विरोधकांची ‘संधीसाधू आघाडी’, बिहारमध्ये आम्ही ४० जागांवर जिंकणार- अमित शाह

यूपीए सरकारमध्ये भ्रष्टाचार- अमित शाह

“त्यांनी नव्या नावासह नवी आघाडी केली आहे. याआधी त्यांनी संयुक्त पुरोगामी आघाडी (यूपीए) या नावाने आघाडी केली होती. मात्र ही आघाडी असताना त्यांनी एकूण १२ लाख कोटी रुपयांचा भ्रष्टाचार केला. केंद्रात रेल्वेमंत्री असताना लालपूप्रसाद यादव यांनी भ्रष्टाचार केला. भ्रष्टाचार केल्यामुळे ते आता यूपीए नाव पुन्हा वापरू शकत नाहीत. आता ते इंडिया नावासह समोर आले आहेत,” अशी टीका अमित शाह यांनी केली.

आणखी वाचा

भाजप विदर्भातील आणखी तीन विद्यमान आमदारांना डच्चू देणार

महाराष्ट्राचा पुढचा मुख्यमंत्री कोण होईल? राज ठाकरेंनी थेट…

१८ जागांमध्ये छोट्या पक्षांत रस्सीखेच; आघाडीने दिलेली लेखी हमी उघड करण्याचा इशारा

उलटा चष्मा : डोंगर, झाडी, बंडले…

वडगावशेरीत भाजप-राष्ट्रवादीत मैत्रीपूर्ण लढत?

Akhilesh Yadav : ‘मविआ’चे जागावाटप जाहीर होण्याआधीच ‘सपा’चे ५ उमेदवार जाहीर, आणखी ७ जागांची मागणी; अखिलेश यादवांकडून दबावाचं राजकारण?

मसलतीनंतरही तिढा कायम; महायुतीच्या नेत्यांची आज पुन्हा चर्चा; ४० जागांचा गुंता

Marathwada Politics: विधानसभा निवडणूक : मराठवाड्यात काय चालणार विकास की जातीय मुद्दे?

अमित शाहांची लालूप्रसाद यादव, नितीश कुमार यांच्यावर टीका

नितीश कुमार आणि लालूप्रसाद यादव हे तेल आणि पाणी यांच्या मिश्रणाप्रमाणे आहेत. ते कधीही एकत्र येऊ शकत नाहीत, असेही ते म्हणाले. “राजद आणि जदयू या दोन पक्षांची युती ही पाणी आणि तेलासाराखी आहे. ते कधीही एक होऊ शकत नाहीत. मला नितीश कुमार यांना सांगायचे आहे की, तेल आणि पाणी हे कधीही एक होऊ शकत नाहीत. तेलाकडे गमावण्यासारखे काहीही नसते, पाण्याला मात्र ते खराब करते. पंतप्रधान होण्यासाठी तुम्ही ही युती केली आहे,” अशी टीका अमित शाह यांनी केली.

विरोधकांनी सनातन धर्माची आजाराशी तुलना केली- अमित शाह

बिहारमध्ये कायदा आणि सुव्यवस्था ढासाळली आहे. बिहारमध्ये सध्या महायुतीची सत्ता आहे. महायुतीच्या सरकारमुळे बिहारची परिस्थिती आणखी बिकट होणार आहे, असेही अमित शाह म्हणाले. विरोधकांच्या युतीने राम मंदीर, रक्षाबंधन, जन्माष्टमी यासारख्या सणांना सुट्टी देण्यास विरोध केला. त्यांनी सनातन धर्माची वेगवेगळ्या आजारांशी तुलना केली. रामचरितमानसचाही अवमान केला, असाही आरोप अमित शाह यांनी केली. विशेष म्हणजे त्यांनी विरोधकांच्या इंडिया या आघाडीला ‘संधीसाधू आघाडी’ म्हणत हिणवले.

२०२४ साली आम्हीच निवडून येणार- अमित शाह

त्यांनी आपल्या भाषणात मोदी यांना पुन्हा निवडून द्यावे, असे जनतेला आवाहन केले “२०२४ साली नरेंद्र मोदी निवडून न आल्यास संपूर्ण सीमांचल प्रदेशात घुसखोर असतील. २०२४ साली एनडीए एकूण ४० जागांवर विजयी होईल. २०१९ सालच्या निवडणुकीत आम्ही ३९ जागांवर विजयी झालो होतो. आगामी निवडणुकीत आम्ही हा विक्रम मोडीत काढू,” असा विश्वास अमित शाह यांनी व्यक्त केला.