Haryana Election : माजी मुख्यमंत्र्यांमुळे काँग्रेसची गोची? उमेदवारी अर्जाची मुदत संपेपर्यंत यादीच जाहीर नाही; काँग्रेसच्या गोटात काय चाललंय?

उमेदवारी मिळवण्यासाठी काँग्रेस नेत्यांमध्ये शेवटच्या क्षणापर्यंत रस्सीखेच चालू होती. त्यामुळेच पक्षाला उमेदवार जाहीर करण्यास इतका विलंब झाला. हरियाणाचे माजी मुख्यमंत्री भूपिंदर सिंह हुड्डा यांनी सहा ते सात जागांवरील उमेदवारांच्या निवडीवर शेवटच्या क्षणी आक्षेप घेतले. त्यामुळे पक्षनेतृत्व देखील आश्यर्यचकित झालं होतं. त्यांच्यामुळेच उमेदवारांची नावं जाहीर करण्यास विलंब झाल्याचं सांगितलं जात आहे.

आणखी वाचा

मुंबईचे डबेवाले शिवसेनेच्या (उद्धव ठाकरे) पाठीशी

Sushma Andhare : “माझी प्रिय भावजय” म्हणत सुषमा…

रविवार प्रचारवार; घरोघरी भेटी, गृहनिर्माण संकुलांना भेटी, चौक सभा यांना जोर

महिला, शेतकऱ्यांवर आश्वासनांची खैरात; मविआचा ‘महाराष्ट्रनामा’ जाहीर

अखेर प्रकाश मेहता आणि पराग शाह यांचे मनोमिलन

या अपक्ष उमेदवाराला निवडणुकीसाठी अनेक सेवानिवृत्त कर्मचाऱ्यांनी दिली एक महिन्याची पेन्शन

निवडणूकीचे काम नाकारणाऱ्या कर्मचाऱ्यांवर होणार कारवाई

ब्रम्हपुरीत विजय वडेट्टीवार यांच्यासाठी सोपी लढत!

कलायत विधानसभा मतदारसंघामधील उमेदवार श्वेता धुल यांच्या नावावर हुड्डा यांनी आक्षेप घेतला होता. हुड्डा यांचे निष्ठावंत म्हणून ओळखले जाणारे काँग्रेस नेते व हिसारचे खासदार जय प्रकाश हे त्यांचे पुत्र विकास सहारन यांना तिकीट मिळावं यासाठी प्रयत्न करत होते. हुड्डा यांनी त्यांची ताकद वापरल्यामुळे अखेरच्या क्षणी विकास सहारन यांना उमेदवारी जाहीर करण्यात आल्याचं हरियाणा काँग्रेसमधील सूत्रांनी दी इंडियन एक्सप्रेसला सांगितलं.

हे ही वाचा >> Vinesh Phogat vs Kavita Dalal: विनेश फोगटच्या विरोधात उतरली सलवार सूटमधील कुस्तीपटू; निवडणुकीच्या आखाड्यात कुणाचा विजय?

कोसली मतदारसंघात मोठी रस्सीखेच

कोसली मतदारसंघातून युवक काँग्रेसचे नेते राहुल राव यांना तिकीट दिलं जाणार होतं. मात्र हुड्डा यांच्या विरोधानंतर हे तिकीट माजी राज्यमंत्री जगदीश यादव यांना दिलं गेलं. यादव हे गेल्याच वर्षी भाजपातून काँग्रेसमध्ये आले आहेत.

अंबाला मतदारसंघात सहा वर्षांपासून संघर्ष

दुसऱ्या बाजूला, अंबाला शहर व अंबाला कॅन्टॉन्मेंट मतदारसंघामधून उमेदवारी मिळावी यासाठी काँग्रेसमध्ये मोठी रस्सीखेच झाल्याचं पाहायला मिळालं. हुड्डा यांचे निकवर्तीय मानले जाणारे निर्मल सिंह व त्यांची मुलगी चित्रा सरवरा हे दोघे अनुक्रमे अंबाला शहर व अंबाला कॅन्टॉन्मेंटमधून उमेदवारी मिळावी यासाठी प्रयत्न करत होते. मात्र अंबाला लोकसभेच्या खासदार शैलजा यांनी या दोन्ही उमेदवाऱ्यांवर आक्षेप घेतला. अखेर सिंह यांना तिकीट मिळालं मात्र त्यांच्या मुलीला तिकीट दिलं गेलं नाही. अंबाला कॅन्टॉन्मेंटमधून परिमल पारी यांना उमेदवारी जाहीर झाली आहे.

हे ही वाचा >> CM Siddaramaiah : कर्नाटकात का होतेय मुख्यमंत्री बदलाची चर्चा? सिद्धरामय्यांशी निष्ठावान समजल्या जाणाऱ्या ‘या’ नेत्यांची CM पदासाठी चर्चा!

२०१९ मध्ये देखील हुड्डा यांनी निर्मल सिंह यांना अंबाला शहरमधून विधानसभेचं तिकीट देण्यासाठी प्रयत्न केले होते. मात्र शैलजा यांच्या विरोधामुळे हुड्डा अपयशी झाले होते, असं काँग्रेसमधील सूत्रांनी सांगितलं. काँग्रेसने तिकीट न दिल्यामुळे नाराज झालेले निर्मण सिंह यांनी अंबालामधून अपक्ष निवडणूक लढवली. मात्र भाजपाच्या असीम गोयल यांनी त्यांचा पराभव केला. या पराभवानंतर सिंह आम आदमी पार्टीत गेले होते. मात्र जानेवारी महिन्यात ते काँग्रेसमध्ये परतले. दुसऱ्या बाजूला चित्रा सरवरा यांनी २०१९ च्या विधानसभेला अंबाला कन्टॉन्मेंटमधून निवडणूक लढवली होती. त्या देखील पराभूत झाल्या होत्या. भाजपाचे अनिल विज यांनी सरवरा यांना पराभूत केलं होतं.