पंकजा मुंडेंच्या प्रचाराचे पालकत्व धनंजय मुंडे यांच्याकडे

बीडमध्ये मागील लोकसभा निवडणूक राष्ट्रवादीच्या घड्याळ चिन्हावर लढवलेले अजित पवार गटाचे नेते आणि धनंजय मुंडे यांचे निकटवर्तीय मानले गेलेले बजरंग सोनवणे यांनी बुधवारी राष्ट्रवादी काँग्रेस-शरदचंद्र पवार पक्षात प्रवेश केला आहे. सोनवणे यांनी अजित पवार यांच्या पक्षाची साथ सोडणे हा धनंजय मुंडे यांना धक्का मानला जात आहे. २०१९ च्या लोकसभा निवडणुकीत बजरंग सोनवणे यांनी मावळत्या खासदार डाॅ. प्रीतम मुंडे यांच्याविरोधात ५ लाख ९ हजार ८०७ मते घेतली होती आणि त्यामध्ये धनंजय मुंडे यांचाही सिंहाचा वाटा होता. मुळात सोनवणे यांना उमेदवारी देण्यामागे धनंजय मुंडे यांचाच आग्रह अधिक मानला गेला होता. दोघांचीही लढत विरोधातील भाजप उमेदवाराशी होती. आता राज्य पातळीवरील राजकीय संदर्भ बदलले आहेत. धनंजय मुंडे ज्या अजित पवार यांच्या राष्ट्रवादी काँग्रेसमध्ये आहेत तो पक्ष भाजपचा मित्रपक्ष म्हणून सत्तेत आहे.

आणखी वाचा

रविवार ठरला प्रचार वार; वसई, नालासोपाऱ्यात रविवारच्या सुट्टीची संधी साधत उमेदवारांचा जोरदार प्रचार

Nana Patole : निकालाआधी राजकीय घडामोडींना वेग; यातच…

भाजपकडून पाेलीस बंदाेबस्तात पैशांचे वाटप? ‘मविआ’चा आरोप, महायुतीचेही प्रत्युत्तर..

रोड-शो दरम्यान भाजपचे झेंडे दाखवणाऱ्यांना प्रियंका गांधी म्हणाल्या, तुम्हाला शुभेच्छा मात्र…

“…अन् प्रियांका गांधींनी भाजपाचे दात घशात घातले”, पंतप्रधान मोदींच्या ‘त्या’ आव्हानाला उद्धव ठाकरेंचं प्रत्युत्तर

धंगेकर-रासने लढतीच्या दुसऱ्या फेरीत कोणाची बाजी?

भाजपच्या ‘बटेंगे’ला काँग्रेसचे ‘जुडेंगे’

पवार यांचा नागपूर दौरा, भाजपला इशारा अन् कॉंग्रेस नेत्यांशी खलबते

हेही वाचा – अवघ्या काही महिन्यांतच ‘गुलाबी रंग’ उडाला, भारत राष्ट्र समितीचे राज्यातील अस्तित्वच धोक्यात

पालकमंत्रीपदाची जबाबदारीही धनंजय मुंडे यांच्यावर आहे. भाजपमधील नाराज नेत्या म्हणून कायम चर्चेत असलेल्या पंकजा मुंडे यांचे लोकसभा निवडणूक लढवण्यासाठीचे मन तयार करण्यातही धनंजय मुंडे यांचे कसब पणाला लागल्याची चर्चा सुरू असते. त्यामागे पंकजा यांच्या विजयासाठी प्रचाराची जबाबदारी हा एक भाग असून महाविकास आघाडीने तुल्यबळ उमेदवार दिला तर गठ्ठा मतदान फोडण्याचा अनुभव धनंजय मुंडे यांना त्यांच्या परळीतील विजयातून गाठिशी आलेला आहे.

हेही वाचा – मी १०० टक्के निवडणुकीच्या रिंगणात, ‘एकला चलो रे’च्या भूमिकेत – वसंत मोरे

परळीत मराठा आरक्षण आंदोलक मनोज जरांगे पाटील यांची महासंवाद बैठकही चर्चेत असून बैठकीला परळी पोलिसांनी परवानगी नाकारली असली तरी सकल मराठा समाज बैठकीसाठी आग्रही होता. या पार्श्वभूमीवर धनंजय मुंडे यांनी परळीत घेतलेल्या कार्यकर्त्यांच्या बैठकीलाही महत्त्व प्राप्त झाले आहे. धनंजय मुंडे यांच्याविषयी जिल्ह्यातील काही नेत्यांमध्ये नाराजी असली तरी महायुतीचा धर्म म्हणून इतर ठिकाणचे नेते पंकजा मुंडे यांच्या विजयासाठी काम करतील, असा अंदाज बांधला जात आहे.