अजित पवारांसाठी देवेंद्र फडणवीस मुख्यमंत्री होणं का ठरेल सोयीचं? एकनाथ शिंदेंसोबत कशी आहेत राजकीय समीकरणं?

महाराष्ट्राच्या मुख्यमंत्रीपदी एकनाथ शिंदेंऐवजी देवेंद्र फडणवीसांनाच पसंती देण्याकडे अजित पवार गटाचा कल का?

ajit pawar devendra fadnavis eknath shinde (1)

महायुतीमधील मुख्यमंत्रीपदाची राजकीय समीकरणं! (फोटो - पीटीआय संग्रहीत)

Ajit Pawar Devendra Fadnavis Equations: महाराष्ट्र विधानसभा निवडणूक निकाल जाहीर झाले आणि राज्यात पुन्हा एकदा महायुतीचंच सरकार स्थापन होणार हे निश्चित झालं. एग्झिट पोल्सनं महायुतीच्या विजयाचा अंदाज आधीच वर्तवला असला, तरी एवढा मोठा विजय युतीच्या पारड्यात पडेल, याची कल्पना कुणीही केली नव्हती. अगदी देवेंद्र फडणवीसांनीही या निकालांबाबत अभूतपूर्व निकाल असल्याचं भाष्य केलं होतं. पण सत्ता महायुतीची येणार असली तरी मुख्यमंत्रीपदी कोण बसणार? याबाबत निकाल जाहीर झाल्यानंतर दोन दिवस उलटून गेले तरी अद्याप निर्णय होऊ शकत नसल्याचं चित्र आहे. एकीकडे देवेंद्र फडणवीस यांच्या नावाला वाढता पाठिंबा असला तरी दुसरीकडे शिवसेना व राष्ट्रवादी काँग्रेस या पक्षांमधून एकनाथ शिंदे व अजित पवार यांच्या मुख्यमंत्रीपदासाठीची इच्छा व्यक्त होताना दिसत आहे.

निकाल जाहीर झाल्यापासून तिन्ही पक्षांमधील कार्यकर्ते, पदाधिकारी व नेते आपापल्या प्रमुख नेत्याला मुख्यमंत्रीपद मिळावं अशी इच्छा असल्याचं मत जाहीरपणे मांडत आहेत. दुसरीकडे प्रमुख नेते सर्वच कार्यकर्त्यांना आपल्या प्रमुखानं मुख्यमंत्री व्हावं असं म्हणत सारवासारव करताना दिसत आहेत. पण निकालांनंतर दोन दिवस होऊनही मुख्यमंत्रीपदावर अद्याप शिक्कामोर्तब झालेलं नसून त्यापुढे सत्तावाटप अर्थात खातेवाटपाच्या मुद्द्यावरदेखील चर्चेच्या फेऱ्या होण्याची शक्यता आहे. पण राष्ट्रवादी काँग्रेस (अजित पवार) पक्षाचा कल एकनाथ शिंदेंपेक्षा देवेंद्र फडणवीसच मुख्यमंत्री व्हावेत, असा दिसू लागला आहे. त्यामागे काही राजकीय समीकरणं असण्याचीही शक्यता आहे.

आणखी वाचा

…विकास हाच आमचा अजेंडा, मुख्यमंत्री एकनाथ शिंदे यांचे स्पष्ट प्रतिपादन

Eknath Shinde on Ladki Bahin Yojana Sixth installment

महायुतीला सत्ता मिळाली, लाडक्या बहिणींना २१०० रुपये कधीपासून…

Eknath Shinde : शरद पवार-एकनाथ शिंदे संपर्कात आहेत का? मलिकांच्या ‘त्या’ विधानावर मुख्यमंत्र्यांचं भाष्य; म्हणाले, “दुसरा विचार…”

Eknath Shinde, Sangola, Shahajibapu Patil,

शहाजीबापू पाटील आमच्या टीमचे ‘धोनी’! मुख्यमंत्री एकनाथ शिंदेंनी केले कौतुक

राजकिय वातावरण गढूळ करणाऱ्या शिंदे पिता-पुत्राचे राजकारण संपविण्याची वेळ आली आहे; मनसे आमदार राजू पाटील यांची संतप्त प्रतिक्रिया

maharashtra assembly election 2024 ncp participation in power was certain with shinde rebellion ajit pawar

शिंदे यांच्या बंडाच्या वेळीच राष्ट्रवादीचाही सत्तेत सहभाग निश्चित; अजित पवार यांचा गौप्यस्फोट

Challenges facing by political parties in Maharashtra state assembly elections 2024

लक्षवेधी लढत : प्रतिष्ठा, अस्तित्व आणि वर्चस्वाची लढाई

पहाटेच्या शपथविधीपासूनच सूत जुळले!

देवेंद्र फडणवीस व अजित पवार यांनी २०१९ मध्ये भल्या सकाळी घेतलेल्या शपथविधीपासूनच त्या दोघांमध्ये चांगलं समीकरण जुळल्याचं बोललं जातं. त्यातच २०१९ च्या निवडणुकांपूर्वी आणि त्यानंतरच्या मविआच्या सत्ताकाळातही शिवसेनेतील शिंदे गटानं सातत्याने राष्ट्रवादी काँग्रेसला व पर्यायाने अजित पवारांना लक्ष्य केलं होतं. सत्तेत असतानाही खुद्द एकनाथ शिंदेंनी अजित पवारांच्या मांडीला मांडी लावून बसण्यावर आक्षेप नोंदवले होते. त्या पार्श्वभूमीवर अजित पवार गटाकडून देवेंद्र फडणवीसांना समर्थन देण्याची भूमिका स्वाभाविक असल्याचं बोललं जात आहे.

फडणवीस मुख्यमंत्री, शिंदेंशी बरोबरी!

देवेंद्र फडणवीस राज्याचे मुख्यमंत्री झाले, तर सरकारमध्ये शिवसेना व राष्ट्रवादी काँग्रेस बरोबरीच्या नात्याने बसू शकतील, असं अजित पवार गटाचं समीकरण दिसून येत आहे. भाजपानं १३२ जागा जिंकत फार मोठी उडी घेतली आहे. पण शिवसेना (५७ जागा) व राष्ट्रवादी काँग्रेस (४१ जागा) हे दोन मित्रपक्ष महायुतीच्या समीकरणात एकमेकांच्या जवळपास आहेत. जर एकनाथ शिंदे मुख्यमंत्री झाले, तर भाजपा संख्याबळाच्या जोरावर आणि शिवसेना मुख्यमंत्रीपदाच्या जोरावर पुन्हा एकदा युती सरकारमध्ये वरचढ ठरण्याची शक्यता आहे.

Maharashtra Election Winner Candidate List: राज्याच्या २८८ मतदासंघांमध्ये नेमकं काय घडलं? वाचा विजेत्यांची संपूर्ण पक्षनिहाय यादी!

भाजपात व महायुतीमध्ये घडणाऱ्या अंतर्गत घडामोडी पाहाता देवेंद्र फडणवीसांच्या मुख्यमंत्रीपदावर जवळपास शिक्कामोर्तब झालं आहे. राष्ट्रवादी काँग्रेसनंही त्यांच्या नावाला समर्थन दिलं आहे. यासंदर्भात एकाच वेळी मुंबईत व दिल्लीत बैठकांचं सत्र चालू आहे. खुद्द शिंदे-फडणवीसांच्याही दिल्ली वाऱ्या झाल्या. त्यामुळे एकीकडे फडणवीसांच्या नावाची मुख्यमंत्री म्हणून घोषणा झाल्यानंतर एकनाथ शिंदे व अजित पवार यांच्या नावांची उपमुख्यमंत्री म्हणून घोषणा केली जाईल, असे संकेत मिळत आहेत.

देवेंद्र फडणवीसांना पाठिंबा देण्यावर एकमत झाल्याचं राष्ट्रवादी काँग्रेसच्या अंतर्गत बैठकांमध्ये ठरल्याबाबत पक्षाच्या नेत्यांनी पुष्टी दिली आहे. खुद्द छगन भुजबळांनी “देवेंद्र फडणवीसांच्या नावाला मुख्यमंत्री म्हणून विरोध करण्याचं आमच्याकडे काही कारणच नाही”, असं विधान निकालाच्या दिवशी केलं होतं. आपल्या सहमतीबाबत राष्ट्रवादी काँग्रेसनं आधीच भाजपा नेतृत्वाला कळवल्याचंही सांगण्यात आलं आहे. त्यामुळे आता मुख्यमंत्रीपदानंतर खातेवाटपामध्ये कशाप्रकारे ४३ मंत्रीपदांचं वाटप केलं जातं, याकडे राजकीय वर्तुळाचं लक्ष लागलेलं आहे.

Web Title: Ajit pawar ncp proffered devendra fadnavis maharashtra cm than eknath shinde pmw