पंतप्रधान नरेंद्र मोदी यांच्या नेतृत्वाखालील सरकारला नऊ वर्षे पूर्ण झाल्याबद्दल भाजपाकडून देशभरात विविध कार्यक्रम आयोजित करण्यात येत आहेत. उत्तर प्रदेश भाजपा महिला मोर्चातर्फे ‘लखपती दीदी’ नावाचे अभियान राबविण्यात येणार आहे. भाजपाच्या महिला पदाधिकारी प्रधानमंत्री आवास योजनेच्या लाभार्थीना घरोघरी जाऊन भेटणार आहेत. ३ जून पासून हे अभियान सुरू होत असून लाभार्थी महिलांना ‘लखपती दीदी’ म्हणून हाक मारली जाणार आहे. या लाभार्थी महिलांकडून पंतप्रधान नरेंद्र मोदींचे आभार व्यक्त करणारे पत्रही लिहून घेतले जाणार आहे. या अभियानाच्या मागची संकल्पना अशी आहे की, आवास योजनेतून जे घर मिळाले, ते लाखो रुपयांच्या घरात आहे. त्यामुळे या महिलांना ‘लखपती दीदी’ म्हणून संबोधले जाणार आहे. १९ जूनपर्यंत चालणाऱ्या या अभियानाच्या माध्यमातून २०२४ च्या लोकसभा निवडणुकांची तयारी केली जाणार आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
