चावडी: भुजबळ तेव्हा आणि आता

हेही वाचा >>>Delhi Assembly Election 2025 : Delhi Assembly तिकीट वाटप ते प्रचार, दिल्ली विधानसभेसाठी मायावतींच्या पक्षाने आखली मोठी रणनीति

नक्की वाचा

अग्रलेख : अवघा हलकल्लोळ करावा…

वाल्मिक कराड ज्या गाडीतून शरण आला त्या गाडीच्या…

मनसुख हिरेनच्या हत्येची कल्पना फडणवीसांना होती! अनिल देशमुख यांचे प्रत्युत्तर

Sharad Ponkshe : “सत्तेसाठी एक अख्खा पक्ष…”, शरद पोंक्षेंचं मनसेच्या व्यासपीठावरून सत्ताधारी आणि विरोधकांवर हल्लाबोल

Devendra Fadnavis : संतोष देशमुखांच्या कुटुंबियांनी घेतली मुख्यमंत्री देवेंद्र फडणवीसांची भेट; ‘या’ मुद्द्यांवर झाली चर्चा

‘या’ देशातील श्रीमंत लोक देश सोडून का जात आहेत? श्रीमंतांच्या संपत्तीत घट होण्याचे कारण काय?

आयुष्मान योजनेसाठी तुमच्या आई-वडिलांची नोंदणी कशी करायची? जाणून घ्या संपूर्ण प्रक्रिया

Raj Thackeray : “एकदा एक कॅमेरावाला बाथरूमपर्यंत…”, राज ठाकरेंनी सांगितली पूर्वीच्या आचारसंहितेच्या काळातील गंमत!

माझे दुकान स्वतंत्र !

विधान परिषदेच्या सभापतीपदी निवड झाल्याबद्दल राम शिंदे यांचा अहिल्यानगरमध्ये सर्वपक्षीय सत्कार समारंभ आयोजित करण्यात आला होता. मात्र सत्कार समारंभाकडे भाजपसह महायुतीच्या सर्वच खासदार, आमदारांनी पाठ फिरवली. स्वत:ला अपक्ष म्हणून घेणारे सत्यजित तांबे व काँग्रेसचे हेमंत उगले असे दोनच आमदार उपस्थित होते. या समारंभावेळीच शिर्डीमधील भाजपच्या अधिवेशनाच्या पूर्वतयारीसाठी जलसंपदामंत्री राधाकृष्ण विखे यांनी बैठक आयोजित केली होती. भाजपचे आमदार, पदाधिकारी या बैठकीला मात्र उपस्थित होते. या विरोधाभासी घटनांकडे राधाकृष्ण विखे व राम शिंदे यांच्यातील वादाच्या पार्श्वभूमीवर पाहिले जात आहे. मात्र हा गैरसमज पसरवण्याचा प्रयत्न असल्याचा दावा विखे यांनी केला आहे. शिर्डीतील बैठक पूर्वनियोजित होती असेही त्यांनी सांगितले. सत्कार समारंभाला उपस्थित असलेले सत्यजित तांबे हे विधान परिषदेचे सदस्य असल्यामुळे त्यांनी आपल्याला सभापतींबरोबरचे संबंध जपण्यासाठी उपस्थित राहणे भागच आहे. त्यांनी मला सभागृहात बोलू दिले नाही तर माझे काहीच चालणार नाही, अशी मिश्कील टिप्पणी केली. काँग्रेसचे अनेक पदाधिकारी या समारंभाला उपस्थित राहिले. त्याकडे आमदार ओगले यांनी दोनदा लक्ष वेधत आमदार तांबेही आमचेच आहेत असा दावा केला. मात्र सत्यजित तांबे यांनी हा दावा लगेच फेटाळत ‘माझे दुकान स्वतंत्र आहे’ अशी भूमिका मांडली.

सदस्य नोंदणी अशीही …

सध्या भाजपचे सदस्य नोंदणी अभियान मोठ्या जोमात सुरू आहे. केंद्रात, राज्यात पक्ष सत्तेवर असल्याने अभियानास गर्दीही दिसत आहे. रविवारी असेच एकेठिकाणी माजी नगरसेवकांने अभियान मोठ्या दिमाखात सुरू केले. जास्तीत जास्त सदस्य आपलेच व्हावेत यासाठी दुसऱ्या फळीतील कार्यकर्ते प्रयत्नशील तर आहेतच, पण महापालिका निवडणुकीत उमेदवारी मिळेल का याची शाश्वती सध्या तरी मिळत नाही. आता ताकाला जाऊन मोगा कशाला लपवायचा असा साधा विचार त्यांने बूथवर मांडला तर त्याला आक्षेप घेणारे उभे राहिलेच, पक्षासाठी भाऊंनी त्याग केला, तुलाही त्यागाची सवय पाहिजेच. नगरसेवकाच्या उमेदवारीसाठी वाट्टेल ते करायच्या तयारीत असलेल्या इच्छुकांने मग काढता पाय कधी घेतला आणि दुसऱ्या दुकानाचा शोध कधी सुरू केला हे नेत्यालाच नव्हे तर बूथवरच्यांनाही कळलं नाही. बिच्चारे नोंदणीसाठी हजेरीवर आलेल्यांनी आता त्याचा शोध सुरू केला आहे.

(संकलन : मोहनीराज लहाडे, विश्वास पवार, दिगंबर शिंदे)