हिंगोली : भाजपच्या दबावामुळे शिवसेना एकनाथ शिंदे गटाने हेमंत पाटील यांना उमेदवारी नाकारली आणि महायुतीचे पाच आमदार असतानाही शिवसेना उद्धव ठाकरे गटाच्या नागेश पाटील आष्टीकर यांचा विजय झाला.
हिंगोली लोकसभा मतदारसंघात महायुतीचे उमेदवार बदलून मिळाले तरीसुद्धा सहाही विधानसभा मतदारसंघात महाविकास आघाडीलाच लाभ झाला. आष्टीकर यांच्या विजयामुळे भाजप, शिंदे सेनेच्या वर्चस्वाला आता सुरुंग लागला. त्याचे परिणाम आगामी विधानसभेच्या निवडणुकीत दिसतील असा दावा केला जात आहे.
हिंगोली लोकसभा मतदारसंघात तीन जिल्ह्यातील सहा विधानसभा मतदारसंघांचा समावेश आहे. या सहा मतदारसंघात भाजपचे तीन, शिंदे सेना व अजित पवार राष्ट्रवादीचा प्रत्येकी एक असे एकूण महायुतीचे पाच आमदार आहेत. काँग्रेसचा एकमेव आमदार या मतदारसंघात आहे. एकूणच या मतदारसंघावर महायुतीचे वर्चस्व असताना विद्यमान खासदार हेमंत पाटील यांना उमेदवारी जाहीर झाली. त्यांनी उमेदवारी अर्ज दाखल केल्यानंतर भाजपच्या आमदारांनी त्यांच्या उमेदवारीला विरोध केला. उमेदवार बदलून देण्याची त्यांची मागणी पूर्ण झाली. मात्र, ते महायुतीचा उमेदवार निवडून आणू शकले नाही.
निवडणूक प्रचारात ठाकरे गटाच्या निष्ठावान पदाधिकाऱ्यांनी जीवाचे रान केले. त्यांना काँग्रेस, राष्ट्रवादी शरद पवार गटाची साथ मिळाली. त्यांच्या एकजुटीसमोर मतदारसंघावर वर्चस्व असलेल्या महायुतीच्या आमदारांना मतदारांनी किंमत दिली नाही. कळमनुरीत वास्तव्य करणाऱ्या विधान परिषद सदस्या दिवंगत खासदार राजीव सातव यांच्या पत्नी प्रज्ञा सातव मात्र निवडणूक प्रचारापासून अलिप्त होत्या. महाविकास आघाडी उमेदवाराच्या प्रचारात त्या कुठेही सहभागी झाल्याचे समोर आले नाही. जून २०२४ अखेर त्यांच्या आमदारकीची मुदत संपुष्टात येणार आहे. शिवेसनेच्या शिंदे गटाचे आमदार संतोष बांगर मताधिक्य मिळवून देतील असे सांगण्यात येत होते. प्रत्यक्षात तसे घडले नाही. कळमनुरी मतदारसंघात ठाकरे गट व काँग्रेस जिल्हाध्यक्षांच्या यशस्वी प्रयत्नामुळे महाविकास आघाडीचे उमेदवार आष्टीकर यांना २१ हजारांहून अधिक मताधिक्य मिळाले.
हिंगोली लोकसभा मतदारसंघनिहाय मिळालेली मते
नागेश पाटील अष्टीकर यांना एकूण मते चार लाख ९२ हजार ५३५ मिळाली आहेत.
बाबुराव कदम यांना एकूण मते तीन लाख ८३ हजार ९३३ मिळाली आहेत.
| हिंगोली | कळमनुरी | वसमत | हदगाव | किनवट | उमरखेड | |
| नागेश पाटील अष्टीकर | ८७,२७५ | ८४,१२० | ८४,६४६ | ७५,३८९ | ७६,५६७ | ८२,४३५ |
| बाबुराव कदम | ५३,९२३ | ६३,१०० | ५४,०९६, | ७३,७५१ | ६२,६३९ | ७५,०९० |
हिंगोली लोकसभा मतदारसंघात महायुतीचे उमेदवार बदलून मिळाले तरीसुद्धा सहाही विधानसभा मतदारसंघात महाविकास आघाडीलाच लाभ झाला. आष्टीकर यांच्या विजयामुळे भाजप, शिंदे सेनेच्या वर्चस्वाला आता सुरुंग लागला. त्याचे परिणाम आगामी विधानसभेच्या निवडणुकीत दिसतील असा दावा केला जात आहे.
हिंगोली लोकसभा मतदारसंघात तीन जिल्ह्यातील सहा विधानसभा मतदारसंघांचा समावेश आहे. या सहा मतदारसंघात भाजपचे तीन, शिंदे सेना व अजित पवार राष्ट्रवादीचा प्रत्येकी एक असे एकूण महायुतीचे पाच आमदार आहेत. काँग्रेसचा एकमेव आमदार या मतदारसंघात आहे. एकूणच या मतदारसंघावर महायुतीचे वर्चस्व असताना विद्यमान खासदार हेमंत पाटील यांना उमेदवारी जाहीर झाली. त्यांनी उमेदवारी अर्ज दाखल केल्यानंतर भाजपच्या आमदारांनी त्यांच्या उमेदवारीला विरोध केला. उमेदवार बदलून देण्याची त्यांची मागणी पूर्ण झाली. मात्र, ते महायुतीचा उमेदवार निवडून आणू शकले नाही.
निवडणूक प्रचारात ठाकरे गटाच्या निष्ठावान पदाधिकाऱ्यांनी जीवाचे रान केले. त्यांना काँग्रेस, राष्ट्रवादी शरद पवार गटाची साथ मिळाली. त्यांच्या एकजुटीसमोर मतदारसंघावर वर्चस्व असलेल्या महायुतीच्या आमदारांना मतदारांनी किंमत दिली नाही. कळमनुरीत वास्तव्य करणाऱ्या विधान परिषद सदस्या दिवंगत खासदार राजीव सातव यांच्या पत्नी प्रज्ञा सातव मात्र निवडणूक प्रचारापासून अलिप्त होत्या. महाविकास आघाडी उमेदवाराच्या प्रचारात त्या कुठेही सहभागी झाल्याचे समोर आले नाही. जून २०२४ अखेर त्यांच्या आमदारकीची मुदत संपुष्टात येणार आहे. शिवेसनेच्या शिंदे गटाचे आमदार संतोष बांगर मताधिक्य मिळवून देतील असे सांगण्यात येत होते. प्रत्यक्षात तसे घडले नाही. कळमनुरी मतदारसंघात ठाकरे गट व काँग्रेस जिल्हाध्यक्षांच्या यशस्वी प्रयत्नामुळे महाविकास आघाडीचे उमेदवार आष्टीकर यांना २१ हजारांहून अधिक मताधिक्य मिळाले.
हिंगोली लोकसभा मतदारसंघनिहाय मिळालेली मते
नागेश पाटील अष्टीकर यांना एकूण मते चार लाख ९२ हजार ५३५ मिळाली आहेत.
बाबुराव कदम यांना एकूण मते तीन लाख ८३ हजार ९३३ मिळाली आहेत.
| हिंगोली | कळमनुरी | वसमत | हदगाव | किनवट | उमरखेड | |
| नागेश पाटील अष्टीकर | ८७,२७५ | ८४,१२० | ८४,६४६ | ७५,३८९ | ७६,५६७ | ८२,४३५ |
| बाबुराव कदम | ५३,९२३ | ६३,१०० | ५४,०९६, | ७३,७५१ | ६२,६३९ | ७५,०९० |
