भोकरममध्ये अशोक चव्हाणांच्या कन्येला तिरुपती कदमांचे आव्हान

काँग्रेस उमेदवाराचे नाव तिरुपती कदम कोंढेकर असे असले, तरी त्याने स्वतःनेच ‘पप्पू’ हे टोपण नाव प्रचलित केले आहे. काँग्रेसकडे पक्षाचे जिल्हाध्यक्ष बी.आर. कदम यांच्यासह भोकर तालुक्यातील सुभाष किन्हाळकर, जि.प.चे माजी सभापती बाळासाहेब रावणगावकर प्रभृतींनी उमेदवारी मागितली होती. भाजपाचे राज्यातले पहिले नगराध्यक्ष रामराव चौधरी हेही आघाडीच्या उमेदवारीसाठी पुढे आले होते, पण या अनुभवी उमेदवारांचा विचार झाला नसल्याचे सांगण्यात आले.

नक्की वाचा

Sharad Pawar NCP 4th Candidate List : मोठी बातमी! शरद पवारांच्या राष्ट्रवादीची चौथी यादी जाहीर; सात उमेदवारांची घोषणा, कोणाला कुठून मिळाली संधी?

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

Satej Patil : “दम नव्हता तर उभं राहायचंच नव्हतं ना…”, काँग्रेसच्या उमेदवार मधुरिमाराजे यांनी निवडणुकीतून माघार घेतल्याने सतेज पाटील संतापले

Sharad Pawar NCP Young Candidate : शरद पवारांच्या राष्ट्रवादीकडून निवडणुकीतल्या रिंगणात उतरलेले सर्वात तरुण उमेदवार कोण?

Maharashtra Assembly Election 2024 : महायुती व महाविकास आघाडीचा जागावाटपाचा फॉर्म्युला ठरला! सहा पक्षांकडून इतके उमेदवार निवडणुकीच्या रिंगणात

प्रताप चिखलीकरांचे पाचवे पक्षांतर !

‘देवेंद्र फडणवीस पुन्हा मुख्यमंत्री?’, अमित शाहांच्या त्या विधानावर अजित पवारांचं मोठं विधान; म्हणाले, “निवडणूक झाल्यावर…”

उद्धव ठाकरेंच्या निर्णयामुळे शिवसैनिक नाराज

हेही वाचा – “मी, हर्षवर्धन पाटील व फडणवीस सागर बंगल्यावर…”, अजित पवारांनी सांगितला ‘तो’ प्रसंग; ‘अदृश्य प्रचारा’वरून टोला!

पक्षाच्या केंद्रीय निवड मंडळाकडे तिरुपती कोंढेकर यांच्याशिवाय बालाजी गाढे या अन्य एका नवख्या कार्यकर्त्याचे नाव गेले होते. तिरुपती का, बालाजी याचा फैसला दिल्लीतील नेत्यांना करायचा होता, त्यात तिरुपतीची लॉटरी लागली आहे. भोकर मतदारसंघात मागील काळात शंकरराव चव्हाण वि. बाबासाहेब गोरठेकर, अशोक चव्हाण वि. माधव किन्हाळकर आणि नंतर चव्हाण वि. बापूसाहेब गोरठेकर अशा दिग्गज नेत्यांदरम्यान लढती झाल्या; पण आजवर पंचायत समिती किंवा जि.प.ची निवडणूक कधी न लढलेल्या दोन नवख्या उमेदवारांत लढत होणार, हे स्पष्ट झाले.

दोन प्रमुख पक्षांचे उमेदवार नवखे असले, तरी श्रीजया यांच्या मागे शंकररावांची पुण्याई आणि अशोक व अमिता चव्हाण यांचे राजकीय वलय आहे. बलाढ्य यंत्रणा हे त्यांचे बलस्थान मानले जात असताना तिरुपती कोंढेकर यांच्या नशिबी यांतील काहीच नाही. त्यांच्या उमेदवारीस पक्षातील इच्छुकांसह प्रमुख नेत्यांचा विरोध असल्याचे समोर आले आहे. पण चव्हाण समर्थक आणि भाजपासाठी कोंढेकरांची उमेदवारी खूपच सोयीची झाली असल्याचे मानले जात आहे.

हेही वाचा – Big Fights in Maharashtra Election 2019 : २०१९ मधल्या बिग फाईट्स कुठल्या होत्या? कुणी उधळला विजयाचा गुलाल? कोण ठरलं जाएंट किलर?

तिरुपती कोंढेकर हे नांदेडजवळच्या कोंढा (ता.अर्धापूर) येथील रहिवासी असून काँग्रेसचे नेतृत्व करत असताना अशोक चव्हाण यांनी त्यांना युवक काँग्रेसचे जिल्हाध्यक्ष केले होते. त्यांच्या वडिलांना चव्हाणांमुळे बाजार समितीत सभापतीपद मिळाले; पण चव्हाणांनी भाजपात प्रवेश केल्यानंतर कोंढेकर पिता-पुत्र काँग्रेस पक्षात राहिले. मराठा आरक्षण आंदोलनात तिरुपती कोंढेकर यांनी पदाचा राजीनामा देऊन छाप पाडली होती. गेल्या लोकसभा निवडणुकीत कोंढेकर यांच्या गावात काँग्रेस पक्षाला नव्हे, तर भाजपा उमेदवाराला आघाडी मिळाली होती.