कारण राजकारण : आदिती तटकरेंसमोर धार्मिक ध्रुवीकरण थोपविण्याचे आव्हान

श्रीवर्धन, तळा, म्हसळा, माणगाव आणि रोहा तालुक्यातील काही भाग मिळून श्रीवर्धनचा मतदारसंघ तयार होतो. पूर्वी काँग्रेस, शेकाप आणि शिवसेना हे या मतदारसंघातील प्रमुख पक्ष ओळखले जायचे. मात्र मतदारसंघ पुनर्रचनेत माणगाव मतदारसंघ रद्द झाल्याने श्रीवर्धन मतदारसंघावर राष्ट्रवादी काँग्रेसने पहिल्यांदा दावा सांगितला. यानंतर या मतदारसंघातील काँग्रेस पक्षाला उतरती कळा लागली. शेकाप आणि शिवसेनेची ताकद क्षीण होत गेली. जिल्हा परिषद आणि राज्यातील सत्तेच्या जोरावर राष्ट्रवादी काँग्रेसने मतदारसंघावर आपली पकड घट्ट केली.

आणखी वाचा

प्रियंका गांधीना लोकशाहीचा आदर नाही,कंगना रानौतची टीका..

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

महाविकास आघाडीतील दोन्ही पक्षांना घेऊन काँग्रेस बुडणार, संरक्षणमंत्री राजनाथ सिंह यांची टीका

लोकमानस : हस्तक्षेपास एवढा विलंब का झाला?

झारखंडमध्ये ‘राहुल विमान’ कोसळणार! केंद्रीय गृहमंत्री अमित शहा यांची टीका

अन्वयार्थ : ‘कर्त्यां’चा बेभानपणा!

लोकमानस: उतावीळपणा पुन्हा अंगलट!

“विरोधकांच्या महा‘अडाणी’ आघाडीला देश व धर्माची…” वाशीममध्ये कडाडले योगी आदित्यनाथ

हेही वाचा >>> संजयकाका पाटील हे शरद पवार यांच्या भेटीला; सांगलीच्या राजकीय क्षेत्रात तर्कवितर्क

नुकत्याच झालेल्या लोकसभा निवडणुकीच्या निमित्ताने पुन्हा याचीच प्रचीती आली आहे. श्रीवर्धन मतदारसंघातून महायुतीकडून निवडणूक लढविणाऱ्या राष्ट्रवादी काँग्रेच्या सुनील तटकरे यांना २९ हजारांचे मताधिक्य मिळाले. तटकरे यांना ८६ हजार ९०२ तर शिवसेना उबाठा गटाच्या अनंत गीते यांना ५७ हजार ०३० मते पडली. गीते यांना पडलेल्या मतांमध्ये मुस्लीम आणि बहुजन मतांचा मोठा वाटा होता.

श्रीवर्धनमध्ये अल्पसंख्याक समाजाची मते मोठ्या प्रमाणात आहेत. राष्ट्रवादी काँग्रेसच्या अजित पवार गटाने महायुतीत प्रवेश केल्याने मतदारसंघात मोठ्या प्रमाणात अस्वस्थता आणि नाराजी निर्माण झाली होती. सुनील तटकरे यांनी ही नाराजी दूर करण्यासाठी अल्पसंख्याकांचे मेळावे घेतले. महायुतीत असलो तरी सर्वधर्मसमभावाचा विचार सोडणार नसल्याची ग्वाही त्यांनी दिली. मात्र तरीही मतदारसंघात मतांचे धार्मिक ध्रुवीकरण बऱ्याच प्रमाणात झाल्याचे लोकसभा निवडणुकीत दिसून आले होते. त्यामुळे आगामी विधानसभा निवडणुकीत विरोधकांपेक्षा धार्मिक ध्रुवीकरण रोखणे हेच मोठे आव्हान आहे. गेल्या निवडणुकीत शिवसेनेकडून विनोद घोसाळकर यांनी या मतदारसंघातून निवडणूक लढवली होती, पण ते मतदारांवर फारसा प्रभाव पाडू शकले नव्हते. यावेळी शिवसेना ठाकरे गटाकडून या मतदारसंघातून दक्षिण रायगडचे जिल्हाप्रमुख अनिल नवगणे यांना उमेदवारी दिली जाण्याची शक्यता आहे.

शिवसेनाराष्ट्रवादीत कुरबुरी

लोकसभा निवडणुकीनंतर रायगड जिल्ह्यात शिवसेना शिंदे गट आणि राष्ट्रवादी काँग्रेस अजित पवार गट यांच्यात कुरबुरी वाढल्या आहेत. शिवसेनेच्या ताब्यात असलेल्या कर्जत विधानसभा मतदारसंघात राष्ट्रवादी काँग्रेसने युतीचा धर्म पाळला नाही, तर श्रीवर्धनमधून जिल्हाप्रमुख प्रमोद घोसाळकर निवडणूक लढवतील, असा थेट इशारा आमदार महेंद्र थोरवे यांनी दिला आहे.

राष्ट्रवादी काँग्रेसचे भक्कम संघटन

तटकरे कुटुंबातील तीन आमदार या मतदारसंघातून सातत्याने विधानसभेवर निवडून आले आहेत. त्यामुळे गेल्या दीड दशकात श्रीवर्धन हा राष्ट्रवादी काँग्रेसचा बालेकिल्ला म्हणून ओळखला जाऊ लागला आहे. जिल्ह्यात राष्ट्रवादी काँग्रेसचे भक्कम संघटन असलेला असलेला हा जिल्ह्यातील एकमेव मतदारसंघ आहे.