सीमेपलीकडचं प्रेम, लग्न अन् १२ वर्षांनी घटस्फोट? ‘अशी’ होती सानिया मिर्झा-शोएब मलिकची Love Story

1/21

भारतीय टेनिसपटू सानिया मिर्झा आणि पाकिस्तानी क्रिकेटपटू शोएब मलिक यांच्या घटस्फोटाच्या चर्चांनी वेग धरलाय.

2/21

अशातच दोघांच्या घटस्फोटाची कायदेशीर प्रक्रिया सुरू झाली आहे, असा दावा शोएबच्या जवळच्या व्यक्तीने केला आहे.

3/21

परंतु सानिया किंवा शोएबने यासंदर्भात कोणतंही भाष्य केलेलं नाही.

4/21

सानिया व शोएबच्या लग्नाला १२ वर्ष झाली आहेत. दोघांनी प्रेम विवाह केला होता. त्यांच्या लव्ह स्टोरीचीही चांगलीच चर्चा झाली होती.

5/21

सानियाने तिच्या आत्मचरित्रात शोएबशी तिची पहिली भेट कशी झाली याचा उल्लेख केला आहे.

6/21

सानिया सोहराबशी लग्न करणार होती, पण साखरपुड्यानंतर त्यांचं नातं तुटलं.

7/21

याच काळात तिची शोएबशी पहिली भेट झाली होती. त्यावेळी सानिया मनगटाच्या शस्त्रक्रियेनंतर टेनिसमध्ये परतण्याचा प्रयत्न करत होती आणि तिचा फॉर्मही घसरला होता.

8/21

त्यावेळी शोएब मलिकदेखील पाकिस्तानी संघाबाहेर होता. तेव्हा सानिया पहिल्यांदा शोएबला ऑस्ट्रेलियात भेटली होती.

9/21

दोघेही २००३ मध्ये पहिल्यांदा भेटले होते, मात्र तेव्हा सानियाला शोएब फारसा आवडला नसल्याने तिने त्याच्याकडे दुर्लक्ष केलं.

10/21

सानियाला वाटायचं की क्रिकेटपटूंचा स्वभाव चांगला नसतो, त्यामुळे तिने स्वत:ला त्यांच्यापासून ठेवायचा निर्णय घेतलेला.

11/21

पुढे २००९ मध्ये सानिया मिर्झा आणि शोएब मलिक यांच्यात पुन्हा संवाद सुरू झाला. दोघेही ऑस्ट्रेलियाच्या होबार्टमध्ये भेटले होते. त्यावेळी शोएबने सानियाला तिचा फोन नंबर मागितला होता.

12/21

नंतर काही काळ एकमेकांना डेट केल्यानंतर दोघांनी लग्नाचा निर्णय घेतला.

13/21

१२ एप्रिल २०१० रोजी दोघांनीही हैदराबादमध्ये लग्न केलं.

14/21

त्यानंतर पाकिस्तानमध्ये त्यांचा रिसेप्शन सोहळा आयोजित करण्यात आला होता.

15/21

सानिया आणि शोएबने लग्नाची घोषणा केल्यानंतर तो एक राष्ट्रीय आणि धार्मिक मुद्दा बनवत त्यांच्यावर टीकाही झाली.

16/21

कारण सानिया भारतीय होती, तर शोएब पाकिस्तानचा होता.

17/21

कालातंराने टीकेला पूर्णविराम मिळाला आणि सानिया-शोएबने आपापल्या खेळात पुनरागम केलं.

18/21

दोघेही २०१८ मध्ये पालक बनले, त्यांच्या मुलाचं नाव इझान आहे.

19/21

सानिया व शोएब मुलगा इझानसह अनेक कार्यक्रमांमध्ये एकत्र हजेरी लावायचे.

20/21

परंतु मागच्या काही दिवसांपासून त्यांच्यात सर्व आलबेल नसल्याच्या चर्चा सुरू झाल्या.

21/21

दोघेही एकत्र राहत नसून आता मात्र दोघांनीही कायदेशीररित्या घटस्फोटाचा अर्ज दाखल केल्याचा दावा शोएबच्या जवळच्या व्यक्तीने केला आहे. (फोटो सौजन्य – शोएब मलिक इन्स्टाग्राम व सानिया मिर्झा फेसबूक)