Photos: चर्चेतला वाघ – अलिझंझाची राणी ‘बबली’

1/12

ताडोबा ही वाघाची खाण आणि या खाणीतून इतिहास रचणाऱ्या अनेक वाघांनी जन्म घेतलाय. ‘बबली’ ही वाघीण त्यातलीच एक.

2/12

पर्यटकांचा हिरमोड होऊ नये म्हणून ताडोबा व्यवस्थापनाने गाभा क्षेत्रासोबतच बफर क्षेत्र देखील पर्यटनासाठी खुले केले.

3/12

त्या बफर क्षेत्रातूनच म्हणजे अलिझंझा प्रवेशद्वारातून डोकावणारी ‘बबली’ सर्वांच्या परिचयाची आणि मग सर्वांची लाडकी झाली.

4/12

सात महिन्यांपूर्वी ‘बबली’ने अलिझंझा परिसरात तीन बछड्याना जन्म दिला.

5/12

तेव्हापासून ती आणि तिचे बछडे पर्यटकांना खुणावत असतात.

6/12

कधी ती बछड्याना दूध पाजताना तर कधी बछडे तिच्या अंगावर खेळताना दिसतात.

7/12

कधीकधी तर ती शिकार करते आणि बछडे तिच्याकडे टक लावून बघत असतात. शिकारीचे धडे ते आतापासूनच गिरवत आहेत.

8/12

या ‘बबली’ला शिकार करतानाही अनेक पर्यटकांनी पाहिले आहे.

9/12

मास्टरब्लास्टर सचिन तेंडुलकर फेब्रुवारीत ताडोबात व्याघ्रदर्शनासाठी आला होता. त्यालाही ‘बबली’ आणि तिच्या बछड्यांनी मनसोक्त दर्शन दिले.

10/12

‘शिवाजी’ हा वाघ तिचे वडील असल्याचे सांगितले जाते. ती कधी अचानक झाडाझुडुपांमधून बाहेर येते. तर कधी उन्हाळ्यात मैलोनमैल चालल्यानंतर चिखलात जाऊन लोळते आणि उन्हापासून स्वतःचा बचाव करते.

11/12

अलिझंझा प्रवेशद्वार आता ‘बबली’साठीच नाही तर झरणी, भानुसखिंडी वाघीण, छोटा मटका हा वाघ सुद्धा याच प्रवेशद्वारातून आत गेल्यावर दिसतात.

12/12

सर्व छायाचित्रे – इंद्रजित मडावी (हेही पाहा : ताडोबाचा अनभिषिक्त सम्राट ‘मटकासुर’)