हॉकी संघाचे माजी कर्णधार प्रबोध तिर्की यांचा काँग्रेसमध्ये प्रवेश, ओडिसामध्ये पक्ष बळकट होणार?

प्रबोध तिर्की यांनी साधारण १८ वर्षे एअर इंडियामध्ये नोकरी केली. या वर्षाच्या जुलै महिन्यात त्यांनी या नोकरीचा राजीनामा दिला.

प्रबोध तिर्की यांनी काँग्रेसमध्ये प्रवेश केला. (फोटो सौजन्य- सोशल मीडिया)

आगामी वर्षात होणाऱ्या लोकसभा आणि विधानसभेच्या निवडणुकीमुळे काँग्रेसने ओडिसा राज्याकडे विशेष लक्ष दिले आहे. येथे पक्ष बळकट करण्याचा काँग्रेस प्रयत्न करत आहे. नुकतेच येथे भारतीय हॉकी संघाचे माजी कर्णधार प्रबोध तिर्की यांनी काँग्रेसमध्ये प्रवेश केला. प्रबोध यांच्या प्रवेशामुळे काँग्रेसला ओडिसामध्ये बळ मिळाले आहे. मिळालेल्या माहितीनुसार तिर्की ओडिसा येथील तालसारा मतदारसंघातून विधानसभेची निवडणूक लढवणार आहेत. हा मतदारसंघ अनुसूचित जमाती प्रवर्गासाठी राखीव आहे.

१८ वर्षे केली नोकरी आता राजीनामा

प्रबोध तिर्की यांनी साधारण १८ वर्षे एअर इंडियामध्ये नोकरी केली. या वर्षाच्या जुलै महिन्यात त्यांनी या नोकरीचा राजीनामा दिला. आता त्यांनी काँग्रेस पक्षात प्रवेश केला आहे. ते हॉकी या क्रीडा प्रकारातील मोठे नाव आहे. याआधी दिलीप तिर्की यांनीदेखील गेल्या वर्षी भाजपा पक्षात प्रवेश केला होता. त्यांनी आतापर्यंत अनेकवेळा आंतरराष्ट्रीय पातळीवर तसेच ऑलिम्पिकमध्ये हॉकी संघाच्या माध्यमातून भारताचे प्रतिनिधीत्व केलेले आहे.

आणखी वाचा

Shreyas Iyer to captain Mumbai Team in Syed Mushtaq Ali Trophy Prithvi Shaw included in Squad Ajinkya Rahane

Shreyas Iyer: श्रेयस अय्यरच्या खांद्यावर ‘या’ संघाने कर्णधारपदाची दिली जबाबदारी! अजिंक्य रहाणेही अय्यरच्या नेतृत्त्वाखाली खेळणार

Eknath Shinde on Ladki Bahin Yojana Sixth installment

महायुतीला सत्ता मिळाली, लाडक्या बहिणींना २१०० रुपये कधीपासून…

Nitin Gadkari campaigned for Mahayuti in 13 days across Maharashtra during Assembly elections

गडकरींकडून महाराष्ट्र पालथा

AAP leader and Delhi minister Kailash Gehlot resigned from party

Kailash Gehlot resigns: विधानसभा निवडणुकीपूर्वी आम आदमी पक्षाला मोठा झटका; कॅबिनेट मंत्री कैलाश गेहलोत यांनी आरोपांची राळ उठवत दिला राजीनामा

KTCL Goa Bharti 2024 Job Opportunity in KTCL Recruitment

KTCL Goa Bharti 2024 : KTCLमध्ये नोकरीची संधी! कंडक्टरच्या ७० पदांसाठी होणार भरती, १०वी पास उमेदवार करू शकतात अर्ज

Ajit Pawar on Sharad Pawar : “ते ८५ वर्षांचे अन् मला रिटायर करायला निघालेत”, अजित पवारांची शरद पवारांवर टीका

Thackeray said Modi being Vishwaguru cant avoid mentioning his name

मोदी विश्वगुरू असले तरी माझे नाव घेतल्याशिवाय त्यांना… उद्धव ठाकरे यांचा टोला

राहुल गांधी यांची विचारधारा, काम आवडले – प्रबोध

प्रबोध तिर्की यांनी पक्षप्रवेशावेळी मी राहुल गांधी यांच्या कामामुळे प्रभावित झालो, अशी प्रतिक्रिया दिली. “मी काँग्रेसचे नेते राहुल गांधी यांची विचारधारा आणि काम यामुळे खूप प्रभावित झालो आहे. भारत जोडो यात्रेने मला भुरळ घातली. मला काँग्रेसकडून राजकारणात येण्याचा प्रस्ताव आला होता, तो मी स्वीकारला आहे,” अशी प्रतिक्रिया तिर्की यांनी ‘इंडियन एक्स्प्रेस’ला दिली. प्रबोध तिर्की यांच्या काँग्रेस प्रवेशावेळी ओडिसा राज्याचे काँग्रेस प्रदेशाध्यक्ष सरत पटनाईक, ओडिसाचे प्रभारी छेल्ला कुमार तसेच अन्य वरिष्ठ नेते उपस्थित होते. यावेळी प्रबोध तिर्की ओडिसा सरकारवर टीका केली. तालसारातील नागरिकांकडे दुर्लक्ष करण्यात आले. येथील आदिवासी समाजाला सरकारच्या कोणत्याही योजनांचा लाभ मिळालेला नाही, असे ते म्हणाले.

प्रबोध यांचे बंधूही हॉकी संघाचे माजी कर्णधार

प्रबोध तिर्की हे बालीशंकारा ब्लॉक अंतर्गत येणाऱ्या लुलकिडीही गावाचे रहिवासी आहेत. ते भारतीय हॉकी संघाचे माजी कर्णधार इग्नास तिर्की यांचे धाकटे बंधू आहेत. गेल्या अनेक दिवसांपासून काँग्रेस पक्ष आदिवासीबहुल सुंदरगड जिल्ह्यात आपला विस्तार करण्याचा प्रयत्न करत आहे. आता प्रबोध यांच्या येण्याने काँग्रेसला येथे विस्ताराची चांगली संधी निर्माण झाली आहे.

काँग्रेसला हवा होता प्रभावी चेहरा

तीन वेळा आमदार राहिलेले प्रफुल्ल माझी यांनी डिसेंबर २०२१ मध्ये बीजेडी पक्षात प्रवेश केल्यानंतर काँग्रेसला तालसारा येथे प्रभावी चेहऱ्याचा शोध होता. प्रबोध यांच्या रुपात हा चेहरा त्यांना मिळाला आहे. माझी यांनी २०१९ साली तालसारा मतदारसंघातून निवडणूक लढवली होती. हा मतदारसंघ काँग्रेसचा बालेकिल्ला मानला जातो. मात्र, येथून त्यांचा पराभव झाला होता. भाजपाचे भाबानी शंकर भोई यांनी माझी यांचा पराभव केला होता.

प्रबोध यांच्या नेतृत्वाखाली भारताला सुवर्ण पदक

प्रबोध यांनी भारतासाठी एकूण १३५ सामने खेळलेले आहेत. ते भारतीय हॉकी संघाचे कर्णधारही राहिलेले आहेत. त्यांच्या नेतृत्वात भारताने २००७ साली आशिया चषकात सुवर्ण पदक पटकावले होते.

First published on: 05-09-2023 at 13:10 IST

Web Title: Former indian hockey team captain prabodh tirkey joins congress prd