निवडणुकीत कार्यकर्त्याला आमदार होण्याची स्वप्ने पडत असतात, यात वावगेही काही नाही. मात्र, पक्षाकडून उमेदवारी देत असताना जनमताचा कौल काय, उमेदवाराची पत किती, निवडणुकीत किती खर्च केला जाऊ शकतो, याचा सारासार विचार करून उमेदवारी दिली जाते. आता एखाद्याला उमेदवारी जाहीर झाली की पक्षात रुसवे फुगवे काढण्याचे काम संबंधित उमेदवार अथवा त्यांचे निकटचे समर्थक करत असतात. सांगलीतही भाजपने विद्यामान आमदार सुधीर गाडगीळ यांना नको म्हणत असताना निवडणुकीच्या रणांगणात उतरवले. मात्र, नाराजांची संख्याही दादा मैदानात मी नाही म्हटल्याने वाढली. आता रुसवेफुगवे काढण्यासाठी खुद्द चंद्रकांतदादा पाटील म्हणे सांगलीत येत आहेत. मात्र, एक नेते मी रुसलो हे दादांना कळावे म्हणून कृष्णा ओलांडणारच नाही असे म्हणून अडून बसले आहेत. आता दादा नदी ओलांडतात, की नेता पलीकडेच थांबतो याची चिंता पक्ष कार्यकर्त्यांना लागली आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा