लातूरमध्ये पालकमंत्री गिरीश महाजन यांच्यावर भाजपचेच कार्यकर्ते नाराज

विधानसभा निवडणुकीत महायुतीमध्ये होणाऱ्या जागावाटपावरुन लातूरमध्ये भाजपच्या कार्यकर्त्यांमधील मोठीअस्वस्थता आहे. २०१९ च्या विधानसभा निवडणुकीमध्ये अहमदपूर ,उदगीर या मतदारसंघात भाजपला फटका बसला. हे दोन्ही मतदारसंघ राष्ट्रवादीच्या अजित पवार गटाकडे जाणार असल्यामुळे कार्यकर्त्यांमध्ये अस्वस्थता आहे. भाजपची वरिष्ठ मंडळी लातूर जिल्ह्याबद्दल गांभीर्याने लक्ष देत नाहीत. वर्षानुवर्षे गोपीनाथ मुंडे यांच्या कारकिर्दीपासून विलासराव देशमुख यांच्या सोयीचे राजकारण भाजपचे नेते मंडळी करत आली. त्याच पद्धतीने सध्याची सत्तेतील मंडळी ही देशमुख यांच्या सोयीचे राजकारण करत असल्याची खंत लातूर मधील कार्यकर्ते व्यक्त करतात.

आणखी वाचा

शिंदेचे स्टार प्रचारक शरद पोंक्षे मनसेच्या व्यासपीठावर

IND vs NZ : ऋषभ पंतच्या वादग्रस्त विकेटवर…

“त्यांना सांगा, आपली मैत्री आता २० तारखेनंतरच”, भाजपच्या जिल्हाध्यक्षांनी भर सभेत केली शिवसैनिकांची कानउघाडणी

भाजपचे बंडखोर उमेदवार विशाल परब यांच्या गाडीवर हल्ला नाही,तो वाट चुकलेला परप्रांतीय कामगार

राज्यात पुन्हा संधी मिळाली तर, आणखी योजना राबवेन; मुख्यमंत्री एकनाथ शिंदे यांचे प्रतिपादन

Shrinivas Vanga: ‘आधी रडले, ठाकरेंना देव म्हणाले’, घरी परतल्यावर आमदार श्रीनिवास वनगांचे सूर बदलले; म्हणाले, “एकनाथ शिंदे…”

हरकतीनंतरही आमदार रोहित पवार व आमदार राम शिंदे यांचे अर्ज मंजूर; मात्र हरकतीचा मुद्दा न्यायालयात जाणार

भाजपने भाकरी फिरवली, ‘या’ विद्यमान आमदारांना घरीच बसवले

हेही वाचा : शून्य आमदार नि एक खासदार! पश्चिम बंगालमध्ये राजकीय विजनवासात जाण्यापासून काँग्रेस स्वत:ला कसं रोखणार?

लातूर जिल्ह्याच्या बैठकीत आमदार संभाजी पाटील निलंगेकर ,अभिमन्यू पवार ,रमेश कराड ,भाजप जिल्हाध्यक्ष दिलीप देशमुख ,शहर जिल्हाध्यक्ष देविदास काळे यांच्यासह वीस जण उपस्थित होते. जिल्ह्यातील सहाही विधानसभा मतदारसंघ भाजपने लढवले पाहिजेत यासाठी आग्रह धरा, अशी विनंती कार्यकर्त्यांनी पंकजा मुंडे यांना केली.

हेही वाचा : तमिळनाडूमध्ये महिनाभरात ५ राजकीय कार्यकर्त्यांची हत्या; काय आहे कारण?

जिल्ह्यातील लातूर शहर ,औसा व निलंगा हे तीन मतदार संघ भाजपकडे राहतील अहमदपूर व उदगीर हे दोन मतदारसंघ राष्ट्रवादी अजित पवार आहेत व लातूर ग्रामीण मतदारसंघ पूर्वी शिवसेनेने लढला होता आता शिवसेना शिंदे गट दावेदार आहे. पक्षात नव्याने आलेले नेते आमच्यावर लादू नका असे नाव न घेता आग्रहपूर्वक अनेक जणांनी मत मांडले .शिवराज पाटील चाकूरकर यांच्या सूनबाई डॉक्टर अर्चना पाटील चाकूरकर या लातूर शहर विधानसभा मतदारसंघात दावेदार आहेत त्या पार्श्वभूमीवर शहरातील कार्यकर्त्यांनीच ही भूमिका मांडल्याचे सांगण्यात येते. पंकजा मुंडे यांनी काय झाले हे आपल्या सर्वांना माहिती असल्यामुळे त्याची चर्चा नको. काय होणार आहे याची चर्चा करू या असे सांगत बैठकीस सुरुवात केली. पण त्यांच्यासमोर कार्यकर्त्यांमधील खदखदच व्यक्त झाली.