लातूरच्या प्रचारात अमित देशमुखांची ‘ पुरीभाजी’ तर निलंगेकरांचा “निलंगा भात”

निवडणूक कोणत्याही उमेदवारास जमिनीवर पाय ठेवायला लावते म्हणतात. लातूर लोकसभा मतदारसंघातील काँग्रेस व भाजपा या दोन्ही पक्षाचे उमेदवार व प्रचार प्रमुख गल्लीबोळात फिरताना दिसत आहेत. एरवी आपापल्या थाटात वावरणारे व फारसे लोकांच्या जवळपास न फिरकणारे मंडळीही निवडणुकीच्या काळात मतदारांना नमस्कार करत फिरत असतात. लातूरचे आमदार व विलासराव देशमुख यांचे ज्येष्ठ सुपुत्र अमित देशमुख हे काँग्रेस पक्षाचे लातूर लोकसभा मतदारसंघाचे प्रमुख. आपल्या मूळ गाव बाभळगावची गढी उतरून फारसे लोकात न मिसळणारे अमित देशमुख या निवडणुकीच्या निमित्ताने उन्हाचा तडाखा सहन करत थेट गल्लीबोळात फिरताना दिसत आहेत. टपरीवर चहा पिण्यापासून ते एखाद्या छोट्या दुकानातही ते बैठका घेत आहेत. गुढीपाडव्याच्या निमित्ताने लातूरच्या काँग्रेस कार्यालयावर विजय संकल्पाची गुढी उभारल्यानंतर त्यांनी शहरातून संवाद फेरी काढली. लातूरच्या गाव भागातील शेळके हॉटेलची पुरी भाजीही खाल्ली. झणझणीत तिखट व मसालेदार पुरी भाजी यावर अमित देशमुख व उमेदवार डॉक्टर शिवाजी काळगे यांनी चांगलाच ताव मारला. उच्चभ्रू मंडळी अशा हॉटेलमध्ये फिरकतही नाहीत. त्यामुळे शेळके हॉटेलच्या पुरीभाजीचा भाव आता वधारला आहे.

आणखी वाचा

आघाडीस धक्का! ‘ आप ‘चा दोन ठिकाणी आघाडीस तर दोन ठिकाणी अपक्षास पाठिंबा.

Madhurima Raje : सतेज पाटील ज्यांच्यामुळे ढसाढसा रडले…

दिव्यांग अपक्ष उमेदवाराने ‘या’ कारणामुळे निवडणूक निर्णय अधिकाऱ्यांची गाडी पेटवून दिली

अर्ज मागे घेतले नाही तर पक्षाचे दरवाजे बंद; भाजप प्रदेशाध्यक्ष बावनकुळेंचा बंडखोरांना इशारा

लालकिल्ला: भाजपचा प्रचार करणार कोण?

हलबा समाजाच्या उमेदवारीचा फटका कुणाला? भाजप, काँग्रेसवर नाराजी तीन मतदारसंघात उमेदवार देणार 

बंडखोर नामांकन परत घेण्याची महाविकास आघाडीला अपेक्षा; पुसदमध्ये ययाती नाईक माघार घेणार?

फुटीर आमदारांच्या विरोधात उद्धव ठाकरे यांची आक्रमक रणनीती, भिवंडी ग्रामीणमध्ये जिल्ह्यातील पहिली सभा

हेही वाचा… भाजपाने किरण खेर यांचे तिकीट कापण्यामागे नेमके कारण काय?

दुसरीकडे भाजपचे प्रचार प्रमुख आमदार संभाजी पाटील निलंगेकर व भाजपचे उमेदवार सुधाकर शृंगारे हे दोघेही पायाला भिंगरी लावून फिरत आहेत .सुधारक शृंगारे हे आपल्याला फार भेटत नाहीत अशी ओरड विरोधक करत आहेत .निवडणुकीच्या काळात तेही फिरत आहेत. निलंगा येथील ‘निलंगा राईस’ हा अतिशय प्रसिद्ध आहे. संभाजी पाटील निलंगेकर हे लोकात मिसळणारे म्हणून त्यांची ओळख आहे. खासदारासोबत एकाच ताटात दोघांनी ‘निलंगा राईस’ खाल्ला. याची चर्चा आता मतदारसंघात जोर धरते आहे.