-
Pune News: ‘गणपती बाप्पा मोरया, मंगलमूर्ती मोरया’चा जयघोष, ढोल-ताशांचा गजर, फुलांनी सजविलेल्या पालखीत विराजमान झालेली गणरायाची मूर्ती, पारंपरिक पेहरावात मिरवणुकीत सहभागी झालेले भक्त… अशा उत्साही वातावरणात केसरीवाडा या मानाच्या पाचव्या गणपतीच्या गणेशोत्सवाला रविवारी सुरुवात झाली.
-
अन्य पंचांगानुसार गणेशोत्सव महिन्याभराने असला तरी टिळक पंचांगानुसार केसरीवाड्यामध्ये गणरायाची विधिवत प्रतिष्ठापना करण्यात आली.
-
सार्वजनिक गणेशोत्सवाप्रमाणे पुन्हा उत्सव साजरा केला जाणार असून अनंत चतुर्दशीला गणपतीचे विसर्जन होणार आहे.
-
उत्सवप्रमुख डॉ. रोहित टिळक आणि डॉ. प्रणति टिळक यांच्या हस्ते दुपारी १२ वाजून २० मिनिटांनी गणरायाची प्रतिष्ठापना करण्यात आली.
-
त्यापूर्वी रमणबाग चौकातील मूर्तिकार महेश गोखले आणि विद्धेश गोखले यांच्याकडून घेण्यात आलेली गणरायाची मूर्ती पालखीच विराजमान झाल्यानंतर ढोल-ताशांच्या गजरात मिरवणूकीला सुरुवात झाली.
-
पावसाच्या हलक्या सरींमुळे ढोल-ताशा पथकातील वादकांमध्ये उत्साह संचारला होता.
-
केसरीवाड्यातील गणेश मंदिरासमोर अभिनव कलाभारतीतर्फे आकर्षक रांगोळी साकारली होती.
-
गणरायाच्या स्वागतासाठी पुणेकरांनी गर्दी केली होती.
-
पोलीस आयुक्त रितेश कुमार, सहपोलीस आयुक्त संदीपसिंग गिल यांच्या हस्ते आरती करण्यात आली.
-
डॉ. दीपक टिळक, डॉ. गीताली टिळक, रौनक टिळक, कृतिका टिळक या वेळी उपस्थित होते.
-
कौस्तुभ खळीकर यांनी प्रतिष्ठापनेच्या पूजेचे पौरोहित्य केले.
-
केसरी गणेशोत्सवात २८ ऑगस्टपर्यंत लोकमान्य सभागृहात दररोज सायंकाळी साडेसहा वाजता सांस्कृतिक कार्यक्रम होणार आहेत.
-
केसरी या लोकमान्य टिळक यांच्या संस्थेचा हा गणेशोत्सव १८९४ पासून सुरु झाला.
-
(सर्व फोटो सौजन्य : पवन खेंगरे आणि सागर कासार / लोकसत्ता)
हेल्दी समजून खूप आवडीने ज्यूस पिता? फॅक्टरीमधला “हा” VIDEO पाहून पायाखालची जमीन सरकेल
