Loksabha Elections 2024 : अखेर ओडिशात भाजपा स्वबळावर लढणार, बीजेडीबरोबर युती फिस्कटण्याचे कारण काय?

शुक्रवारी सायंकाळी आगामी लोकसभा आणि विधानसभा निवडणुकीत आम्ही लोकसभेच्या २१ आणि विधानसभेच्या १४७ जागा स्वबळावर लढणार असल्याची घोषणा भाजपाचे ओडिशाचे अध्यक्ष मनमोहन सामल यांनी केली. तसेच यावेळी बोलताना नवीन पटनायक यांच्या नेतृत्वातील बीजेडीने वेळप्रसंगी केंद्रातील मोदी सरकारला केलेल्या मदतीबाबत त्यांनी आभारही मानले. यावेळी बोलताना, आम्ही ओडिशातील लोकांचे हितसंबंध आणि ओडिया अस्मितेच्या मुद्द्यावरून बीजेडी सरकारशी असहमत आहोत, अशी प्रतिक्रियाही त्यांनी दिली.

आणखी वाचा

उद्धव यांचे भावनिक आवाहन ठाकरे सेनेला कितपत तारणार? मराठवाड्याकडे विशेष लक्ष?

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

शिवसेनेच्या बालेकिल्ल्यात शिंदे-ठाकरे गटांत सामना, संजय रायमूलकर यांची घोडदौड सिद्धार्थ खरात रोखणार?

Donald Trump : एलॉन मस्क, विवेक रामास्वामींचा डोनाल्ड ट्रम्प यांच्या मंत्रिमंडळात समावेश; करणार नोकरशाहीची साफसफाई

कळवा-मुंब्य्रात गुरु-शिष्याची नव्हे तर धर्म-अधर्माची लढाई, कृषीमंत्री धनंजय मुंडे यांचे मुंब्य्रातील सभेत विधान

एका मतदारसंघात बंडखोरी, दुसऱ्यामध्ये ‘पक्षनिष्ठा’; काँग्रेस खासदार, माजी मंत्री बंडखोराच्या प्रचारात

वणीत भाजपमागे शुक्लकाष्ठ, कुणबी वक्तव्यानंतरचे बॅग तपासणी प्रकरण अंगलट येण्याची शक्यता

“मरेपर्यंत पस्तावशील, हे लोक तुला…”, भाजपा आमदाराची भर सभेत अरेरावी; प्रश्न विचारणाऱ्यांना कार्यकर्त्यांनी हुसकावलं

हेही वाचा – अटकेविरोधात काँग्रेसचे नेते अरविंद केजरीवाल यांच्या पाठीशी, पण पंजाबमध्ये मात्र…

भाजपाच्या या निर्णयानंतर बीजेडीकडून अद्यापतरी कोणतीही अधिकृत प्रतिक्रिया आलेली नाही. मात्र, सूत्रांनी दिलेल्या माहितीनुसार, बीजेडीनेसुद्धा स्वबळावर निवडणूक लढण्याची तयारी केली आहे. युतीची चर्चा फिस्कटल्यानंतर भाजपाचे वरिष्ठ नेते म्हणाले, ”ओडिशातील कार्यकर्त्यांशी बोलल्यानंतर आणि येथील परिस्थितीचा एकंदरित आढवा घेतल्यानंतर पंतप्रधान मोदी आणि पक्षातील वरिष्ठ नेत्यांनी बीजेडीशी युती न करण्याचा निर्णय घेतला आहे. देशातील लाट सद्या मोदींच्या बाजुने आहे.”

खरं तर बीजेडीबरोबरच्या युतीला भाजपाच्या स्थानिक नेत्यांनी विरोध केला होता. तरीही दिल्लीतल वरिष्ठ नेत्यांनी युतीची चर्चा सुरू केली होती. मात्र, ती अपयशी ठरली. ओडिशात सध्या भाजपाचा प्रभाव वाढतो आहे. राज्यात भाजपा सध्या क्रमांक दोनचा पक्ष आहे. तर काँग्रेसचा प्रभाव कमी होताना दिसून येत आहे. राज्यातील भाजपाचा वाढता प्रभाव बघता पक्षाला युती करण्याची गरज नाही, असा युक्तीवाद ओडिशातील भाजपा नेत्यांनी केला आहे.

सूत्रांनी दिलेल्या माहितीनुसार, बीजेडीने विधानसभेच्या १४७ पैकी १०० जागांनी मागणी केली होती. मात्र, भाजपाने त्यांना केवळ ५७ जागांचा प्रस्ताव दिला होता. तसेच निवडणुकीनंतरच्या मंत्रीपदाबाबतही दोन्ही पक्षात एकमत होऊ शकले नाही.

५ मार्च रोजी ओडिशातील एका कार्यक्रमात बोलताना पंतप्रधान मोदी यांनी ओडिशाचे मुख्यमंत्री नवीन पटनायक यांचे कौतुक केले होते. तसेच २०३६ पर्यंत ओडिशाला विकसित राज्य बनवण्यासाठी जे काही करावे लागेल, ते बीजेडी करेल, अशी पोस्ट बीजेडीकडून करण्यात आली होती. त्यानंतर दोन्ही पक्षात युती होणार असल्याच्या चर्चांना उधाण आले होते.

ओडिशातील भाजपाच्या स्थानिक नेत्यांचा मात्र या युतीला विरोध होता. तसेच त्यांनी दिल्तील जाऊन भाजपाच्या वरिष्ठ नेत्यांशी चर्चाही केली. सूत्रांनी दिलेल्या माहितीनुसार, बीजेडीशी युती केल्यास त्याचा भाजपाला काही फायदा होणार नाही, असे या नेत्यांनी वरिष्ठांना सांगितले. तसेच ओडिशात भाजपाचा प्रभाव वाढतो आहे. तसेच बीजेडीचे अनेक नेते भाजपात येणार इच्छूक आहे, त्यामुळे ओडिशात भाजपा नंबर एकचा पक्ष बनू शकतो, असेही त्यांनी वरिष्ठांना सांगितले.

हेही वाचा – अरविंद केजरीवालांनंतर आता मुख्यमंत्री भगवंत मान यांचा नंबर? पंजाबमधील मद्य धोरणाच्या चौकशीनंतर ‘आप’मध्ये भितीचे वातावरण

स्थानिक नेत्यांच्या विरोधानंतर भाजपाने बीजेडीबरोबर युतीची चर्चा सुरू केली. आगामी निवडणुकीत ४०० जागांचे लक्ष असल्याने बीजेडीबरोबर युती करणे भाजपाला महत्त्वाचे वाटले. मात्र, ही चर्चा पूर्णपणे फिस्कटली.

दरम्यान, मागील निवडणुकीतील आकडेवारीचा विचार केला, तर भाजपाने प्रमुख विरोधी पक्ष म्हणून काँग्रेसची जागा घेतली आहे. या निवडणुकीत भाजपाने विधानसभेच्या २३ ते लोकसभेच्या ८ जागांवर विजय मिळवला होता. २०१४ च्या तुलनेत भाजपाच्या लोकसभेतील मतांची टक्केवारी २१.९ टक्क्यांवरून ३८.९ टक्क्यांपर्यंत वाढली. तर विधानसभेत मतांची टक्केवारी १८.२ टक्क्यांवरून ३२.८ टक्क्यांवर पर्यंत वाढली आहे.