लक्षवेधी लढत: अचलपूर : बच्चू कडूंसमोर चक्रव्यूह भेदण्याचे आव्हान

बच्चू कडू यांनी सलग चार वेळा अचलपूर विधानसभा मतदारसंघाचे प्रतिनिधित्व केले आहे. २०१९ मध्ये स्थापन झालेल्या महाविकास आघाडी सरकारचा ते भाग होते. नंतर २०२२ साली बच्चू कडू एकनाथ शिंदे गटाबरोबर गेले. एकनाथ शिंदेंसह त्यांनी महायुतीत प्रवेश केला. काही महिन्यांतच महायुतीच्या विरोधात अनेक वेळा भूमिका घेतली. मंत्रीपद न मिळल्याने त्यांनी उघडपणे नाराजी व्यक्त केली. अमरावती लोकसभा मतदारसंघातील भाजपच्या उमेदवार नवनीत राणा यांच्या विरोधात प्रहार जनशक्ती पक्षाचा उमेदवार उभा करून भाजपचा रोष ओढवून घेतला. आता राणा दाम्पत्याने बच्चू कडू यांना खिंडीत गाठण्याचा प्रयत्न चालवला आहे. त्यांच्या विरोधात प्रवीण तायडे हे भाजपचे नवखे उमेदवार आहेत.

नक्की वाचा

लक्षवेधी लढत: मालेगाव बाह्य : मंत्री दादा भुसे यांचा मार्ग यंदा खडतर

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

‘वंचित’चे निम्मे उमेदवार बौद्ध; प्रकाश आंबेडकर यांचे या वेळी ‘बौद्ध-मुस्लीम-ओबीसी’ समीकरण

शिवसेना भवनासमोरून सरवणकर यांची प्रचारफेरी; खासदार श्रीकांत शिंदे यांचा सहभाग

Nawab Malik: शरद पवार आणि एकनाथ शिंदे संपर्कात?, ‘निवडणुकीनंतर काहीही होऊ शकतं’, नवाब मलिक यांचा दावा

Gopal Shetty: अर्ज मागे घेण्यासाठी ईडीची चौकशी लागणार? गोपाळ शेट्टी यांनी देवेंद्र फडणवीसांबद्दल म्हटले…

Sarangi Mahajan : सारंगी महाजन यांचा आरोप; “धनंजय आणि पंकजा मुंडे या दोघांनी माझी जमीन लाटली, आणि..”

भुजबळ यांच्या दाव्याने नवे वादळ; ‘ईडीपासून मुक्तीसाठी भाजपबरोबर; ओबीसी असल्याने कारवाई’

हेही वाचा >>>नवाब मलिक वि. अबू आझमी: मानखूर्दमध्ये दोन मुस्लीम नेत्यांच्या लढतीत शिवसेना शिंदे गटाला लाभ मिळणार?

भाजपचे हिंदुत्ववादी बंडखोर उमेदवार प्रमोदसिंह गड्रेल यांच्यामुळे कितपत नुकसान होईल, याची चिंता भाजपला आहे. लोकसभा निवडणुकीत काँग्रेसला येथून चांगले मताधिक्य मिळाले होते. गेल्या दोन निवडणुकांमध्ये पराभवाची चव चाखणारे काँग्रेसचे बबलू देशमुख पुन्हा मैदानात उतरले आहेत. गेल्या निवडणुकीत कडू यांना ८१, २५२ तर बबलू देशमुख यांना ७२, ८५६ मते मिळाली होती. तर शिवसेनेला तिसऱ्या क्रमांकावर समाधान मानावे लागले होते. भाजपला दशकभरानंतर अचलपुरातून निवडणूक लढण्याची संधी मिळाली आहे.

हेही वाचा >>>त्र्यंबकनगरीत पूजाअर्चेसाठी उमेदवारांची गर्दी वाढली

निर्णायक मुद्दे

● गेल्या चार वर्षांपासून बंद पडलेलेली फिनले मिल, रखडलेले सिंचन प्रकल्प, बेरोजगारी हे मुद्दे या निवडणुकीत चर्चेत आले आहेत. बच्चू कडू यांनी प्रहार जनशक्ती पक्षाचा विस्तार करताना मतदारसंघाकडे दुर्लक्ष केल्याचा विरोधकांचा आक्षेप आहे.

● जातीय-धार्मिक समीकरणे या मतदारसंघात परिणामकारक ठरत आली आहेत. कुणबी, माळी आणि मुस्लीम मते या ठिकाणी निर्णायक आहेत. या मतांच्या विभाजनावर जय-पराजयाचे गणित अवलंबून राहणार आहे.

लोकसभेतील राजकीय चित्र

महाविकास आघाडी – ८३,४१२ महायुती – ७६,६१९