कारण राजकारण: काँग्रेसच्या निसटत्या आघाडीने दानवेपुत्रास चिंता

लोकसभा सदस्य म्हणून निवडून येण्यापूर्वी १९९० आणि १९९५ मध्ये भाजपकडून रावसाहेब दानवे यांनी भोकरदान विधानसभा मतदार संघाचे प्रतिनिधित्व केलेले आहे. २०१४ आणि २०१९ मध्ये त्यांचे चिरंजीव संतोष दानवे या मतदार संघातून भाजपकडून निवडून आले आहेत. मात्र, रावसाहेबांचा लोकसभेत पराभव झाल्यामुळे या मतदारसंघातील भाजपचा प्रभाव कमी झाल्याचे दिसून आले आहे.

आणखी वाचा

Ajit Pawar : “फडणवीसांचं माहिती नाही, पण आम्हाला कटेंगे-बटेंगे चालणार नाही”,अजित पवारांच्या वक्तव्याने महायुतीत तणाव?

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

लक्षणीय लढत : खासदार पत्नी विरुद्ध फडणवीसांचे विश्वासू असा सामना

पंतप्रधानांकडून ‘एक है, तो सेफ है’च्या घोषणा हे देशाचे दुर्दैव; काँग्रेस नेते अशोक गेहलोत यांचा आरोप

Bhokar Assembly Election 2024 : श्रीजया चव्हाण विरुद्ध तिरुपती कोंढेकरांमध्ये अटीतटीची लढत; भोकरमध्ये कोणाचं पारडं जड?

राज्यात हरियाणा प्रारुपाचा प्रयोग शक्य झाला का ? उमेदवारांच्या संख्येत २८ टक्के वाढ

तुळजापुरात मैत्रीपूर्ण लढत की, आघाडीत बिघाडी? मविआचा अधिकृत उमेदवार कोण? रोचकरी की, पाटील?

चिमूरमध्ये थेट लढतीमुळे कीर्तीकुमार भांगडिया अडचणीत

हेही वाचा >>>काँग्रेस नेत्यांवर ईडीची कारवाई; हिमाचल प्रदेशमधील बनावट आयुष्मान कार्डाचे प्रकरण तापले, ईडीच्या रडारवर कोणकोण?

१९९९ मध्ये भोकरदनमधून भाजपचे विठ्ठलराव सपकाळ निवडून आहे होते. परंतु त्यांच्या निधनामुळे या जागेवर २००३ मध्ये झालेल्या पोटनिवडणुकीत भाजपचा त्याग करून राष्ट्रवादी काँग्रेसमध्ये आलेले चंद्रकांत दानवे निवडून आले. त्यानंतर २००४ आणि २००९ मध्येही चंद्रकांत दानवे राष्ट्रवादी काँग्रेसकडून निवडून आले. या तिन्हीही निवडणुकीत त्यांचे मताधिक्य मात्र घटत गेले. २००३ मध्ये १६ हजार ६७६ तर २००४ मध्ये त्यांचे मताधिक्य ३ हजार ११९ होते. २००९ मध्ये चंद्रकांत दानवे यांनी रावसाहेब दानवे यांच्या पत्नी निर्मलात्ताई यांच्या विरोधात निवडणूक जिंकली. परंतु त्यावेळी त्यांचे मताधिक्य १ हजार ६३९ एवढे होते. २०१४ आणि २०१९ या दोन्ही विधानसभा निवडणुकीत चंद्रकांत दानवे यांचा पराभव झाला. या दोन्ही वेळेस रावसाहेब यांचे चिरंजीव संतोष यांनी त्यांचा पराभव केला. २०१४ मध्ये चंद्रकांत दानवे यांचा ६ हजार ७५० मतांनी, २०१९ मध्ये ३२ हजार ४९० मतांनी पराभव झाला होता. मात्र, यंदा लोकसभा निवडणुकीत या मतदारसंघातून काँग्रेसच्या कल्याण काळे यांनी आघाडी घेतल्याने मविआच्या नेत्यांमध्ये पुन्हा आत्मविश्वास निर्माण झाला असून तो संतोष दानवे यांच्यासाठी आव्हान ठरू शकतो.

हेही वाचा >>>पैठण मतदासंघातून खासदार संदीपान भुमरे यांच्या चिरंजीवास उतरविण्याची तयारी

मविआत चढाओढ

महाविकास आघाडीत उमेदवारीसाठी मात्र स्पर्धा सुरू झाली आहे. काही इच्छुक उमेदवार यावेळेस चंद्रकांत दानवे यांना उमेदवारी का देऊ नये असे सांगत त्यांच्या मागील पाच निवडणुकांतील मतांची गोळाबेरीज मांडत आहेत. राष्ट्रवादी काँग्रेस शरद पवार गटाच्या महिला जिल्हाध्यक्ष सुरेखा लहाने यांनी भर मेळाव्यात उमेदवारीवर दावा केला. तर काँग्रेसचे जिल्हाध्यक्ष राजाभाऊ देशमुख हेही या जागेसाठी आग्रही आहेत. आघाडीत परंपरेनुसार जिल्यातील जालना आणि परतूर हे दोन विधानसभा मतदार संघ काँग्रेसकडे आहेत. हा मुद्दा काँग्रेसकडून पुढे करण्यात येत आहे.