“पाळत ठेवून विनायक मेटे करण्याचा डाव”, जीव गेला तरी चालेल म्हणत अशोक चव्हाणांचे गंभीर आरोप

1/12

आपल्या नावाचं खोटं लेटरपॅड तयार केल्याचा धक्कादायक आरोप काँग्रेसचे ज्येष्ठ नेते आणि माजी मुख्यमंत्री अशोक चव्हाण यांनी केला आहे.

2/12

याप्रकरणी अशोक चव्हाण यांनी नांदेड जिल्ह्यांच्या अधीक्षकांना भेटून तक्रार दाखल केली आहे.

3/12

दरम्यान, त्यांनी आपल्यावर अज्ञात व्यक्तीकडून पाळत ठेवली जात असल्याचा खळबळजनक दावा केला आहे.

4/12

बोगस लेटरपॅडच्या अधारे अशोक चव्हाण मराठा समाजाच्या विरोधात आहेत, असा संभ्रम लोकांमध्ये निर्माण करण्याचा प्रयत्न विरोधकांकडून केला जात आहे, असंही अशोक चव्हाण म्हणाले.

5/12

संबंधित आरोप करताना अशोक चव्हाणांनी कोणाचंही नाव घेतलं नाही.

6/12

पण संबंधित बोगस पत्र तयार करणाऱ्यावर कारवाई झाली पाहिजे. त्यामागचा मूख्य सूत्रधार कोण आहे, हे शोधून काढलं पाहिजे, अशी मागणी अशोक चव्हाण यांनी केली.

7/12

सध्या माझ्यावर पाळत ठेवली जात आहे. अशोक चव्हाण कुठे चालले. गाडीने कुठे जातात, कुणाला भेटतात, यावर पाळत ठेवली जात आहे.- अशोक चव्हाण

8/12

अशोक चव्हाणांना विनायक मेटे करा, यालाही मेटेंसारखं संपवा, अशी चर्चा सुरू आहे, असं खळबळजनक विधान अशोक चव्हाण यांनी केलं.

9/12

हे सगळं जे कोणी करत आहे, त्यांना एवढंच सांगायचं आहे की, अशोक चव्हाणाचा जीव गेला तरी हरकत नाही, पण अशोक चव्हाण तुमच्या सारखा डुप्लीकेट आणि खोटं बोलून नेतृत्व करणारा नेता नाही.- अशोक चव्हाण

10/12

तुमच्यात नेतृत्व करण्याची जी चढाओढ चालली आहे, त्याबाबत आमची काहीही तक्रार नाही.- अशोक चव्हाण

11/12

आम्ही तुमचं नाव एकदाही घेत नाही. पण दुर्दैवाने माझ्यावर हा प्रसंग आणण्याचा प्रयत्न केला जात आहे. – अशोक चव्हाण

12/12

लोकांची मनं जिंकता येत नाहीत. म्हणून हा कार्यक्रम सध्या सुरू झाला आहे, हे दुर्दैव आहे. असंही अशोक चव्हाण यावेळी म्हणाले. (सर्व फोटो- लोकसत्ता/इंडियन एक्स्प्रेस)