तृणमूल काँग्रेसचे माजी मंत्री पार्थ चॅटर्जी तुरूंगात अस्वस्थ, टॉयलेटमध्येच घालवली पहीली रात्र

प्रेसिडेन्सी सेंट्रल करेक्शनल होमच्या उच्च-सुरक्षा कक्षात पहिली खडतर रात्र घालवल्यानंतर, तृणमूल काँग्रेसचे माजी मंत्री पार्थ चॅटर्जी यांना शनिवारी दुपारी एक बेड आणि खुर्ची देण्यात आली आहे. तुरुंग अधिकाऱ्यांनीही त्यांची ‘चॉप-मुरी खाण्याची इच्छा मान्य केली आहे. शुक्रवारी, विशेष न्यायालयाने त्यांना आणि त्यांची सहकारी असणाऱ्या अर्पिता मुखर्जी यांना शाळेतील नोकऱ्यांच्या घोटाळ्याप्रकरणी १४ दिवसांच्या न्यायालयीन कोठडीत पाठवले होते. त्यानंतर त्यांना तुरुंगात आणण्यात आले. त्यांनी अख्खी रात्र शौचालयाच्या कमोडवर बसून काढली.