-
शरद पवार आणि अजित पवार यांच्या पुण्यातील गुप्त भेटीनंतर महाविकास आघाडीत संभ्रम निर्माण झाला आहे.
-
काँग्रेस आणि ठाकरे गटाकडून शरद पवारांशिवाय निवडणूक लढण्याची चाचपणी केली जात आहे.
-
दरम्यान, एका इंग्रजी वर्तमान पत्राने एका मंत्र्याच्या हवाल्याने मोठा गौप्यस्फोट केला आहे.
-
शरद पवार महायुतीत आले तर शरद पवारांना कृषीमंत्री आणि सुप्रिया सुळेंना केंद्रीय मंत्रीपद आणि जयंत पाटलांना राज्यात मंत्रीपदाची ऑफर भाजपाकडून देण्यात आली आहे, अशी बातमी संबंधित वृत्तपत्राने दिली.
-
भाजपाने दिलेल्या कथित ऑफरवर राष्ट्रवादी काँग्रेसचे आमदार रोहित पवार यांनी प्रतिक्रिया दिली आहे.
-
भाजपाने दिलेल्या ऑफरबद्दल चर्चा झाली किंवा नाही झाली? हे मला सांगता येणार नाही. वर्तमानपत्रात बातमी छापून आली म्हणून हे खरं आहे, असं समजून चालणार नाही- रोहित पवार
-
समजा भाजपाने दिलेली ऑफर खरीही असेल, पण महाराष्ट्रातील तमाम जनतेनं हेच समजून घेतलं पाहिजे की, शरद पवारांना पदाची ऑफर असूनही त्यांनी महाराष्ट्राचा धर्म स्वीकारला आहे- रोहित पवार
-
शरद पवारांनी संघर्ष स्वीकारला आहे. शिव-शाहू-फुले-आंबेडकरांचा विचार स्वीकारला आहे. संघर्ष करत ते महाराष्ट्राची अस्मिता जपण्यासाठी प्रयत्न करत आहेत. ही भूमिका सगळ्यात महत्त्वाची आहे- रोहित पवार
-
त्यामुळे कोण काय बोलतंय आणि कोण काय छापतंय, याकडे लक्ष देण्यापेक्षा आता आपल्याला संघर्ष करायचा आहे, हेच सर्वांनी समजून घ्यायला पाहिजे- रोहित पवार
“अरे हिंमतच कशी होते?”, विमानात हवाईसुंदरीच्या स्कर्टचा काढला VIDEO, प्रवाशाचं संतापजनक कृत्य व्हायरल
