Rahul Gnadhi For Loksabha Election Wayanad गुरुवारी काँग्रेसच्या केंद्रीय निवडणूक समितीच्या पहिल्या बैठकीत केरळमधील वायनाड लोकसभा मतदारसंघासाठी काँग्रेसचे ज्येष्ठ नेते राहुल गांधी यांच्या नावावर शिक्कामोर्तब झाले. परंतु, समितीने अंतिम निर्णय राहुल गांधी यांच्यावर सोडल्याचे पक्षातील नेत्यांनी सांगितले. काँग्रेस अध्यक्ष मल्लिकार्जुन खरगे यांच्या अध्यक्षतेखाली आणि काँग्रेस संसदीय पक्षाच्या अध्यक्ष सोनिया गांधी यांच्या उपस्थितीत केंद्रीय निवडणूक समितीची पहिली बैठक पार पडली. या बैठकीत छत्तीसगडचे माजी मुख्यमंत्री भूपेश बघेल (राजनांदगाव मतदारसंघ), माजी मंत्री ताम्रध्वज साहू (महासमुंद), ज्योत्स्ना चरणदास महंत (कोरबा) यांच्या उमेदवारीवर शिक्कामोर्तब करण्यात आल्याचे सूत्रांनी सांगितले. एक ते दोन दिवसांत उमेदवारांच्या नावांची अधिकृत घोषणा होणार असल्याची माहितीही सूत्रांनी दिली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
