विट्यात कोण कोणाबरोबर?

खानापूर-आटपाडी विधानसभा मतदारसंघाची भौगोलिक रचनाच मुळात तीन तालुक्यांत विभागली गेली आहे. खानापूर व आटपाडी या दोन तालुक्यांचा समावेश असताना तासगाव तालुक्यातील विसापूर मंडळातील गावांचा या मतदारसंघात समावेश आहे. या मतदारसंघाचे प्रतिनिधित्व सध्या मुख्यमंत्री एकनाथ शिंंदे यांचे जेष्ठ सहकारी अनिल बाबर यांच्याकडे आहे. राज्य मंत्रिमंडळाच्या विस्तारात बाबर यांना संधी मिळेल असे अपेक्षित असताना राष्ट्रवादीमध्ये फूट पडून मोठा गट सरकारमध्ये सहभागी झाला. अचानकपणे सत्तेत सहभागी झालेल्यांना मंत्रीपदे आणि तीही वजनदार मिळाली. मात्र, शिवसेनेत फूट पडल्यानंतर मुख्यमंत्री शिंदे यांच्या बरोबरीने सुरतमार्गे गुवाहाटी गेलेल्या आमदार बाबर यांना मंत्रीपदासाठी अजूनही प्रतिक्षाच करावी लागत आहे.

आणखी वाचा

उपमुख्यमंत्री अजित पवार उद्या बीडमध्ये

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

अमरावती जिल्ह्यात काही संघटनाकडून शस्त्रांचे वाटप, यशोमती ठाकूर यांचा आरोप

पुण्यातील लष्कर भागात भिक्षेकऱ्याची मारहाण करुन हत्या

एसटीच्या मोकळ्या जागा विकासकाच्या घशात… संघटना म्हणते धर्मादाय संस्था…

रायगड : आदिती तटकरेंना पालकमंत्रीपद दिल्यानंतर शिवसैनिकांचा संताप, मुंबई गोवा महामार्गावरील वाहतूक अडवली

शस्त्रक्रियेनंतर प्रकृती स्थिर; तपासासाठी दहा पथके ; एक कोटीची मागणी करत सैफवर हल्ला

सैफवरील हल्ला राज्यातील कायदा सुव्यवस्थेची लक्तरे वेशीवर टांगणारा; नाना पटोले यांची टीका

हेही वाचा – पावसाची विश्रांती! आता काही दिवस सूर्यनारायण डोकावणार

राष्ट्रवादीमध्ये फूट पडल्यानंतर जिल्ह्यातील सर्वच आमदारांनी आमदार जयंत पाटील यांच्या नेतृत्वाखाली खासदार पवार यांच्याशी एकनिष्ठ राहण्याचा निर्णय जाहीर केला. पदाधिकार्‍यांनीही तसाच निर्णय जाहीर केला. उपमुख्यमंत्री अजितदादा यांच्या गटात जाण्याचे आणि आमदार जयंत पाटील यांच्या विरोधात जाण्याचे निदान वरकरणी तरी अद्याप कोणी धाडस केलेले नसले तरी काही मंडळी अजूनही दोन्ही दरडीवर हात ठेवून राहण्याचा प्रयत्न करीत आहेत. माजी आमदार सदाशिवराव पाटील यांच्या शुभेच्छा जाहिरातीवर कार्यकर्त्यांनी खासदार पवार यांच्यासोबतच अजितदादांंचेही छायाचित्र लावले होते. मात्र, या फलकावरून प्रदेशाध्यक्ष जयंत पाटील यांच्या छायाचित्राला स्थान मिळाले नव्हते. माजी नगराध्यक्ष वैभव पाटील यांचीही अद्याप थोरल्या पवारासोबत की धाकल्या पवारांसोबत याबाबतच स्पष्टता दिसत नाही. यामुळे हा गट अजून संभ्रमात राहणार असे दिसत असताना त्यांची जवळीक भाजपचे खासदार संजयकाका पाटील यांच्याशी दिसत आहे.

खासदार पाटील आणि आमदार बाबर यांच्यामध्ये यशवंत कारखान्यावरून मतभेद आहेत. या कारखान्याची विक्री काँग्रेसचे माजी राज्यमंत्री डॉ. विश्‍वजित कदम यांचे मेव्हणे आणि जिल्हा बँकेचे संचालक महेंद्र लाड यांच्याशी संबंधित असलेल्या कंपनीला करण्यात आली. गेल्या आठ दहा वर्षांपासून कारखान्याच्या मालकीहक्कावरून अगदी कोर्टकचेर्‍या, राजकीय डाव-प्रतिडाव सुरू असल्याने राज्यात सत्तेत एकत्र असलेल्या शिंदे गटाकडून मदत मिळणार नाही हे गृहित धरूनच खासदार पाटील नवे मित्र जोडण्याच्या नादी लागले आहेत. यातूनच त्यांची विट्याच्या पाटील गटाशी जवळीक वाढली आहे.

हेही वाचा – महात्मा फुलेंसंदर्भात संभाजी भिडेंचा ‘यू टर्न’; अमरावतीमध्ये टीका अन् अकोल्यात अभिवादन

महाविकास आघाडीच्या काळात जलसंपदा खाते जयंत पाटील यांच्याकडे होते. त्यावेळी टेंभू योजनेच्या वाढीव कामाला मंजुरी मिळाल्याबद्दल गावोगावी फलकबाजी करीत पाणीदार आमदार म्हणून घेणारे आमदार बाबर यांना शह देण्याचा प्रयत्न केला होता. यातून बाबर आणि पाटील गटातील पारंपारिक राजकीय संघर्ष नव्याने लोकासमोर आला. मात्र दोन्ही गटांना आटपाडीचे सहकार्य घेतल्याविना निर्णायक आघाडी मिळू शकत नसल्याने देशमुख गटाशी संधान बांधण्याचा प्रयत्न सुरू आहेत. गतवेळी देशमुख यांनी आपले योगदान बाबर यांच्या पारड्यात टाकले होते. मात्र, यावेळी झालेल्या माणगंगा साखर कारखाना निवडणूक आणि जिल्हा बँक निवडणुकीत आमदार बाबर यांचे सहकार्य देशमुखांना मिळाले नसल्याचा आक्षेप या गटाचा आहे. तसेच आटपाडीतील जिल्हा बँकेचे संचालक तानाजी पाटील हे बाबर यांचे शिष्य म्हणून सांगतात. मात्र, त्यांनी माणगंगा निवडणुकीत सांगोल्याचे देशमुखांशी संपर्क साधून अखेरच्या क्षणी धोबीपछाड करीत आटपाडीच्या देशमुखांना कारखान्यातूनच बेदखल केले. यामागे राष्ट्रवादीचे आमदार जयंत पाटील यांचा हात असल्याचा अप्रत्यक्ष आरोप खुद्द अमरसिंह देशमुखांनी केला. याच देशमुख घराण्यातील तिसर्‍या पिढीचे नेतृत्व असलेले तरुण आणि पंचायत समितीचे माजी सभापती हर्षवर्धन देशमुख यांनी पाटलांच्या कार्यक्रमाला आवर्जुन लावलेली उपस्थिती वेगळेच राजकीय संकेत देणारी ठरली आहे.