नाशिक शहरातील दोन मतदारसंघांवर काँग्रेसचा दावा

लोकसभा निवडणुकीत काँग्रेसचा परंपरागत मतदार पाठिशी उभा राहिल्याने महाविकास आघाडीला राज्यात लक्षणीय यश मिळाल्याचे सूत्र मांडत विधानसभेच्या जागा वाटपात अधिकाधिक जागांवर दावा करण्याची रणनीती काँग्रेसने आखली आहे. त्याच अनुषंगाने बुधवारपासून नाशिकसह संपूर्ण राज्यात विधानसभा मतदारसंघनिहाय इच्छुकांकडून उमेदवारी अर्ज भरून घेण्यास सुरुवात करण्यात आली. आगामी विधानसभा निवडणुकीसाठी शहरातील चारही विधानसभा मतदारसंघात इच्छुकांची चाचपणी करण्यासाठी काँग्रेसने उमेदवारी अर्ज उपलब्ध केले आहेत. बुधवारपासून हे अर्ज स्वीकारण्यास सुरुवात झाली. पक्षाच्या नियमावलीनुसार उमेदवारांची माहिती अर्जात भरून घेतली जाईल. समवेत पक्षनिधी भरावा लागेल. इच्छुकांना अर्ज भरण्यासाठी महिनाभराची मुदत देण्यात आली आहे.

आणखी वाचा

आर्वी विधानसभा मतदारसंघाचा वाद दिल्ली दरबारी

“लग्नाची बातमी सर्वात आधी राज ठाकरेंना…”, प्रेमाची जाहीर…

लोकसभेतील पराभूत डॉ. हिना गावित यांची अक्कलकुवा मतदारसंघात तयारी

चिंचवड विधानसभा : जगताप कुटुंबाला भाजपमधून विरोध; माजी नगरसेवकांचा ठराव! म्हणाले तरच आम्ही…

Aheri Assembly Constituency : अहेरी विधानसभा मतदारसंघ : राष्ट्रवादी काँग्रेस (शरद पवार) धर्मरावबाबा आत्रामांना शह देण्यात यशस्वी ठरणार?

नवी मुंबई : मतदार यादीतील दुबार नावे रद्द करण्यासाठी न्यायालयात धाव

नवी मुंबई, पनवेल उरण मतदारसंघात संशयास्पद ८५ हजार दुबार मतदार

गडचिरोली : विधानसभेसाठी काँग्रेसकडून इच्छुकांची रांग, तीन विधानसभा क्षेत्रासाठी तब्बल २४ जणांनी…

हेही वाचा… रशियातील पंतप्रधान मोदींच्या भाषणात ‘अस्त्रखान हाऊस ऑफ इंडिया’चा उल्लेख; त्याचे गुजरात कनेक्शन काय?

नाशिक लोकसभेच्या निकालामुळे विधानसभेची समीकरणे बदलतील, असे महाविकास आघाडीच्या पदाधिकाऱ्यांना वाटते. सध्या शहरातील तीन मतदारसंघात भाजपचे तर, देवळालीत राष्ट्रवादी अजित पवार गटाचे आमदार आहेत. लोकसभा निवडणुकीत नाशिक मध्य व देवळालीत महायुतीला आघाडी मिळाली नव्हती. ही समीकरणे लक्षात घेऊन महाविकास आघाडीतील तीनही पक्षांनी विधानसभेची तयारी चालविली असताना काँग्रेसने इच्छुकांचे थेट अर्ज भरून घेत पुढचे पाऊल टाकले. २०१९ मध्ये काँग्रेसने नाशिक मध्य आणि नाशिक पूर्व या दोन जागा लढविल्या होत्या. यातील नाशिक मध्य मतदारसंघात काँग्रेसच्या डॉ. हेमलता पाटील द्वितीय स्थानी तर नाशिक पूूर्वमध्ये पक्षाचा उमेदवार स्पर्धेतही नव्हता. काँग्रेसने नव्याने सुरू केलेल्या तयारीने महाविकास आघाडीत बिघाडी होण्याची शक्यता आहे.

हेही वाचा… कुर्मी मतांना आपलेसे करण्याचा प्रयत्न; उत्तर प्रदेश-झारखंडच्या निवडणुकीसाठी जेडीयूची तयारी

शहरातील चारही जागांवर काँग्रेसचा दावा असून नाशिक मध्य आणि नाशिक पूर्व या दोन मतदारसंघात काँग्रेसला मानणारा मोठा मतदार आहे. त्यामुळे किमान या दोन जागा काँग्रेस लढविणार आहे. मागील निवडणुकीत त्या काँग्रेसकडे होत्या. नवमतदार नोंदणी मोहीम राबवत पक्ष सुक्ष्मपणे काम करीत आहे. – आकाश छाजेड (शहराध्यक्ष, काँग्रेस)