कोचिंग सेंटरमधील अपघातानंतर विकास दिव्यकीर्ती यांनी जिंकले मन; अडचणींनी घेरले असतानाही केल्या ‘या’ मोठ्या घोषणा

1/9

दिल्लीच्या जुन्या राजेंद्र नगरमध्ये असलेल्या RAU च्या IAS स्टडी सर्कलमध्ये काही दिवसांपूर्वीच एक वेदनादायक घटना घडली. अचानक झालेल्या मुसळधार पावसामुळे कोचिंग सेंटरच्या तळघरात पाणी भरले. (पीटीआय फोटो)

2/9

या घटनेत तीन विद्यार्थ्यांचा मृत्यू झाला, तर एका विद्यार्थ्याचा पाणी साचलेल्या रस्त्यावर वीज पडून विजेचा झटका लागल्याने मृत्यू झाला. या घटनेनंतर विद्यार्थ्यांमध्ये संतापाची लाट उसळली आणि त्यांनी आंदोलन सुरू केले. (पीटीआय फोटो)

3/9

या सगळ्यात सुप्रसिद्ध कोचिंग इन्स्टिट्यूट ‘दृष्टी IAS’ चे मालक आणि IAS मेंटॉर विकास दिव्यकीर्ती हे देखील विद्यार्थ्यांच्या निशाण्यावर आले. त्याच्या मौनावर विद्यार्थी प्रश्न करत होते. (पीटीआय फोटो)

4/9

दरम्यान, विकास यांच्या संस्थेचे तळघरही सील करण्यात आले. आता दिल्लीतील कोचिंग दुर्घटनेवर मौन पाळल्याने प्रश्नांच्या भोवऱ्यात सापडलेल्या विकास दिव्यकीर्ती यांनी पीडित विद्यार्थ्यांच्या मदतीसाठी दोन मोठ्या घोषणा केल्या आहेत. (फोटो स्रोत: @divyakirti.vikas/instagram)

5/9

आपल्या प्रतिक्रियेला उशीर झाल्याबद्दल माफी मागताना, विकास दिव्यकीर्ती म्हणाले की, निःसंशयपणे त्या विद्यार्थ्यांच्या कुटुंबांसाठी ही सर्वात दुःखद आणि कठीण वेळ आहे, ज्याला सामोरे जाणे खूप वेदनादायक आहे. (पीटीआय फोटो)

6/9

या दु:खात आम्ही त्यांच्या कुटुंबासोबत आहोत, असे ते म्हणाले. दिल्लीतील राजेंद्र नगरमध्ये मृत्यूमुखी पडलेल्या विद्यार्थ्यांच्या कुटुंबीयांना मदत करण्याची घोषणाही त्यांनी केली आहे. (फोटो स्रोत: @divyakirti.vikas/instagram)

7/9

विकास दिव्यकीर्ती यांनी मृत यूपीएससी उमेदवारांच्या कुटुंबीयांना प्रत्येकी 10 लाख रुपयांची मदत जाहीर करताना सांगितले की, कोणतीही रक्कम मुलांच्या मृत्यूचे दुःख मिटवू शकत नाही. मात्र यापुढील काळातही या कुटुंबांना कोणत्याही प्रकारची मदत हवी असल्यास ती देण्यात ते सदैव तत्पर असतील. (पीटीआय फोटो)

8/9

याशिवाय या कोचिंगच्या इतर विद्यार्थ्यांनाही मोफत वर्ग देण्याची घोषणा त्यांनी केली आहे. ते म्हणाले, “आम्ही आरएयूच्या आयएएसच्या सर्व वर्तमान विद्यार्थ्यांना मदत करण्यास तयार आहोत.” (फोटो स्रोत: @divyakirti.vikas/instagram)

9/9

ते म्हणाले, “आम्ही या संस्थेतील प्रत्येक विद्यार्थ्याला मोफत शैक्षणिक सहाय्य देऊ आणि कोचिंगसाठी वर्ग देखील देऊ. ज्या विद्यार्थ्यांना या सुविधेचा लाभ घ्यायचा आहे त्यांनी सोमवार, ५ ऑगस्ट २०२४ पासून त्यांच्या करोलबाग कार्यालयातील हेल्प डेस्कशी संपर्क साधावा.” (पीटीआय फोटो)