जळगावमध्ये बंडखोरांवरील कारवाईत भाजपचा दुजाभाव; माजी खासदारास अभय

BJP Action Against Rebel Candidates in Jalgaon Constituency : भाजपकडून शिस्तभंगाची कारवाई करण्यात आलेल्या पदाधिकाऱ्यांमध्ये ए. टी. पाटील आणि अमोल शिंदे यांचा समावेश नाही

maharashtra assembly election 2024 bjp double standard for action against rebels

प्रातिनिधिक फोटो: लोकसत्ता टीम

जळगाव- विधानसभेची उमेदवारी न मिळाल्याने जिल्ह्यात स्वपक्षाविरोधात बंड पुकारणाऱ्यांविरोधात भाजपने कारवाईचा बडगा उगारला आहे. परंतु, अशा कारवाईत सर्व बंडखोरांना समान न्याय देण्याऐवजी माजी खासदारासह काही जणांना मोकळीक देण्यात आल्याने कारवाईवरून संशय बळावला आहे. भाजपचे प्रदेशाध्यक्ष चंद्रशेखर बावनकुळे यांनी न ऐकणाऱ्या बंडखोरांसाठी पक्षाची दारे सहा वर्षांसाठी बंद होतील, असा इशारा अर्ज माघारीच्या एक दिवस आधीच दिला होता. त्यानुसार भाजप प्रदेश कार्यालयाने ३७ मतदारसंघातील पक्षाचा आदेश न जुमानणाऱ्या ४० बंडखोरांवर कारवाई केली आहे.

शिस्तभंग केल्याबद्दल संबंधितांची पक्षातून हकालपट्टी देखील करण्यात आली आहे. त्यामध्ये जळगाव शहर मतदारसंघातून भाजपचे उमेदवार आमदार सुरेश भोळे यांच्या विरोधात अपक्ष उमेदवारी करणारे माजी उपमहापौर डॉ.अश्विन सोनवणे तसेच माजी नगरसेवक मयूर कापसे यांचाही समावेश आहे.

नक्की वाचा

MNS Hingana Assembly Constituency : उमेदवार असतानाही भाजपाच्या उमेदवाराला मनसेचा जाहीर पाठिंबा; राज ठाकरेंची नेमकी भूमिका काय?

६ नोव्हेंबर पंचांग: चारचौघात कौतुक, अचानक धनलाभ, जन्मराशीनुसार…

Suresh Dhas : महायुतीमधील वाद चव्हाट्यावर? “घड्याळाचे आधीच १२ वाजलेत”, भाजपा नेत्याचा अजित पवारांवर हल्लाबोल

‘आम्ही काहीही करू शकतो’, केंद्रीय गृहमंत्री अमित शाह यांच्यासमोर मिथुन चक्रवर्तींची मुस्लिमांना धमकी

Sada Sarvankar : “मला निवडणूक लढवावीच लागेल”, सदा सरवणकर हतबल; म्हणाले, “राज ठाकरेंनी माझी…”

Nawab Malik big claims about maharashtra Election

Nawab Malik: शरद पवार आणि एकनाथ शिंदे संपर्कात?, ‘निवडणुकीनंतर काहीही होऊ शकतं’, नवाब मलिक यांचा दावा

Donald Trump Won US Presidential Election 2024

Donald Trump Won US Election 2024: दुसऱ्या टर्मसाठी डोनाल्ड ट्रम्प यांचा अजेंडा ठरला; पहिल्याच भाषणात केला उल्लेख, म्हणाले…

Donald Trump Won US Election 2024: जागतिक महासत्तेच्या चाव्या पुन्हा डोनाल्ड ट्रम्प यांच्या ताब्यात; अमेरिकेत मोठ्या विजयासह सत्तारूढ होणार!

हेही वाचा >>> ‘आम्ही काहीही करू शकतो’, मिथुन चक्रवर्तींची अमित शाहांसमोरच मुस्लीमांना धमकी; पश्चिम बंगालचे राजकारण तापले

पाचोरा मतदारसंघात भाजपचे तालुकाध्यक्ष अमोल शिंदे यांनी शिवसेनेचे (एकनाथ शिंदे) उमेदवार आमदार किशोर पाटील यांच्या विरोधात अपक्ष उमेदवारी केली आहे. तसेच भाजपचे माजी खासदार ए. टी. पाटील यांनी एरंडोल मतदारसंघात शिंदे गटाचे उमेदवार अमोल पाटील यांच्या विरोधातील अपक्ष अर्ज मागे घेतला नाही. दोघांनी बंडखोरी करून शिंदे गटासमोर आव्हान निर्माण केले आहे. परंतु, भाजपकडून शिस्तभंगाची कारवाई करण्यात आलेल्या पदाधिकाऱ्यांमध्ये ए. टी. पाटील आणि अमोल शिंदे यांचा समावेश नाही. त्यामुळे भाजपकडून शिस्तभंग कारवाईत दुजाभाव करण्यात येत असल्याची प्रतिक्रिया उमटत आहे.

हेही वाचा >>> अकोला जिल्ह्यात तुल्यबळ लढतींची रंगत; जातीय राजकारण व मतविभाजन निर्णायक ठरणार

विधानसभेची उमेदवारी न मिळाल्याने महायुतीच्या उमेदवारांविरोधात बंडखोरी करणाऱ्या भाजपच्या पदाधिकाऱ्यांचा अहवाल प्रदेश कार्यालयाकडे पाठविण्यात आला आहे. संबंधितांवर आता टप्याटप्याने शिस्तभंगाची कारवाई केली जात आहे. ज्या उमेदवारांना कोणत्याही परिस्थितीत निवडणूक लढायची आहे, त्यांनी भाजपच्या प्राथमिक सदस्यत्वाचा राजीनामा तातडीने दिला पाहिजे. – डॉ.राधेश्याम चौधरी (लोकसभा क्षेत्र प्रमुख, जळगाव भाजप)

Web Title: Maharashtra assembly election 2024 bjp double standard for action against rebels in jalgaon assembly constituency print politics news zws

Jalgaon Vidhan Sabha Election 2024 : जळगावमध्ये बंडखोरांवरील कारवाईत भाजपचा दुजाभाव; माजी खासदारास अभय