चिमूरमध्ये थेट लढतीमुळे कीर्तीकुमार भांगडिया अडचणीत

लोकसभा निवडणुकीत काँग्रेसला मिळालेले ३८ हजारांचे मताधिक्य व ‘अँटिइन्कम्बन्सी’मुळे भांगडिया यांच्या अडचणी वाढल्या आहेत. थेट लढत ही काँग्रेससाठी लाभदायी ठरणार, असे राजकीय विश्लेषकांचे मत आहे.

chimur vidhan sabha constituency kirtikumar bunty bhangdiya vs congress satish warjukar

चिमूरमध्ये थेट लढतीमुळे कीर्तीकुमार भांगडिया अडचणीत ( छायाचित्र - लोकसत्ता ग्राफिक्स टीम )

चंद्रपूर : क्रांतीभूमी चिमूर मतदारसंघात भाजपचे विद्यमान आमदार कीर्तीकुमार उर्फ बंटी भांगडिया व काँग्रसचे डॉ. सतिश वारजूकर यांच्यात थेट लढत आहे. लोकसभा निवडणुकीत काँग्रेसला मिळालेले ३८ हजारांचे मताधिक्य व ‘अँटिइन्कम्बन्सी’मुळे भांगडिया यांच्या अडचणी वाढल्या आहेत. थेट लढत ही काँग्रेससाठी लाभदायी ठरणार, असे राजकीय विश्लेषकांचे मत आहे. अशा परिस्थितीत भांगडिया विजयाची हॅट्ट्रीक करतात का, याकडे सर्वांचे लक्ष लागले आहे.

राष्ट्रसंत तुकडोजी महाराज यांची कर्मभूमी असलेला चिमूर हा जिल्ह्यातील एकमेव मतदारसंघ आहे, जिथे विरोधी पक्षनेते विजय वडेट्टीवार व आमदार बंटी भांगडिया या दोघांशिवाय आजवर अन्य उमेदवार दुसऱ्यांदा निवडून आलेला नाही. भांगडिया २०१४ आणि २०१९ च्या निवडणुकीत येथून विजयी झाले. २०१९ च्या निवडणुकीत काँग्रेसचे बंडखोर धनराज मुंगले आणि वंचित बहुजन आघाडीचे अरविंद सांदेकर यांच्यामुळे झालेल्या मतविभाजनाचा काँग्रेस उमेदवार डॉ. वारजूकर यांना फटका बसला होता. मात्र, यंदा परिस्थिती पूर्णत: बदलली आहे.

आणखी वाचा

Bahujan samaj vidhan sabha election 2024

बहुजन समाजातील संधीसाधूपणावर उपाय काय?

Madhurima Raje : सतेज पाटील ज्यांच्यामुळे ढसाढसा रडले…

After Madhya Nagpur candidate of Vanchit Bahujan Aghadi zheeshan hussain withdrawal from Akola West

Akola West constituency : विदर्भात वंचितची नामुष्की! मध्य नागपूरनंतर आता अकोला पश्चिममध्ये उमेदवारी माघार

bhandara pavani constituency tradition that the voters of this constituency rejected the existing mlas

भंडारा : विद्यमानांना नाकारण्याची परंपरा यंदाही कायम राहणार?

Challenges facing by shinde shiv sena candidate in Maharashtra state assembly elections 2024

Ambernath Assembly Constituency : अंबरनाथमध्ये आमदार किणीकरांच्या अडचणीत वाढ

Gopal Shetty: अर्ज मागे घेण्यासाठी ईडीची चौकशी लागणार? गोपाळ शेट्टी यांनी देवेंद्र फडणवीसांबद्दल म्हटले…

Anis Ahmed, Anis Ahmed Congress, Anis Ahmed latest news, Anis Ahmed marathi news,

अर्ज भरण्याची वेळ चुकवणारे अनिस अहमद पुन्हा काँग्रेसमध्ये

रश्मी शुक्ला यांना महासंचालक पदावरून हटविण्याची मागणी विरोधकांकडून का होतेय? झारखंड पोलीस महासंचालकांचा संदर्भ काय?

भांगडिया यांच्यसमोर आताही वारजूकर यांचेच आव्हान आहे. मात्र, २०१९ च्या तुलनेत आता वंचितचा जनाधार घटल्याचे राजकीय विश्लेषकांचे म्हणणे आहे, तर मुंगले यांनी माघार घेतल्यानेही काँग्रेसचे मतविभाजनही टळले आहे. भांगडिया यांनी मागील दहा वर्षांत रोजगार, आरोग्य विषयक सुविधा, शैक्षणिक प्रगती, या महत्त्वाच्या विषयांकडे दुर्लक्ष केल्याचा मतप्रवाह मतदारसंघात आहे. माना समाजाचे नेते तथा माजी राज्यमंत्री डॉ. रमेश गजबे यांचा भाजपमधील प्रवेश भांगडिया यांच्यासाठी सकारात्मक असला तरी या भागात कुणबी, तेली व इतर समाजाची गठ्ठामते निर्णायक ठरतात.

हे ही वाचा… Tasgaon Kavathe Mahankal Assembly Elections : ‘एक मत, दोन आमदार’ तासगाव – कवठेमहांकाळमध्ये वेगळाच प्रचार

पंतप्रधान मोदी व राहुल गांधींची सभा

आमदार बंटी भांगडिया यांच्या प्रचारार्थ पंतप्रधान नरेंद्र मोदी यांची १२ नोव्हेंबर रोजी चिमूर येथे जाहीर सभा होणार आहे. प्रचाराच्या अखेरच्या टप्प्यात काँग्रेस नेते खासदार राहुल गांधी यांची वारजूकर यांच्या प्रचारार्थ १६ नोव्हेंबर रोजी सभा नियोजित आहे. मोदी आणि राहुल गांधी यांच्या सभांचा या दोन्ही उमेदवारांना किती लाभ होतो, याकडे राजकीय वर्तुळाचे लक्ष लागले आहे.

Web Title: Maharashtra assembly election 2024 chimur vidhan sabha constituency kirtikumar bunty bhangdiya vs congress satish warjukar print politics news asj