in Dhule uddhav Thackeray shivsena leaders Mahesh mistari and hilal mali resigned धुळ्यात ठाकरे गटाला मोठा धक्का

अनेक शिवसैनिक ठाकरे गटातून बाहेर पडल्याने याचा फटका धुळे शहर आणि धुळे ग्रामीण या मतदारसंघात महाविकास आघाडीला बसण्याची शक्यता आहे.

धुळ्यात ठाकरे गटाला मोठा धक्का (संग्रहित छायाचित्र)

धुळे : जिल्ह्यात शिवसेना (उद्धव ठाकरे) स्वपक्षीय नाराज पदाधिकाऱ्यांमुळे त्रस्त झाली असून पक्षाच्या महेश मिस्तरी आणि हिलाल माळी या सहसंपर्कप्रमुखांनी राजीनामे दिले आहेत. कित्येक वर्षांपासून उद्धव ठाकरे यांना साथ देणाऱ्या माळी आणि मिस्तरी यांच्याबरोबर अनेक शिवसैनिक ठाकरे गटातून बाहेर पडल्याने याचा फटका धुळे शहर आणि धुळे ग्रामीण या मतदारसंघात महाविकास आघाडीला बसण्याची शक्यता आहे.

धुळे शहर मतदारसंघातून ठाकरे गटाशी कोणताही संबंध नसताना ऐनवेळी अनिल गोटे यांना उमेदवारी जाहीर करण्यात आल्याने ३९ वर्षांपासून शिवसेनेत कार्यरत महेश मिस्तरी यांनी ठाकरे गटातून बाहेर पडण्याचा निर्णय घेतला. ठाकरे गटाने त्यांच्यावर धुळे आणि साक्री या तालुक्यांचे सहसंपर्कप्रमुख म्हणून जबाबदारी सोपवलेली होती. धुळे शहर मतदारसंघातून उमेदवारीसाठी मिस्तरी हे इच्छुक होते. परंतु त्यांना डावलून गोटे यांना उमेदवारी देण्यात आल्याने संतप्त मिस्तरी यांनी थेट पक्षातून बाहेर पडून बंड करण्याचा निर्णय घेतला.

नक्की वाचा

तनवाणी यांची निवडणुकीतून माघार, ठाकरे गटाची पंचाईत

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

काँग्रेसचे माजी मंत्री अनीस अहमद यांना वंचितची उमेदवारी, मुस्लीम मतांच्या विभाजनामुळे भाजपला फायदा?

Gopal Shetty: अर्ज मागे घेण्यासाठी ईडीची चौकशी लागणार? गोपाळ शेट्टी यांनी देवेंद्र फडणवीसांबद्दल म्हटले…

फडणवीस यांच्या सचिवाला उमेदवारी, भाजपचे आतापर्यंत १४६ उमेदवार जाहीर

Maharashtra assembly election 2024 Ajit Pawar NCP releases fourth list of 2 candidates

Ajit Pawar NCP 4th Candidate List : अजित पवारांच्या राष्ट्रवादीची चौथी यादी जाहीर; महायुतीत राष्ट्रवादीला किती जागा मिळाल्या?

Maharashtra Assembly Election 2024 Mahayuti Mahavikas Aghadi final Seat Sharing Formula

Maharashtra Assembly Election 2024 : महायुती व महाविकास आघाडीचा जागावाटपाचा फॉर्म्युला ठरला! सहा पक्षांकडून इतके उमेदवार निवडणुकीच्या रिंगणात

महाराष्ट्राचा पुढचा मुख्यमंत्री कोण होईल? राज ठाकरेंनी थेट नावच सांगितलं; म्हणाले…

हेही वाचा ; तनवाणी यांची निवडणुकीतून माघार, ठाकरे गटाची पंचाईत

मिस्तरी यांच्यानंतर धुळे तालुका सहसंपर्कप्रमुख पदाची जबाबदारी असलेले माजी नगराध्यक्ष हिलाल माळी यांनीही ठाकरे गटाचा राजीनामा दिला आहे. माळी हे ३५ वर्षांपासून शिवसैनिक म्हणून कार्यरत होते. धुळे ग्रामीण मतदारसंघातून ते अपक्ष म्हणून निवडणूक लढविणार आहेत. २०१९ च्या निवडणुकीत धुळे ग्रामीणची जागा भाजपला गेल्याने धुळे शहर मतदारसंघातून माळी यांना शिवसेनेकडून उमेदवारी देण्यात आली होती. परंतु युतीचा उमेदवार असतानाही भाजपकडून अपक्ष उमेदवारास मदत करण्यात आली. त्याचा माळी यांना फटका बसल्याने त्यांचा पराभव झाला होता.

या निवडणुकीत धुळे ग्रामीणमधून उमेदवारी मिळण्याची अपेक्षा माळी बाळगून होते. परंतु जागावाटपात धुळे ग्रामीण मतदारसंघ पुन्हा काँग्रेसला गेल्याने माळी यांनी नाराजी व्यक्त करून ठाकरे गटातून बाहेर पडण्याचा निर्णय घेतला. धुळे ग्रामीणमधून ते उमेदवारी अर्ज दाखल करणार आहेत.

हेही वाचा ; जागावाटपात ठाकरे गटाकडून काँग्रेसची खेळवणूक, विनोद तावडे यांचा आरोप

महाविकास आघाडीत अस्वस्थता

धुळे शहर आणि धुळे ग्रामीण या दोन्ही मतदारसंघांत ठाकरे गटाच्या दोन कट्टर निष्ठावंतांनी बंड करण्याचा निर्णय घेतल्याने महाविकास आघाडीत अस्वस्थता निर्माण झाली आहे. मविआकडून धुळे शहर मतदारसंघातून ठाकरे गटाचे अनिल गोटे तर, धुळे ग्रामीणमध्ये काँग्रेसचे आमदार कुणाल पाटील हे उमेदवार आहेत.

Web Title: In dhule uddhav thackeray shivsena leaders mahesh mistari and hilal mali resigned print politics news css