मुंबई : तीनतीन प्रमुख पक्षांच्या महायुती आणि महाविकास आघाडीची जागांची समीकरणे जुळवताना उसळलेल्या नाराजीचे रंग सोमवारी, अर्जमाघारीच्या अखेरच्या मुदतीनंतरही कायम राहिले. उमेदवारी न मिळाल्याने बंडाचा झेंडा हाती घेणाऱ्यांनी पक्षश्रेष्ठी किंवा नेतेमंडळींच्या मनधरणीलाही दाद दिली नाही. त्यामुळे आता प्रचाराची रणधुमाळी सुरू होणार असली तरी, बंडखोरांमुळे बसणाऱ्या संभाव्य फटक्याचा अंदाजही राजकीय पक्षांना घ्यावा लागणार आहे.
राज्यभरातील बंडखोरीचे चित्र
विदर्भ : मुळक, आत्राम, भारतीय रिंगणातच
महाविकास आघाडीत जागा वाटपाच्या चर्चेत अडथळा ठरलेल्या रामटेकमध्ये उद्धव ठाकरे यांच्या शिवसेना उमेदवाराविरुद्ध काँग्रेस नेते राजेंद्र मुळक यांनी अर्ज कायम ठेवला आहे. अकोला पश्चिममध्ये वंचितचे अधिकृत उमेदवार डॉ. झिशान हुसेन यांनी माघार घेतल्याने पक्षाला मोठा धक्का बसला आहे. गडचिरोली जिल्ह्यातील अहेरीत महायुतीमधील भाजप बंडखोर अम्ब्रीशराव आत्राम यांनी अर्ज कायम ठेवला आहे. येथे राष्ट्रवादी (अजित पवार) गटाचे विद्यामान मंत्री धर्मरावबाबा आत्राम रिंगणात आहेत. काटोलमध्ये माजी गृहमंत्री अनिल देशमुख यांचे पुत्र सलील यांच्या विरुद्ध काँग्रेसचे याज्ञवल्क्य जिचकार हे रिंगणात आहेत. अमरावती जिल्ह्यातील बडनेराचे अपक्ष आमदार रवी राणा यांच्या विरोधात भाजप नेते तुषार भारतीय यांनी बंड केले आहे. विशेष म्हणजे, भाजपने ही जागा राणा यांच्यासाठी सोडली होती व राणा यांच्या पत्नी भाजपकडून लोकसभा निवडणूक लढल्या होत्या. दर्यापूर मतदारसंघात शिवसेनेचे (एकनाथ शिंदे) उमेदवार अभिजीत अडसूळ यांच्या विरोधात राणा यांच्या युवा स्वाभिमानचे रमेश बुंदिले रिंगणात आहेत.
हेही वाचा >>>Amit Shah : UCC बाबत अमित शाह यांची मोठी घोषणा, आदिवासी बांधवांना काय दिलं आश्वासन?
पश्चिम महाराष्ट्र : सांगोल्यात तिहेरी लढत
नगर जिल्ह्यातील १२ पैकी ५ मतदारसंघात महायुतीच्या, तर ४ मतदारसंघात महाविकास आघाडीच्या घटक पक्षांनी बंडखोरी केली आहे. केवळ संगमनेर, कोपरगाव, कर्जत-जामखेड या तीन मतदारसंघांत बंडखोरी झालेली नाही. सोलापूर जिल्ह्यातील पंढरपूर आणि सांगोला विधानसभा मतदारसंघात आघाडीतील घटक पक्ष विरोधात निवडणूक लढणार असे चित्र स्पष्ट झाले. तर माढा येथून आमदार बबनराव शिंदे यांनी माघार घेतल्याने येथे चुरशीची, तर माळशिरसमध्ये दुरंगी लढत होणार आहे. सांगोला येथे शिवसेना ( ठाकरे ) पक्षाने दीपक साळुंखे यांना उमेदवारी दिली आणि अर्ज माघारी घेण्याच्या शेवटच्या दिवशी अर्ज कायम ठेवला. ही जागा आघाडीत शेकाप पक्षाला सोडली जाते. येथे शेकापने डॉ. बाबासाहेब देशमुख यांना उमेदवारी दिली. सांगली जिल्ह्यात सांगली, खानापूरसह जतमध्ये बंडखोरी कायम आहे. विशेषत: सांगलीत काँग्रेसच्या जयश्री पाटील यांच्या बंडखोरीमुळे माजी राज्यमंत्री विश्वजीत कदम यांची कोंडी झाली आहे.
मराठवाडा : सर्वच पक्षांमध्ये बंडखोरी
मराठवाड्यातील ४६ मतदारसंघांत उदंड अर्ज भरणाऱ्यांनी दिवाळीनंतर एका दिवसात अर्ज माघारीही घेतले. मात्र, घनसावंगीमधून शिवाजी चोथे, बीडमध्ये ज्योती मेटे, आष्टीमध्ये भीमराव धोंडे यांनी उमेदवारी अर्ज कायम ठेवले. नांदेडमध्ये महायुतीमध्ये बंडखोरी झाली. लातूर व धाराशिवमध्ये बंडखोरी शमविण्यास नेत्यांना यश मिळाले. जरांगे यांनी निवडणुकीतून माघार घेण्याचा निर्णय घेतल्यानंतर जरांगे शक्तीच्या आधारे बंडखोरी करू, असे ठरविणाऱ्या बहुतेकांनी अर्ज परत घेतले. आष्टी मतदारसंघात ‘महायुती’मध्ये मैत्रीपूर्ण लढत होत असून घनसावंगीमध्ये शिवसेना (उद्धव ठाकरे ) पक्षाचे नेते शिवाजीराव चोथे यांनी अपक्ष अर्ज कायम ठेवला. त्यामुळे महाविकास आघाडीमध्ये बंडखोरी झाली. मराठवाड्यातील ४६ मतदारसंघांमध्ये भाजपने २० जागा लढविण्याचे ठरविले असून महायुतीमधील शिवसेना एकनाथ शिंदे पक्षास १६, राष्ट्रवादी अजित पवार – ०९ आणि गंगाखेडमधील अपक्ष उमेदवार रत्नाकर गुट्टे यांना महाविकास आघाडीने पुरस्कृत केले. महायुतीमध्ये आष्टी मतदारसंघातून प्रताप आजबे आणि भाजपचे सुरेश धस या दोघांना अधिकृत ‘ एबी’ फॉर्म दिल्याने या मतदारसंघात मैत्रीपूर्ण लढत होणार आहे.
हेही वाचा >>>ठाण्यात शिंदे गटातील बंडखोरांचे भाजपसमोर मोठे आव्हान
कोकण : महाविकास आघाडीत तिढा कायम
रायगड जिल्ह्यात महाविकास आघाडी आणि महायुतीचा तिढा कायम राहिला आहे. शेवटच्या क्षणी उमेदवारांनी अर्ज मागे घेण्यास नकार दिल्याने, सातपैकी सहा मतदारसंघांत युती आणि आघाडीमध्ये बिघाडी कायम राहिल्याचे चित्र आहे. शिवसेना ठाकरे गटाने शेकापविरोधात अलिबाग, पेण, उरण आणि पनवेलमध्ये उमेदवार उभे केले होते. यातील अलिबाग, पेण आणि पनवेलमधील उमेदवारी अर्ज मागे घेत असल्याचे पक्षाच्या वतीने जाहीर केले होते. शिवसेना ठाकरे गटाने अलिबागमधून जिल्हाप्रमुख सुरेद्र म्हात्रे यांचा अर्ज मागेही घेतला. मात्र शेकापने उरणमधून प्रीतम म्हात्रे यांचा अर्ज कायम ठेवला. त्यामुळे शिवसेना ठाकरे गटाने पेण आणि पनवेलमधून आपले उमेदवार कायम ठेवले आहेत.
पुणे: जिल्ह्यात आठ ठिकाणी बंडखोरी
पुणे : विधानसभा निवडणुकीत पुणे जिल्ह्यातील २१ मतदारसंघांपैकी आठ ठिकाणी बंडखोरी कायम राहिली आहे. महाविकास आघाडी आणि महायुतीला बाकी ठिकाणी बंडखोरांची मनधरणी करण्यात यश आले आहे. मावळ, भोर, इंदापूर, पुरंदर, जुन्नर, चिंचवड आणि पुण्यातील पर्वती, कसबा आणि शिवाजीनगर विधानसभा मतदारसंघांत बंडखोरी झाली आहे. यात पुण्यातील चार मतदारसंघांत महाविकास आघाडीचे बंडखोर उमेदवार असून उमेदवारांनी बंडाचा झेंडा कायम ठेवला आहे.
उत्तर महाराष्ट्र : समीर भुजबळ, हीना गावित यांचे आव्हान कायम
नाशिक जिल्ह्यातील १५ मतदारसंघांपैकी काही ठिकाणी बंडखोरीचा फटका मविआ, महायुती दोघांना बसणार आहे. चांदवडमधून भाजपचे उमेदवार डॉ. राहुल आहेर यांना त्यांचेच बंधू केदा आहेर यांनी आव्हान दिले आहे. नांदगावमध्ये शिवसेनेचे (एकनाथ शिंदे) सुहास कांदे यांच्या विरोधात राष्ट्रवादीचे (अजित पवार) मुंबईचे माजी अध्यक्ष समीर भुजबळ यांची अपक्ष उमेदवारी कायम आहे. देवळालीत तांत्रिक कारणामुळे शिवसेनेच्या (एकनाथ शिंदे) राजश्री अहिरराव यांची उमेदवारी राष्ट्रवादीच्या (अजित पवार) उमेदवार सरोज अहिरे यांच्याविरोधात कायम राहिली. जळगाव जिल्ह्यातील एरंडोलमध्ये शिवसेनेचे (उद्धव ठाकरे) जिल्हाप्रमुख डॉ.हर्षल माने यांनी राष्ट्रवादीचे (शरद पवार) उमेदवार डॉ.सतीश पाटील यांच्या विरोधात, अजित पवार गटाचे डॉ. संभाजीराजे पाटील तसेच भाजपचे माजी खासदार ए. टी. पाटील यांनी शिवसेनेचे (एकनाथ शिंदे) उमेदवार अमोल पाटील यांच्या विरोधातील अपक्ष उमेदवारी कायम ठेवली आहे.
राज्यभरातील बंडखोरीचे चित्र
विदर्भ : मुळक, आत्राम, भारतीय रिंगणातच
महाविकास आघाडीत जागा वाटपाच्या चर्चेत अडथळा ठरलेल्या रामटेकमध्ये उद्धव ठाकरे यांच्या शिवसेना उमेदवाराविरुद्ध काँग्रेस नेते राजेंद्र मुळक यांनी अर्ज कायम ठेवला आहे. अकोला पश्चिममध्ये वंचितचे अधिकृत उमेदवार डॉ. झिशान हुसेन यांनी माघार घेतल्याने पक्षाला मोठा धक्का बसला आहे. गडचिरोली जिल्ह्यातील अहेरीत महायुतीमधील भाजप बंडखोर अम्ब्रीशराव आत्राम यांनी अर्ज कायम ठेवला आहे. येथे राष्ट्रवादी (अजित पवार) गटाचे विद्यामान मंत्री धर्मरावबाबा आत्राम रिंगणात आहेत. काटोलमध्ये माजी गृहमंत्री अनिल देशमुख यांचे पुत्र सलील यांच्या विरुद्ध काँग्रेसचे याज्ञवल्क्य जिचकार हे रिंगणात आहेत. अमरावती जिल्ह्यातील बडनेराचे अपक्ष आमदार रवी राणा यांच्या विरोधात भाजप नेते तुषार भारतीय यांनी बंड केले आहे. विशेष म्हणजे, भाजपने ही जागा राणा यांच्यासाठी सोडली होती व राणा यांच्या पत्नी भाजपकडून लोकसभा निवडणूक लढल्या होत्या. दर्यापूर मतदारसंघात शिवसेनेचे (एकनाथ शिंदे) उमेदवार अभिजीत अडसूळ यांच्या विरोधात राणा यांच्या युवा स्वाभिमानचे रमेश बुंदिले रिंगणात आहेत.
हेही वाचा >>>Amit Shah : UCC बाबत अमित शाह यांची मोठी घोषणा, आदिवासी बांधवांना काय दिलं आश्वासन?
पश्चिम महाराष्ट्र : सांगोल्यात तिहेरी लढत
नगर जिल्ह्यातील १२ पैकी ५ मतदारसंघात महायुतीच्या, तर ४ मतदारसंघात महाविकास आघाडीच्या घटक पक्षांनी बंडखोरी केली आहे. केवळ संगमनेर, कोपरगाव, कर्जत-जामखेड या तीन मतदारसंघांत बंडखोरी झालेली नाही. सोलापूर जिल्ह्यातील पंढरपूर आणि सांगोला विधानसभा मतदारसंघात आघाडीतील घटक पक्ष विरोधात निवडणूक लढणार असे चित्र स्पष्ट झाले. तर माढा येथून आमदार बबनराव शिंदे यांनी माघार घेतल्याने येथे चुरशीची, तर माळशिरसमध्ये दुरंगी लढत होणार आहे. सांगोला येथे शिवसेना ( ठाकरे ) पक्षाने दीपक साळुंखे यांना उमेदवारी दिली आणि अर्ज माघारी घेण्याच्या शेवटच्या दिवशी अर्ज कायम ठेवला. ही जागा आघाडीत शेकाप पक्षाला सोडली जाते. येथे शेकापने डॉ. बाबासाहेब देशमुख यांना उमेदवारी दिली. सांगली जिल्ह्यात सांगली, खानापूरसह जतमध्ये बंडखोरी कायम आहे. विशेषत: सांगलीत काँग्रेसच्या जयश्री पाटील यांच्या बंडखोरीमुळे माजी राज्यमंत्री विश्वजीत कदम यांची कोंडी झाली आहे.
मराठवाडा : सर्वच पक्षांमध्ये बंडखोरी
मराठवाड्यातील ४६ मतदारसंघांत उदंड अर्ज भरणाऱ्यांनी दिवाळीनंतर एका दिवसात अर्ज माघारीही घेतले. मात्र, घनसावंगीमधून शिवाजी चोथे, बीडमध्ये ज्योती मेटे, आष्टीमध्ये भीमराव धोंडे यांनी उमेदवारी अर्ज कायम ठेवले. नांदेडमध्ये महायुतीमध्ये बंडखोरी झाली. लातूर व धाराशिवमध्ये बंडखोरी शमविण्यास नेत्यांना यश मिळाले. जरांगे यांनी निवडणुकीतून माघार घेण्याचा निर्णय घेतल्यानंतर जरांगे शक्तीच्या आधारे बंडखोरी करू, असे ठरविणाऱ्या बहुतेकांनी अर्ज परत घेतले. आष्टी मतदारसंघात ‘महायुती’मध्ये मैत्रीपूर्ण लढत होत असून घनसावंगीमध्ये शिवसेना (उद्धव ठाकरे ) पक्षाचे नेते शिवाजीराव चोथे यांनी अपक्ष अर्ज कायम ठेवला. त्यामुळे महाविकास आघाडीमध्ये बंडखोरी झाली. मराठवाड्यातील ४६ मतदारसंघांमध्ये भाजपने २० जागा लढविण्याचे ठरविले असून महायुतीमधील शिवसेना एकनाथ शिंदे पक्षास १६, राष्ट्रवादी अजित पवार – ०९ आणि गंगाखेडमधील अपक्ष उमेदवार रत्नाकर गुट्टे यांना महाविकास आघाडीने पुरस्कृत केले. महायुतीमध्ये आष्टी मतदारसंघातून प्रताप आजबे आणि भाजपचे सुरेश धस या दोघांना अधिकृत ‘ एबी’ फॉर्म दिल्याने या मतदारसंघात मैत्रीपूर्ण लढत होणार आहे.
हेही वाचा >>>ठाण्यात शिंदे गटातील बंडखोरांचे भाजपसमोर मोठे आव्हान
कोकण : महाविकास आघाडीत तिढा कायम
रायगड जिल्ह्यात महाविकास आघाडी आणि महायुतीचा तिढा कायम राहिला आहे. शेवटच्या क्षणी उमेदवारांनी अर्ज मागे घेण्यास नकार दिल्याने, सातपैकी सहा मतदारसंघांत युती आणि आघाडीमध्ये बिघाडी कायम राहिल्याचे चित्र आहे. शिवसेना ठाकरे गटाने शेकापविरोधात अलिबाग, पेण, उरण आणि पनवेलमध्ये उमेदवार उभे केले होते. यातील अलिबाग, पेण आणि पनवेलमधील उमेदवारी अर्ज मागे घेत असल्याचे पक्षाच्या वतीने जाहीर केले होते. शिवसेना ठाकरे गटाने अलिबागमधून जिल्हाप्रमुख सुरेद्र म्हात्रे यांचा अर्ज मागेही घेतला. मात्र शेकापने उरणमधून प्रीतम म्हात्रे यांचा अर्ज कायम ठेवला. त्यामुळे शिवसेना ठाकरे गटाने पेण आणि पनवेलमधून आपले उमेदवार कायम ठेवले आहेत.
पुणे: जिल्ह्यात आठ ठिकाणी बंडखोरी
पुणे : विधानसभा निवडणुकीत पुणे जिल्ह्यातील २१ मतदारसंघांपैकी आठ ठिकाणी बंडखोरी कायम राहिली आहे. महाविकास आघाडी आणि महायुतीला बाकी ठिकाणी बंडखोरांची मनधरणी करण्यात यश आले आहे. मावळ, भोर, इंदापूर, पुरंदर, जुन्नर, चिंचवड आणि पुण्यातील पर्वती, कसबा आणि शिवाजीनगर विधानसभा मतदारसंघांत बंडखोरी झाली आहे. यात पुण्यातील चार मतदारसंघांत महाविकास आघाडीचे बंडखोर उमेदवार असून उमेदवारांनी बंडाचा झेंडा कायम ठेवला आहे.
उत्तर महाराष्ट्र : समीर भुजबळ, हीना गावित यांचे आव्हान कायम
नाशिक जिल्ह्यातील १५ मतदारसंघांपैकी काही ठिकाणी बंडखोरीचा फटका मविआ, महायुती दोघांना बसणार आहे. चांदवडमधून भाजपचे उमेदवार डॉ. राहुल आहेर यांना त्यांचेच बंधू केदा आहेर यांनी आव्हान दिले आहे. नांदगावमध्ये शिवसेनेचे (एकनाथ शिंदे) सुहास कांदे यांच्या विरोधात राष्ट्रवादीचे (अजित पवार) मुंबईचे माजी अध्यक्ष समीर भुजबळ यांची अपक्ष उमेदवारी कायम आहे. देवळालीत तांत्रिक कारणामुळे शिवसेनेच्या (एकनाथ शिंदे) राजश्री अहिरराव यांची उमेदवारी राष्ट्रवादीच्या (अजित पवार) उमेदवार सरोज अहिरे यांच्याविरोधात कायम राहिली. जळगाव जिल्ह्यातील एरंडोलमध्ये शिवसेनेचे (उद्धव ठाकरे) जिल्हाप्रमुख डॉ.हर्षल माने यांनी राष्ट्रवादीचे (शरद पवार) उमेदवार डॉ.सतीश पाटील यांच्या विरोधात, अजित पवार गटाचे डॉ. संभाजीराजे पाटील तसेच भाजपचे माजी खासदार ए. टी. पाटील यांनी शिवसेनेचे (एकनाथ शिंदे) उमेदवार अमोल पाटील यांच्या विरोधातील अपक्ष उमेदवारी कायम ठेवली आहे.
