सावंतवाडी : सिंधुदुर्ग जिल्ह्यातील तीन विधानसभा मतदारसंघात दोन विधानसभा मतदारसंघ शिवसेना (शिंदे गट) आणि एक मतदारसंघ भाजपला मिळण्याची शक्यता असल्याने भाजपमध्ये जोरदार खदखद सुरू आहे. तर भाजपने सावंतवाडी, कुडाळ विधानसभा मतदारसंघ मिळावा म्हणून दबावगट निर्माण केला आहे. त्यामुळे कुडाळ मतदार संघ भाजप पारड्यात पडेल अशी अपेक्षा ठेवून आहे. दरम्यान मंत्री दिपक केसरकर यांनी सावंतवाडी व कुडाळ विधानसभा मतदारसंघ शिवसेना पक्ष लढवणार असल्याचे जाहीर केले आहे.
कुडाळ – मालवण विधानसभा मतदारसंघातून माजी खासदार निलेश राणे यांनी उमेदवारीवर दावा केला आहे. निलेश राणे भूमिकेवर ठाम राहिले आहेत. सावंतवाडी विधानसभा मतदारसंघ आणि कुडाळ मालवण विधानसभा मतदारसंघात शिवसेनेचे अनुक्रमे दीपक केसरकर आणि वैभव नाईक विजय झाले होते तर कणकवली देवगड वैभववाडी विधानसभा मतदारसंघात भाजपचे नितेश राणे विजयी झाले होते. तिन्ही मतदारसंघातील हे विद्यमान आमदार पुनश्च एकदा निवडणुकीत उभे राहण्याच्या भूमिकेवर ठाम आहेत.
हेही वाचा >>> Maharashtra Elections 2024: सोलापूरमध्ये अजित पवारांसमोर मोठे आव्हान
भाजप, शिवसेना (शिंदे गट ) आणि अजित पवार राष्ट्रवादी काँग्रेस यांची महायुती आहे. महायुतीच्या संकेताप्रमाणे कुडाळ आणि सावंतवाडी विधानसभा मतदारसंघ शिवसेनाला मिळतील तर कणकवली विधानसभा मतदारसंघ भाजपला मिळेल. मात्र भाजपने आपली ताकद सिंधुदुर्ग जिल्ह्यात वाढली असल्याने सावंतवाडी, कुडाळ आणि कणकवली या विधानसभा मतदारसंघावर दावा केला आहे.सध्या मंत्री दीपक केसरकर सावंतवाडी मतदारसंघातून प्रतिनिधित्व करत असल्याने या ठिकाणी केसरकर यांना हा मतदारसंघ मिळेल. तर कुडाळमधून वैभव नाईक हे उद्धव बाळासाहेब ठाकरे शिवसेनेचे प्रतिनिधित्व करत असल्याने या ठिकाणी शिवसेना शिंदे गटाला उमेदवारी मिळाली तर उमेदवार कोण असेल ? असा प्रश्न निर्माण झाला आहे.
हेही वाचा >>> Navi Mumbai Airport : नवी मुंबई विमानतळावर उतरलं पहिलं विमान! धावपट्टीची चाचणी यशस्वी; नियमित वाहतूक कधी सुरू होणार?
दरम्यान या ठिकाणी भाजपने दावा केला असून भाजपचे उमेदवार म्हणून निलेश राणे यांनी मतदारसंघात जोरदार मुसंडी मारली आहे. आपण या निवडणुकीत उमेदवार असू असे सांगितले असून भाजप कि शिवसेना ( शिंदे गट) यापैकी कोणत्या पक्षाचे ते उमेदवार असतील, हे मात्र त्यांनी गुलदस्त्यात ठेवले आहे. कुडाळ विधानसभा मतदारसंघ भाजपला सुटला नाही तर निलेश राणे शिवसेनेत ( शिंदे) मध्ये प्रवेश करतील अशी चर्चा आहे. मुख्यमंत्री एकनाथ शिंदे यांना माजी मुख्यमंत्री खासदार नारायण राणे नुकतेच भेटले असल्याने ही चर्चा सुरू आहे.मात्र याला दुजोरा मिळाला नाही. तर मंत्री दिपक केसरकर यांनी निलेश राणे यांनी शिवसेना प्रवेश केला तर स्वागत आहे असे म्हटले आहे.
कणकवली विधानसभा मतदारसंघातून आमदार नितेश राणे हे भाजपचे उमेदवार असतील. सावंतवाडीतून दीपक केसरकर हे शिवसेना (शिंदे गटा) चे उमेदवार असतील तर वैभव नाईक कुडाळ मध्ये उद्धव बाळासाहेब ठाकरे शिवसेनेचे उमेदवार असतील. सावंतवाडी विधानसभा मतदारसंघात भाजपचे माजी आमदार राजन तेली यांनी केसरकर यांच्यावर जोरदार टीकास्त्र सोडले असून भाजपचे माजी नगराध्यक्ष संजू परब व भाजपचे युवा मोर्चा उपाध्यक्ष विशाल परब यांनी देखील उमेदवार म्हणून रिंगणात राहणार असल्याचे म्हटले आहे. यामुळे केसरकर यांना भाजपने घेरले असल्याचे चित्र आहे.
कुडाळ – मालवण विधानसभा मतदारसंघातून माजी खासदार निलेश राणे यांनी उमेदवारीवर दावा केला आहे. निलेश राणे भूमिकेवर ठाम राहिले आहेत. सावंतवाडी विधानसभा मतदारसंघ आणि कुडाळ मालवण विधानसभा मतदारसंघात शिवसेनेचे अनुक्रमे दीपक केसरकर आणि वैभव नाईक विजय झाले होते तर कणकवली देवगड वैभववाडी विधानसभा मतदारसंघात भाजपचे नितेश राणे विजयी झाले होते. तिन्ही मतदारसंघातील हे विद्यमान आमदार पुनश्च एकदा निवडणुकीत उभे राहण्याच्या भूमिकेवर ठाम आहेत.
हेही वाचा >>> Maharashtra Elections 2024: सोलापूरमध्ये अजित पवारांसमोर मोठे आव्हान
भाजप, शिवसेना (शिंदे गट ) आणि अजित पवार राष्ट्रवादी काँग्रेस यांची महायुती आहे. महायुतीच्या संकेताप्रमाणे कुडाळ आणि सावंतवाडी विधानसभा मतदारसंघ शिवसेनाला मिळतील तर कणकवली विधानसभा मतदारसंघ भाजपला मिळेल. मात्र भाजपने आपली ताकद सिंधुदुर्ग जिल्ह्यात वाढली असल्याने सावंतवाडी, कुडाळ आणि कणकवली या विधानसभा मतदारसंघावर दावा केला आहे.सध्या मंत्री दीपक केसरकर सावंतवाडी मतदारसंघातून प्रतिनिधित्व करत असल्याने या ठिकाणी केसरकर यांना हा मतदारसंघ मिळेल. तर कुडाळमधून वैभव नाईक हे उद्धव बाळासाहेब ठाकरे शिवसेनेचे प्रतिनिधित्व करत असल्याने या ठिकाणी शिवसेना शिंदे गटाला उमेदवारी मिळाली तर उमेदवार कोण असेल ? असा प्रश्न निर्माण झाला आहे.
हेही वाचा >>> Navi Mumbai Airport : नवी मुंबई विमानतळावर उतरलं पहिलं विमान! धावपट्टीची चाचणी यशस्वी; नियमित वाहतूक कधी सुरू होणार?
दरम्यान या ठिकाणी भाजपने दावा केला असून भाजपचे उमेदवार म्हणून निलेश राणे यांनी मतदारसंघात जोरदार मुसंडी मारली आहे. आपण या निवडणुकीत उमेदवार असू असे सांगितले असून भाजप कि शिवसेना ( शिंदे गट) यापैकी कोणत्या पक्षाचे ते उमेदवार असतील, हे मात्र त्यांनी गुलदस्त्यात ठेवले आहे. कुडाळ विधानसभा मतदारसंघ भाजपला सुटला नाही तर निलेश राणे शिवसेनेत ( शिंदे) मध्ये प्रवेश करतील अशी चर्चा आहे. मुख्यमंत्री एकनाथ शिंदे यांना माजी मुख्यमंत्री खासदार नारायण राणे नुकतेच भेटले असल्याने ही चर्चा सुरू आहे.मात्र याला दुजोरा मिळाला नाही. तर मंत्री दिपक केसरकर यांनी निलेश राणे यांनी शिवसेना प्रवेश केला तर स्वागत आहे असे म्हटले आहे.
कणकवली विधानसभा मतदारसंघातून आमदार नितेश राणे हे भाजपचे उमेदवार असतील. सावंतवाडीतून दीपक केसरकर हे शिवसेना (शिंदे गटा) चे उमेदवार असतील तर वैभव नाईक कुडाळ मध्ये उद्धव बाळासाहेब ठाकरे शिवसेनेचे उमेदवार असतील. सावंतवाडी विधानसभा मतदारसंघात भाजपचे माजी आमदार राजन तेली यांनी केसरकर यांच्यावर जोरदार टीकास्त्र सोडले असून भाजपचे माजी नगराध्यक्ष संजू परब व भाजपचे युवा मोर्चा उपाध्यक्ष विशाल परब यांनी देखील उमेदवार म्हणून रिंगणात राहणार असल्याचे म्हटले आहे. यामुळे केसरकर यांना भाजपने घेरले असल्याचे चित्र आहे.
