च्या लेक्चरला…

1/24

भारतात दिवाळी साजरी होत असताना ब्रिटनच्या पंतप्रधानपदी प्रथमच भारतीय वंशाचे ऋषी सुनक यांची सोमवारी निवड झाल्याने एक नवा इतिहास रचला गेला.

2/24

सुनक माजी अर्थमंत्रीही आहेत. पंतप्रधानपदासाठी सत्ताधारी हुजूर पक्षाचे नेते म्हणून सुनक यांची निवड झाल्यानंतर दुसऱ्याच दिवशी त्यांनी पदभार स्वीकारला आहे.

3/24

प्रथेप्रमाणे ब्रिटनचे राजा किंग चार्ल्स यांनी सुनक यांची अधिकृतरित्या ब्रिटनचे पंतप्रधान म्हणून नियुक्ती केली आहे. सुनक हे ब्रिटनचे गेल्या चार वर्षांतले पाचवे पंतप्रधान आहेत.

4/24

सुनक हे पंतप्रधान झाल्याने भारतीयांनी विशेष आनंद साजरा केला आहे. सुनक हे भारतीय वंशाचे असल्याने दिवाळीच्या शुभ मुहूर्तावरच त्यांची नियुक्ती झाल्याचा योगायोग जुळून आल्याचं अनेकांनी म्हटलं आहे.

5/24

मात्र ऋषी यांची भारतीयांशी नाळ जोडणारी आणखीन एक ओळख सांगायची झाल्यास ते ‘इन्फोसिस’चे सहसंस्थापक असणाऱ्या नारायण मूर्ती आणि सुधा मूर्ती यांचे जावई आहेत.

6/24

सुनक यांची पंतप्रधानपदी विराजमान होण्याचा प्रवास हा जसा एखाद्या राजकीय चित्रपटाचं कथानक वाटावं तशीच त्यांची खऱ्या आयुष्यातील लव्हस्टोरी ही आहे.

7/24

पंतप्रधान पदाच्या निवडणुकीपूर्वी दिलेल्या एका मुलाखतीमध्ये ऋषी यांनी त्यांची पत्नी अक्षता मूर्ती यांच्याबद्दल अनेक गोष्टींचा खुलासा केला होता.

8/24

आपण पहिल्यांदा अक्षताला पाहिलं तेव्हाच तिच्यामध्ये काहीतरी खास असल्याची आपल्याला जाणीव झाली असं सुनक यांनी म्हटलंय.

9/24

‘द सण्डे टाइम्स’ला दिलेल्या मुलाखतीमध्ये माजी चॅन्सेलर असलेल्या आणि आजच पंतप्रधानपदाची सूत्रं ऋषी सुनक यांनी आपल्या कौटुंबिक आयुष्याबद्दल मनमोकळेपणे गप्पा मारल्या होत्या.

10/24

सिलिकॉन व्हॅलीतील शिक्षण केंद्रांपैकी एक असणाऱ्या स्टॅनफर्ड विद्यापीठामध्ये पहिल्यांदा ऋषी आणि अक्षता यांची भेट झाली होती.

11/24

एमबीएचं शिक्षण घेताना ऋषी आणि अक्षता दोघे पहिल्यांदा भेटले आणि एकमेकांच्या प्रेमात पडले.

12/24

त्यानंतर ऋषी आणि अक्षता यांनी २००६ मध्ये बंगळुरु येथे दोन दिवसांच्या समारंभामध्ये लग्नगाठ बांधली.

13/24

ऋषी यांचा जन्म इंग्लंडमधील साऊथहॅम्टन येथील असला तरी त्यांचे पालक भारतीय वंशाचे आहेत.

14/24

या मुलाखतीमध्ये ऋषी यांनी अक्षताला भेटता यावं म्हणून ते विद्यापीठात शिक्षण घेताना अनेकदा अतिरिक्त लेक्चरला बसायचे, असंही सांगितलं.

15/24

केवळ अक्षताच्या बाजूला बसता यावं म्हणून मी अतिरिक्त क्लासेसला हजेरी लावायचो असंही ऋषी यांनी सांगितलं.

16/24

“अभ्यासक्रमानुसार मला त्या लेक्चर्सची गरज नव्हती मात्र एकमेकांच्या शेजरी बसता येईल म्हणून मी त्याला हजेरी लावायचो,” असं ऋषी म्हणाले होते.

17/24

ऋषी आणि अक्षता यांना दोन मुली आहेत. यापैकी कृष्णा ही ११ वर्षांची असून अनुष्का ही ९ वर्षांची आहे.

18/24

दोन्ही मुलींचा जन्म झाला तेव्हा आपण अक्षतासोबत असल्याबद्दल ऋषी यांनी समाधान या मुलाखतीमध्ये व्यक्त केलं.

19/24

“मी फार नशीबवान आहे. जेव्हा आमच्या दोन्ही मुलींचा जन्म झाला तेव्हा मी स्वत:चा व्यवसाय करायचो,” असं ऋषी सांगतात.

20/24

“स्वत:चा व्यवसाय असल्याने माझ्याकडे माझ्या मुलींसाठी फार वेळ होता,” असं ऋषी सांगतात.

21/24

पालक म्हणून मुलींच्या जन्मापासून ते त्या तीन वर्षांच्या होईपर्यंत मला त्यांना वेळ देता आला हे मला फार समाधान देणारं वाटतं, असं ऋषी म्हणाले.

22/24

मी आता जेव्हा प्रचारात असतो तेव्हा लहान मुलं दिसलं की आपसुकच मी हात पुढे करतो, असं ऋषी यांनी म्हटलंय.

23/24

लहान मुलांसोबत वेळ घालवायला आपल्याला आवडतं असंही ऋषी यांनी सांगितलं.

24/24

आपल्या यशस्वी संसाराचं रहस्य सांगताना ऋषी यांनी पती पत्नी म्हणून आम्ही दोघे अगदी वेगवेगळ्या स्वभावाच्या आणि आवडी निवडी असणाऱ्या व्यक्ती आहोत असं सांगितलं. (सर्व फोटो ट्वीटर आणि फेसबुकवरुन साभार)