काँग्रेसच्या बसवराज पाटील यांच्या भाजप प्रवेशाने औस्यात समीकरण बिघडले

लातूर -जिल्ह्यातील औसा विधानसभा मतदारसंघ हा अतिशय महत्त्वपूर्ण मतदार संघ आहे . २०१९ साली औसा विधानसभा निवडणुकीत तत्कालीन मुख्यमंत्री देवेंद्र फडणवीस यांचे स्वीय सहाय्यक राहिलेले अभिमन्यू पवार हे निवडणुकीच्या रिंगणात उतरले व त्यांनी माजी मंत्री व काँग्रेसचे प्रदेश कार्याध्यक्ष बसवराज पाटील मुरूमकर यांचा दारुण पराभव केला. २०२४ च्या विधानसभा निवडणुकीतील चित्र मात्र वेगळे राहणार आहे कारण बसवराज पाटील मुरूमकर यांनी भाजपात प्रवेश केला आहे .

आणखी वाचा

मानव-वन्यजीव संघर्ष : चंद्रपूर जिल्ह्यात ३७ वन्यप्राण्यांचा तर २९ नागरिकांचा मृत्यू

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

कल्याणमधील भटक्या श्वानाचे तीन जणांना चावे, भटक्या श्वानांच्या उपद्रवाने नागरिक, शाळकरी विद्यार्थी त्रस्त

शिक्षणासाठी पुण्यात आलेल्या अनेक विद्यार्थ्यांची आबाळ, आरोग्य सर्वेक्षणातून काय झाले उघड?

शिराळ्यात गव्यांकडून दोनशे एकर शेतीचे नुकसान

खून करण्यामागे कारण आर्थिक की अनैतिक संबंध? सतीश वाघ खून प्रकरणात पत्नीला पोलीस कोठडी

अमरावती : आजी-माजी आमदारांमध्ये जुंपली… ‘हे’ आहे कारण

भंडारा : गुण वाढवण्यासाठी प्राचार्यांनी विद्यार्थिनींकडे केली शरीरसुखाची मागणी

औसा विधानसभा मतदारसंघात लिंगायत समाजाची मोठी मतपेढी आहे. बसवराज पाटील यांच्या भाजप प्रवेशाने हा समाज भाजपशी अधिक प्रमाणात जोडला जाणार आहे .२०२४ विधानसभा निवडणुकीत अभिमन्यू पवार यांना फारसा संघर्ष करावा लागणार नाही .महाविकास आघाडीत काँग्रेस पक्षाच्या वतीने या जागेवर पुन्हा दावा केला जाण्याची शक्यता आहे कारण या मतदारसंघात दहा वर्ष शिवसेनेचे आमदार दिनकर माने यांची कारकीर्द वगळता काँग्रेसचाच आमदार राहिला आहे .शिवशंकर उटगे, किसनराव जाधव आदी आमदार राहिले त्यामुळे आगामी निवडणुकीतही काँग्रेस आपला दावा करणार असल्याचे कॉंग्रेसचे जिल्हाध्यक्ष श्रीशैल्य उटगे यांनी सांगितले. शिवसेना उद्धव बाळासाहेब ठाकरे च्या वतीने लोकसभा निवडणुकीच्या पूर्वी झालेल्या जाहीर सभेत उद्धव ठाकरे व संजय राऊत या दोघांनीही आगामी विधानसभा निवडणुकीत शिवसेनेचा उमेदवार उभा राहणार असल्याचे जाहीर केले आहे. दिनकर माने यांनी औसा विधानसभा मतदारसंघाचे दोन वेळा प्रतिनिधित्व केलेले आहे.

हेही वाचा >>>परभणीतील ‘गद्दारी’च्या इतिहासाला शिवसेना खासदार संजय जाधव ठरले अपवाद !

२०१९ मध्ये भाजप सेना युतीत शिवसेनेने ही जागा भाजपला सोडली त्यामुळे दिनकर मानेंना संधी मिळाली नाही. आता पुन्हा दिनकर माने हे दावेदार असले तरी अभिमन्यू पवार यांनी या मतदारसंघावर चांगली पकड निर्माण केली आहे .बंद पडलेला किल्लारी सहकारी साखर कारखाना सुरू केला आहे. शेत रस्त्याची मोहीम मोठ्या प्रमाणावर राबवली आहे. शिवाय पाणीपुरवठा व विविध विकास कामात मोठा निधी त्यांनी खेचून आणला आहे. बाजार समितीच्या निवडणुकीतही त्यांनी विजय प्राप्त केला आहे .सध्या तरी भाजपसाठी या मतदार संघात अनुकूल वातावरण आहे मागच्या वेळचे प्रमुख विरोधक बसवराज पाटील हे सोबत असल्यामुळे भाजपची बाजू भक्कम आहे. मराठा समाजाच्या आंदोलनाचा नेमका काय परिणाम होईल,असे अनेक प्रश्न उपस्थित केले जात आहेत.लोकसभा निवडणुकीनंतर चित्र अधिक स्पष्ट होणार आहे.