नागपूर: महाराष्ट्राचे माजी मुख्यमंत्री व विद्यमान उपमुख्यमंत्री एकनाथ शिंदे हे त्यांच्या ‘ऑपरेशन टायगर ‘ साठी गुरुवारी नागपूर दौऱ्यावर येत आहेत. त्यापूर्वीच शिंदे गटाचे आमदार व विद्यमान मंत्री आशीष जयस्वाल यांचे कट्टर विरोधक माजी आमदार मल्लिकार्जून रेड्डी यांना पुन्हा पक्षात प्रवेश देऊन एक प्रकारे शिंदे यांना शह देण्याचा प्रयत्न केला आहे. उपमुख्यमंत्री एकनाथ शिंदे २० तारखेला नागपूर जिल्ह्याच्या दौऱ्यावर आहेत. शिवसेनेचे ( शिंदे) विद्यमान आमदार व नियोजन खात्याचे राज्यमंत्री आशीष जयस्वाल यांच्या रामटेक मतदारसंघातील मनसर येथे त्यांची ‘ आभार ‘ सभा आयोजित करण्यात आली आहे. विधानसभा निवडणुकीनंतरचा हा शिंदे यांचा पहिलाच राजकीय दौरा आहे. शिवसेनेच्या ‘ ऑपरेशन टायगर ‘ मोहिमेचा एक भाग म्हणून या दौऱ्याकडे बघितले जात आहे. या दौऱ्यात शिवसेना ठाकरे गटाचे अनेक नेते शिंदे गटात प्रवेश करणार, असे आशीष जयस्वाल आणि विधानपरिषद सदस्य कृपाल तुमाने यांनी पत्रकार परिषद घेऊन जाहीर केले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
