छत्रपती संभाजीनगर : काँग्रेसमधून शिवसेनेच्या एकनाथ शिंदे गटात आणि तेथून उडी मारत माजी आमदार नितीन पाटील यांनी अजित पवार यांच्या राष्ट्रवादीमध्ये प्रवेश केला आहे. नितीन पाटील गेल्या काही दिवसांपासून शिंदे गटात होते. कन्नड विधानसभा मतदारसंघातून ते निवडणुकीस इच्छुक आहेत. या पक्षांतरामुळे महायुतीमधील जागावाटपाची बोलणी पुढे सरकल्याचे संकेत मिळत आहेत.
कन्नड मतदारसंघ सध्या उद्धव ठाकरे यांचे समर्थक उदयसिंह राजपूत यांच्या ताब्यात आहे. जिल्ह्यातील एकमेव निष्ठावंत आमदार अशी त्यांची ओळख ठाकरे गटाचे शिवसैनिक मिरवत असतात. या मतदारसंघात राष्ट्रवादी विरुद्ध ठाकरे गट अशी लढत व्हावी असे संकेत मिळू लागले आहेत. याच मतदारसंघातून हर्षवर्धन जाधव आणि त्यांच्या पत्नी संजना जाधव दानवे – पाटील याही प्रचार करत आहेत. त्यामुळे कन्नडची निवडणूक बहुरंगी होईल, असे चित्र निर्माण होत आहे. कन्नड मतदारसंघातून उदयसिंग राजपूत यांनी २०१९ च्या निवडणुकीमध्ये ७८ हजार ७३८ मते मिळवत हर्षवर्धन जाधव यांचा १८ हजार ४४० मतांनी पराभव केला होता. हर्षवर्धन जाधव यांना ६० हजार २९८ मते मिळाली होती. १९८० मध्ये हर्षवर्धन जाधव यांचे वडील रायभान जाधव यांनी २३ हजार १४४ मते घेऊन विजय मिळवला होता. त्यानंतर पुन्हा १९९०, १९९५ ते निवडून आले होते.
हेही वाचा – भाजपच्या धमक्यांना आम्ही घाबरत नाही, अनिल देशमुख पुत्राने भाजपला सुनावले
राष्ट्रवादी काँग्रेसच्या अजित पवार गटात गेलेले नितीन पाटील यांनी १९९९ मध्ये काँग्रेसध्ये असताना ४१ हजार ०४९ मते घेऊन विजय मिळवला होते. त्यांचे वडील सुरेश पाटील हे अनेक वर्षे जिल्हा बँकेचे अध्यक्ष होते. काँगेसचे नेते बाळासाहेब थोरात यांनी नितीन पाटील यांना लोकसभा निवडणुकीमध्येही उमेदवारी दिली होती. या निवडणुकीमध्ये आपण मराठा असल्याचा प्रचारही त्यांनी केला होता. पण ते पराभूत झाले. शिवसेनेच्या शिंदे गटात असताना सिल्लोडचे आमदार व अल्पसंख्याक मंत्री अब्दुल सत्तार यांच्या भोवताली वावरणाऱ्या नितीन पाटील यांना कन्नडमधून निवडून आणू असा दावा सत्तार करत होते. त्यांचा राष्ट्रवादीच्या अजित पवार गटातील प्रवेश महायुतीमधील जागावाटपाची बोलणी पुढे गेल्याचे संकेत मानले जात आहेत.
कन्नड मतदारसंघ सध्या उद्धव ठाकरे यांचे समर्थक उदयसिंह राजपूत यांच्या ताब्यात आहे. जिल्ह्यातील एकमेव निष्ठावंत आमदार अशी त्यांची ओळख ठाकरे गटाचे शिवसैनिक मिरवत असतात. या मतदारसंघात राष्ट्रवादी विरुद्ध ठाकरे गट अशी लढत व्हावी असे संकेत मिळू लागले आहेत. याच मतदारसंघातून हर्षवर्धन जाधव आणि त्यांच्या पत्नी संजना जाधव दानवे – पाटील याही प्रचार करत आहेत. त्यामुळे कन्नडची निवडणूक बहुरंगी होईल, असे चित्र निर्माण होत आहे. कन्नड मतदारसंघातून उदयसिंग राजपूत यांनी २०१९ च्या निवडणुकीमध्ये ७८ हजार ७३८ मते मिळवत हर्षवर्धन जाधव यांचा १८ हजार ४४० मतांनी पराभव केला होता. हर्षवर्धन जाधव यांना ६० हजार २९८ मते मिळाली होती. १९८० मध्ये हर्षवर्धन जाधव यांचे वडील रायभान जाधव यांनी २३ हजार १४४ मते घेऊन विजय मिळवला होता. त्यानंतर पुन्हा १९९०, १९९५ ते निवडून आले होते.
हेही वाचा – भाजपच्या धमक्यांना आम्ही घाबरत नाही, अनिल देशमुख पुत्राने भाजपला सुनावले
राष्ट्रवादी काँग्रेसच्या अजित पवार गटात गेलेले नितीन पाटील यांनी १९९९ मध्ये काँग्रेसध्ये असताना ४१ हजार ०४९ मते घेऊन विजय मिळवला होते. त्यांचे वडील सुरेश पाटील हे अनेक वर्षे जिल्हा बँकेचे अध्यक्ष होते. काँगेसचे नेते बाळासाहेब थोरात यांनी नितीन पाटील यांना लोकसभा निवडणुकीमध्येही उमेदवारी दिली होती. या निवडणुकीमध्ये आपण मराठा असल्याचा प्रचारही त्यांनी केला होता. पण ते पराभूत झाले. शिवसेनेच्या शिंदे गटात असताना सिल्लोडचे आमदार व अल्पसंख्याक मंत्री अब्दुल सत्तार यांच्या भोवताली वावरणाऱ्या नितीन पाटील यांना कन्नडमधून निवडून आणू असा दावा सत्तार करत होते. त्यांचा राष्ट्रवादीच्या अजित पवार गटातील प्रवेश महायुतीमधील जागावाटपाची बोलणी पुढे गेल्याचे संकेत मानले जात आहेत.
