बावनकुळे, शेलार यांच्याकडे अध्यक्षपदाची जबाबदारी कायम; मंत्रिमंडळातील नावांबाबत चर्चा सुरू

राज्य मंत्रिमंडळात कोणाचा समावेश होणार, याविषयी भाजपमध्ये विविध नावांवर चर्चा सुरू आहे. पण मंत्रिमंडळात भाजपच्या जास्तीत जास्त १२-१३ नेत्यांचा समावेश होण्याची शक्यता असून काही जागा रिक्त ठेवल्या जातील. त्यामुळे मंत्रिमंडळात जातीय समीकरण आणि विभागनिहाय प्रतिनिधित्व देताना मोजक्याच नेत्यांना संधी मिळणार असून, इच्छुक नेत्यांना वरिष्ठांकडून पुन्हा पक्षासाठी त्याग करण्याचा सल्ला दिला जाण्याची शक्यता आहे.

आणखी वाचा

अवघा २५ किलोमीटर सरासरी वेग… मालगाड्यांचा वेग कमी झाल्याने मालवाहतुकीवर परिणाम होत आहे का?

अपात्र ‘लाडक्या बहिणी’ची रक्कम पुन्हा सरकारजमा

दिल्लीत यंदा भाजपची बाजी? ‘आप’साठी निवडणूक आव्हानात्मक का?

मुंडे बहीण-भाऊ विरुद्ध सुरेश धस, निवडणुकीनंतर राजकीय पटलावर नवा वाद

बिबट्यांच्या नसबंदीने मानव-बिबटे संघर्ष थांबणार का? हा उपाय व्यवहार्य आहे का?

नक्षलवाद तीन वर्षांत आटोक्यात; मुख्यमंत्री देवेंद्र फडणवीस यांची घोषणा; मुंबई-गोवा महामार्ग लवकरच पूर्ण

चिपळूण येथील अन्यायकारक पुररेषेबाबत फेर विचार व्हावा, आमदार शेखर निकम यांची मागणी

शहांच्या वक्तव्याचे विधानसभेत पडसाद

हेही वाचा >>>Ajit Pawar : एकनाथ शिंदेंची ‘बार्गेनिंग पॉवर’ अजित पवारांनी कशी संपवली? शरद पवारांच्या पावलावर पाऊल कसं ठेवलं?

बावनकुळे व शेलार यांच्या अध्यक्षपदाची मुदत ऑगस्ट २०२५ पर्यंत असल्याने सध्या तरी त्यांच्या जबाबदाऱ्यांमध्ये बदल होण्याची शक्यता कमी असल्याचे सूत्रांनी सांगितले. पुढील वर्षी मुंबई महापालिकेसह राज्यातील सर्वच महापालिका, नगरपालिका आणि बहुतांश ग्रामपंचायतींच्या निवडणुका होतील. भाजपच्या दृष्टीने स्थानिक स्वराज्य संस्थांच्या निवडणुकांमध्येही मोठे यश मिळविणे महत्त्वाचे असणार आहे. त्यामुळे प्रदेशाध्यक्ष व मुंबई अध्यक्षपदी नवीन नेत्याची नियुक्ती शक्यतो करू नये, असा पक्षाचा विचार आहे.

भाजपला जातीय समीकरणाचाही विचार करावा लागणार आहे. मुख्यमंत्रीपदी देवेंद्र फडणवीस हे ब्राह्मण समाजाचे असतील, तर प्रदेशाध्यक्षपद बावनकुळे या ओबीसी आणि मुंबई अध्यक्षपद शेलार या मराठा समाजातील नेत्याकडे असल्यास जातीय समीकरणही साधले जाईल, असे सूत्रांनी सांगितले.