पुणे लोकसभेची पोटनिवडणूक कधी होणार?

गिरीश बापट यांच्या निधनाने रिक्त झालेल्या पुणे लोकसभा मतदारंसघातील पोटनिवडणूक २९ सप्टेंबरपर्यंत होणे अपेक्षित असले तरी ही पोटनिवडणूक झालीच तर  भर पावसात घ्यावी लागणार आहे. गिरीश बापट यांचे २९ मार्चला निधन झाले. त्याच दरम्यान सूरत न्यायालयाने दोन वर्षांची शिक्षा ठोठावल्याने राहुल गांधी यांना खासदार म्हणून अपात्र ठरविण्यात आले.

आणखी वाचा

सव्वाकोटीचे भाडे थकविल्यामुळे कल्याणमधील बोरगावकरवाडी वाहनतळ पालिकेच्या ताब्यात

…तर औषधाची गरजच नाही! वाचा निरोगी आयुष्य जगण्यासाठी…

यंदा गहू मुबलक; देशात उच्चांकी लागवड; रब्बी पेरण्या ६३२ लाख हेक्टरवर; पोषक वातावरणाचा परिणाम

तूरडाळ किलोमागे ५० रुपयांनी स्वस्त

वैयक्तिक प्राप्तिकरातील वाढ अर्थव्यवस्थेसाठी वरदान; प्रत्यक्ष कर संकलन १२ जानेवारीपर्यंत १६.९० लाख कोटींवर

सोयाबीन खरेदीस ३१ जानेवारीपर्यंत मुदतवाढ; मुख्यमंत्र्यांची मागणी केंद्रीय कृषीमंत्र्यांकडून मान्य

दहा वर्षांनंतर शेतकऱ्यांना दिलासा; जाणून घ्या, केंद्र सरकारने २०१४ नंतर पहिल्यांदाच कोणता निर्णय घेतला?

हमी भाव धोरणाच्या पुनर्विचाराची गरज

सध्या पुणे आणि केरळमधील वायनाड या दोन जागा रिक्त आहेत. पुणे मतदारसंघातील पोटनिवडणूक मे अखेर किंवा जूनच्या पहिल्या आठवड्यात होण्याची शक्यता वर्तविण्यात येत होती. पण मे महिना संपत आला तरीही पोटनिवडणुकीचा कार्यक्रम जाहीर झालेला नाही. लोकप्रतिनिधी कायद्यातील १५१ (ए) अन्वये लोकसभा अथवा विधानसभेची जागा कोणत्याही कारणाने रिक्त झाल्यास सहा महिन्यांच्या कालावधीत ही जागा भरण्याकरिता पोटनिवडणूक घेण्याची तरतूद आहे.

हेही वाचा >>> सांगलीत साखर कारखान्याच्या निवडणुकीत भाजप विरुद्ध शिंदे गटातच लढत

पुण्याची जागा २९ मार्चला रिक्त झाल्याने २९ सप्टेंबरअखेरपर्यंत केव्हाही पोटनिवडणूक घेता येऊ शकते. पावसाचे दिवस आणि सणासुदीच्या काळात शक्यतो निवडणूक घेतली जात नाही. तसेच जागा रिक्त झाल्यावर लोकसभा अथवा विधानसभेची मुदत संपण्यास एक वर्षांपेक्षा कमी कालावधी शिल्लक असल्यास लोकप्रतिनिधी कायद्यातील तरतुदीनुसार पोटनिवडणूक टाळता येते. पुण्याची जागा मार्चअखेर रिक्त झाली असल्याने एक वर्षाच्या मुदतीचा निकष लागू होत नाही. पण केंद्र सरकारच्या सल्लामसलतीनंतर पोटनिवडणूक घेणे शक्य नसल्याचा अभिप्राय प्राप्त झाल्यासही निवडणूक आयोगाला पोटनिवडणूक लांबणीवर टाकता येते.

हेही वाचा >>> माधव, खाम, अहिंदा…निवडणुका जिंकण्यासाठी यशस्वी प्रयोग

विद्ममान लोकसभेची मुदत १६ जून रोजी संपत असली तरी एप्रिल- मेमध्ये टप्प्याटप्प्याने मतदान होईल. यामुळे नव्या खासदाराला जेमतेम सहा-सात  महिन्यांची मुदत काम करण्यासाठी मिळू शकेल. गणेशोत्सव सप्टेंबरच्या दुसऱया आठवड्यात सुरू होत आहे. तत्पूर्वी पोटनिवडणुकीची प्रक्रिया पूर्ण करावी लागेल. सध्याच्या परिस्थितीत पुण्यातील पोटनिवडणुकीबाबत केंद्र व राज्यातील सत्ताधारी भाजप फारसा आग्रही नाही. कसबा पेठ या पारंपारिक मतदारसंघात अलीकडेच भाजपचा पराभव झाला होता. यामुळेच पोटनिवडणूक झालीच तर भर पावसाळ्यात घ्यावी लागेल.