पंजाब: सुप्रसिद्ध पंजाबी गायक मुसेवाला यांच्या हत्येनंतर त्यांच्या कुटुंबियांना भेटण्यासाठी सर्वपक्षीय नेत्यांची रांग 

शुभदीप सिंग सिद्धू मुसेवाला यांनी यावर्षी झालेली पंजाब विधानसभा निवडणुक लढवली होती. ते मासना या मतदार संघातून काँग्रेसचे उमेदवार होते. ‘आप’च्या विजय सिंगला यांनी मुसेवाला यांचा पराभव केला होता. अंत्यसंस्काराच्या वेळी सिद्धू यांच्या पार्थिवावर काँग्रेसचा झेंडा ठेवण्यात आला होता. 

सिद्धू मुसेवाला यांच्या कुटुंबियांची भेट घेणाऱ्या नेत्यांमध्ये पंजाबचे माजी मुख्यमंत्री कॅप्टन अमरिंदर सिंग, माजी खासदार प्रनीत कौर, अकाल तख्तचे प्रमुख हरप्रीत सिंग यांचा समावेश होता. मुसेवाला यांच्या मृत्यूनंतर त्यांच्या कुटुंबियांना भेट देणाऱ्या मोठ्या नेत्यांमध्ये केंद्रीय मंत्री गजेंद्र शेखावत आणि काँग्रेस सचिन पायलट यांचा समावेश आहे.

पंजाबमधील इतर प्रमुख नेत्यांमध्ये एसएडीचे सुखबीर बादल आणि हरसिमत कौर बादल, नुकतेच काँग्रेसमधून भाजपामध्ये गेलेले सुनील जाखर, भाजपा नेते अश्विनी शर्मा आणि शेतकरी नेते गुरनाम चदुनि आणि जगजीत सिंग डल्लेवाल हे होते. एका बाजूला मुसेवाला यांच्या हत्येनंतर त्यांच्या कुटुंबियांना भेटण्यासाठी नेत्यांची रांग लागली असताना पंजाबमधील “आप’च्या नेत्यांची अनुपस्थिती स्पष्टपणे जाणवते. मुसेवाला यांची हत्या झाली ते मानसा गाव मुख्यमंत्री भगवंत मान प्रतिनिधित्व करत असलेल्या संगरूर या लोकसभा मतदार संघात येतो. 

अंत्यसंस्काराच्या दिवशी मुसेवाला यांच्या कुटुंबियांना भेट देणारे आप चे आमदार कुवर विजय प्रताप सिंग हे आम आदमी पक्षाचे पहिले नेते होते. भगवंत मान यांनी हत्येच्या पाच दिवसानंतर ‘मानसा’ला भेट. यावेळी गावात कडक सुरक्षा व्यवस्था तौनात करण्यात आली होती. या भेटीदरम्यान मुख्यमंत्री भगवंत मान यांच्या विरोधात घोषणाबाजी करण्यात आली.