पंजाबमध्ये आप-काँग्रेस यांच्यात संघर्ष, अरविंद केजरीवाल यांची महत्त्वाची प्रतिक्रिया; म्हणाले ‘आम्ही इंडिया आघाडीत…’

२०२४ सालच्या लोकसभा निवडणुकीत भाजपाला पराभूत करण्यासाठी विरोधी बाकावरील एकूण २८ पक्ष एकत्र आले आहेत. या आघाडीला विरोधकांनी इंडिया असे नाव दिले आहे. विरोधकांच्या या युतीत काँग्रेस तसेच आम आदमी पार्टी (आप) या दोन्ही पक्षांचा समावेश आहे. मात्र पंजाबमध्ये काँग्रेसचे आमदार सुखपालसिंग खैरा यांना २०१५ सालच्या एका ड्रग्ज तस्करीत अटक करण्यात आली आहे. याच कारणामुळे काँग्रेस आणि आप पक्षात आता वाद निर्माण झाला आहे. याच पार्श्वभूमीवर केजरीवाल यांनी इंडिया आघाडी तसेच खैरा यांच्या अटकेवर आप पक्षाचे प्रमुख अरविंद केजरीवाल यांनी प्रतिक्रिया दिली आहे. आम्ही युतीचा धर्म पाळणार आहोत. इंडिया या आघाडीत आम्ही कायम राहणार आहोत, असे अरविंद केजरीवाल म्हणाले.