अपक्ष आमदार किशोर जोरगेवार तुतारी फुंकणार? पवार गटाकडून चंद्रपुरातून निवडणूक लढण्याचे संकेत

जोरगेवार कोणत्या पक्षाकडून निवडणूक लढणार, याकडे राजकीय वर्तुळाचे लक्ष लागले आहे. कालपर्यंत महायुती समर्थक आणि मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या जवळचे आमदार, अशी ओळख असलेल्या जोरगेवार यांच्यासाठी भाजप प्रवेश अडचणीचा ठरला. ज्येष्ठ नेते तथा राज्याचे वनमंत्री सुधीर मुनगंटीवार समर्थकांनी यास कडाडून विरोध केला. जोरगेवार यांना भाजपमध्ये प्रवेश दिल्यास सामूहिक राजीनामे देऊ, असा आक्रमक पवित्रा स्थानिक नेत्यांनी घेतला. भाजपकडून माजी सभापती तथा मुनगंटीवार समर्थक ब्रिजभूषण पाझारे यांचे नाव या जागेसाठी समोर केल्या जात आहे.

आणखी वाचा

रामदास आठवले भाजपला सांभाळणार की रिपब्लिकन कार्यकर्त्यांना?

१६ नोव्हेंबर पंचांग: कृतिका नक्षत्रात मेषला शुभ दिवस,…

लक्षवेधी लढत: भोकरदन : लोकसभेतील पराभवानंतर दानवेंची प्रतिष्ठा पणाला

Ajit Pawar: ‘साताऱ्याला पिपाणीनं वाचवलं, नाहीतर…’, अजित पवारांच्या मिश्किल टिप्पणीनं भाजपाचीच कोंडी

मतदान करा अन् बिलात सवलत मिळवा! पुणे हॉटेल संघटनेच्यावतीने मतदारांच्या देयकावर १० टक्के सूट

वसईतील महायुतीमध्ये धुसफूस; शिवसेना, राष्ट्रवादी पक्ष नाराज

नक्षलवादी संविधानाला मानत नाही; भाजपलाही संविधान संपवायचे आहे – छत्तीसगड माजी मुख्यमंत्री भूपेश बघेल

भाजपच ओबीसींच्या पाठीशी!, उपमुख्यमंत्री देवेंद्र फडणवीस यांचा दावा

हेही वाचा >>> Maharashtra Assembly Election 2024 : गडचिरोलीत राजकीय पक्षांपुढे बंडखोरी रोखण्याचे आव्हान?

जोरगेवार शिवसेना शिंदे गटाकडून निवडणूक लढण्यास तयार नाहीत. एकतर ही जागा शिंदे गटाच्या वाट्याला सुटणार नाही आणि सुटलीच तर शिंदे गटाकडे चंद्रपूर शहरात कार्यकर्त्यांची ताकद नाही, अशी कारणे ते यासाठी देतात.

महाविकास आघाडीत ही जागा काँग्रेसच्या पारड्यात जाणार, अशी सध्याची स्थिती आहे. काँग्रेसने यापूर्वीच जोरगेवार यांना नकार कळवला आहे. काँग्रेसला या जागेवर हिंदू दलित उमेदवार द्यायचा नाही.

हेही वाचा >>> Maharashtra Election 2024 : सांगलीत काँग्रेस, राष्ट्रवादीत वर्चस्वावरून चढाओढ

अशा परिस्थितीत अपक्ष निवडणूक लढण्याशिवाय पर्याय नसलेल्या जोरगेवार यांना शरद पवार गटाने प्रस्ताव दिला आहे. महाविकास आघाडीत ही जागा आपल्याकडे घ्यायची आणि जोरगेवार यांना तुतारी चिन्हावर निवडणूक रिंगणात उतरवायचे, असा शरद पवार गटाचा विचार असल्याचे दिसते आहे. प्रदेशाध्यक्ष जयंत पाटील यांनी तसे संकेत यापूर्वीच दिले आहे. पाटील आणि जोरगेवार यांच्यात बोलणेदेखील झाले आहे. जोरगेवार यांनी होकारही दर्शविला आहे. गेल्या दोन दिवसांपासून ते शरद पवार गटाच्या स्थानिक पदाधिकाऱ्यांच्या संपर्कात आहेत.

विजय वडेट्टीवार यांचे प्रयत्न सुरूच

आमदार जोरगेवार यांनी चंद्रपूरची जागा शरद पवार गटाकडे गेली तर तुतारी चिन्हावर निवडणूक लढणार, असे यापूर्वीच सांगितले आहे. दुसरीकडे, काँग्रेस पक्षश्रेष्ठींकडून जोरगेवार यांना नकार कळवण्यात आलेला असतानाही विजय वडेट्टीवार त्यांच्यासाठी प्रयत्न करीत आहेत. जोरगेवार यांनी काँग्रेसकडून निवडणूक लढवावी, अशी त्यांची इच्छा आहे.