ठाणे : मुख्यमंत्री एकनाथ शिंदे आज, सोमवारी कोपरी- पाचपाखाडी विधानसभा मतदारसंघातून उमेदवारी अर्ज दाखल करणार आहेत. अर्ज दाखल करण्यापूर्वी शिवसेनेकडून (शिंदे गट) मिरवणूक काढत शक्तिप्रदर्शन केले जाणार आहे. या कालावधीत वाहतूक कोंडी होऊ नये यासाठी ठाणे वाहतूक पोलिसांनी वाहतूक बदल लागू केले आहेत.
u
प्रमुख उमेदवारांचे शक्तिप्रदर्शन
मुख्यमंत्री एकनाथ शिंदे यांच्याविरोधात ठाकरे गटाचे ठाणे जिल्हाप्रमुख केदार दिघे हे निवडणूक लढवीत आहेत. केदार दिघे हे शिवसेनेचे दिवंगत नेते आनंद दिघे यांचे पुतणे आहेत. तेदेखील सोमवारी अर्ज दाखल करणार आहेत. ठाणे शहर विधानसभा मतदारसंघातून भाजपचे उमेदवार संजय केळकर हे अर्ज दाखल करणार आहेत. कळवा मुंब्रा विधानसभा मतदारसंघातून राष्ट्रवादीचे (अजित पवार गट) उमेदवार नजीब मुल्ला तर ओवळा माजिवडा विधानसभा मतदारसंघातून मनसेचे संदीप पाचंगे उमेदवारी अर्ज दाखल करतील.
