Gujarat Assembly Election 2022 : भारतीय जनता पार्टीचे नेते हार्दिक पटेल यांनी म्हटले आहे की, केंद्राकडून सध्याच्या कोट्याला धक्का न लावता आर्थिकदृष्ट्या मागास(ईडब्ल्यूएस) वर्गासााठी दहा टक्के आरक्षण देण्याच्या निर्णयामुळे गुजरातमध्ये पटेल समाजाचे अनेक मुद्दे निकाली निघाले आहेत आणि समुदाय आगामी विधानसभा निवडणुकीत भाजपाचा विजय निश्चित करेल.
गुजरातमध्ये २०१५ च्या पाटीदार आरक्षण आंदोलनाचे नेतृत्व केलेले हार्दिक पटेल यांनी म्हटले की, आंदोलनाने २०१७ च्या गुजरात निवडणुकीत जवळपास २० विधानसभा मतदारसंघांवर परिणाम केला होता. त्यांनी २०१७ मधील निवडणुकीत काँग्रेसला पाठिंबा दिला होता.
केंद्राने जानेवारी २०१९ मध्ये घटना दुरुस्ती केली आणि आर्थिकदृष्ट्या दुर्बल घटकांसाठी (EWS) सर्वसाधारण वर्गासाठी १० टक्के आरक्षण लागू केले होते. ज्याने अनुसूचित जाती(एससी), अनुसूचित जमाती(एसटी) आणि इतर मागासवर्गीय (ओबीसी) प्रवर्गांच्या आनुपातिक जागांवर प्रतिकुल प्रभाव न टाकता ईडब्ल्यूएस आरक्षण प्रदान करण्यासाठी शिक्षण संस्थात जागांची एकूण संख्या वाढवण्याचे निर्देशही दिले. या महिन्याच्या सुरुवातीस सर्वोच्च न्यायालयाने ३:२ च्या बहुमताच्या निकालात नोकऱ्यांमध्ये आर्थिकदृष्ट्या दुर्बल घटकांसाठी प्रवेश आणि प्रवेश कायम ठेवला. ज्यामध्ये एससी, एसट आणि ओबीसी वर्गातील गरिबांना वगळले होते.
पटेल समज भाजपाला प्रचंड बहुमताने विजयी करणार –
हार्दिक पटेलने एका वृत्तवाहिनीला दिलेल्या मुलाखतीत सांगितले की, पाटीदार समजात एकजुट आहे आणि त्यांनी पंतप्रधान नरेंद्र मोदींना पाठिंबा देण्याचा निर्णय घेतला आहे. २०१७ च्या निवडणुकीत वेगळा मुद्दा होता. १० टक्के EWS कोट्यामुळे गुजरातमधील पटेलांसह अन्य वर्गातील गरीब आणि वंचितांसाठी आरक्षणाचा लाभ वाढवला आहे. त्यामुळे यंदा पटेल प्रचंड बहुमताने भाजपाला निश्चित विजय करतील. यावेळी त्यांनी पंतप्रधान मोदींचे कौतुक केले आणि EWS बाबत घेतलेल्या निर्णयाला ऐतिहासिक म्हटले. या निर्णयामुळे ५० पेक्षा जास्त समजांमधील गरिबांना फायदा होईल, असंही ते म्हणाले.
२०१५-१६ मध्ये पाटीदार आरक्षण आंदोलनाचा चेहरा राहिलेले भाजपा नेते हार्दिक पटेल यांनी अहमदाबाद जिल्ह्यातील वीरमगाव मतदार संघातून आगामी विधानसभा निवडणुकीसाठी आपला उमेदवारी अर्ज दाखल केला आहे. वीरमगावला जिल्ह्याचा दर्जा मिळवून देण्याचे आश्वासन देत हार्दिक पटेल यांनी या वचननामा जाहीर केला आहे. तर भाजपा नेत्यांकडून हार्दिक पटेल यांची प्रशंसा केली जात असून, एक लढवय्या नेता असं त्यांना संबोधलं जात आहे.
