चंद्रपूर : वरोरा विधानसभा मतदारसंघात धनोजे कुणबी समाजाचे पाच उमेदवार रिंगणात असल्याने मतविभाजन अटळ मानले जात आहे. काँग्रेस उमेदवार ‘लाडके भाऊ’ प्रवीण काकडे यांच्यासाठी खासदार बहीण प्रतिभा धानोरकर यांची राजकीय प्रतिष्ठा पणाला लागली आहे, तर दुसरीकडे भासरे अनिल धानोरकर यांच्यामुळे खासदार धानोरकर यांची राजकीय गणिते बिघडतील, असे राजकीय वर्तुळात बोलले जात आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
वरोरा हा कुणबीबहुल मतदार संघ. येथे खैरे कुणबी समाजाचे मतदार सर्वाधिक. त्या पाठोपाठ धनोजे कुणबी समाजाचे मतदार आहेत. खैरे कुणबी समाजातून भाजपचे करण देवतळे हे एकमेव उमेदवार आहेत, तर धनोजे कुणबी समाजाचे काँग्रेसचे काकडे, अपक्ष डॉ. चेतन खुटेमाटे, महाविकास आघाडीचे बंडखोर शिवसेना ठाकरे गटाचे जिल्हाप्रमुख मुकेश जीवतोडे, वंचितचे अनिल धानोरकर निवडणुकीच्या रिंगणात आहेत. येथे भाजपचे मतविभाजन कमी, तर काँग्रेसचे मतविभाजन अधिक होण्याची शक्यता आहे. त्यात काँग्रेसची पारंपरिक मुस्लीम समाजाची गठ्ठा मते प्रहारचे उमेदवार अहेतेशाम अली कमी करीतील, असे दिसते.
हेही वाचा >>> Chhatrapati Sambhajinagar Assembly Constituency: जरांगे यांच्या ‘मराठा- मुस्लिम व दलित’ मतपेढीसाठी ओवेसी यांची सहमती
२०१९ च्या विधानसभा निवडणुकीत प्रतिभा धानोरकर १० हजार मतांच्या आघाडीने विजयी झाल्या होत्या. त्यांच्या विजयात दिवं. बाळू धानोरकर यांचा सिंहाचा वाटा होता. तसेच भद्रावती शहर तथा तालुक्यातून धानोरकर यांना मताधिक्य मिळाले होते. मात्र, आता २०१९ सारखी परिस्थिती नाही. भद्रावती येथून स्वतः त्यांचे भासरे व माजी नगराध्यक्ष अनिल धानोरकर रिंगणात आहेत. त्यामुळे भद्रावतीत त्यांना फटका बसण्याची शक्यता आहे.
खासदार धानोरकर २०२४ च्या लोकसभा निवडणुकीत २ लाख ६० हजार मतांनी जिंकल्या. मात्र मागील सहा महिन्यांत राजकीय परिस्थितीत बराच बदल झाला. त्याचाही फटका काँग्रेसला बसण्याची शक्यता आहे.
हेही वाचा >>> निवडणूक उमेदवारी अर्ज फेटाळण्याचा निर्णय योग्यच; आयोगाचा उच्च न्यायालयात दावा, याचिका फेटाळली
काकडे हे मतदारांच्या मनातील उमेदवार नाहीत, ते केवळ बहीण खासदार धानोरकर यांच्या मनातील उमेदवार आहेत, असा मतप्रवाह मतदारसंघात आहे. काँग्रेस कार्यकर्ते व पदाधिकारी यांच्यातही नाराजीची भावना आहे. काकडे यांच्या उमेदवारीने धानोरकर कुटुंबात उभी फुट पडली आहे. एकीकडे खासदार धानोरकर एकट्या आहेत, तर दुसरीकडे भासरे अनिल धानोरकर, सासू व इतर नातेवाईक आहेत. शिवसेना ठाकरे गटाचे दुसरे जिल्हाप्रमुख रवींद्र शिंदे हे उमेदवारी दाखल करताना प्रवीण काकडे यांच्या सोबत होते. मात्र, शिंदे व अनिल धानोरकर यांच्यातील सख्य सर्वश्रुत आहे. एकंदरीत राजकीय परिस्थिती बघता वरोरा मतदारसंघात चुरशीची लढत रंगणार, असे राजकीय विश्लेषकांचे म्हणणे आहे.
वरोरा हा कुणबीबहुल मतदार संघ. येथे खैरे कुणबी समाजाचे मतदार सर्वाधिक. त्या पाठोपाठ धनोजे कुणबी समाजाचे मतदार आहेत. खैरे कुणबी समाजातून भाजपचे करण देवतळे हे एकमेव उमेदवार आहेत, तर धनोजे कुणबी समाजाचे काँग्रेसचे काकडे, अपक्ष डॉ. चेतन खुटेमाटे, महाविकास आघाडीचे बंडखोर शिवसेना ठाकरे गटाचे जिल्हाप्रमुख मुकेश जीवतोडे, वंचितचे अनिल धानोरकर निवडणुकीच्या रिंगणात आहेत. येथे भाजपचे मतविभाजन कमी, तर काँग्रेसचे मतविभाजन अधिक होण्याची शक्यता आहे. त्यात काँग्रेसची पारंपरिक मुस्लीम समाजाची गठ्ठा मते प्रहारचे उमेदवार अहेतेशाम अली कमी करीतील, असे दिसते.
हेही वाचा >>> Chhatrapati Sambhajinagar Assembly Constituency: जरांगे यांच्या ‘मराठा- मुस्लिम व दलित’ मतपेढीसाठी ओवेसी यांची सहमती
२०१९ च्या विधानसभा निवडणुकीत प्रतिभा धानोरकर १० हजार मतांच्या आघाडीने विजयी झाल्या होत्या. त्यांच्या विजयात दिवं. बाळू धानोरकर यांचा सिंहाचा वाटा होता. तसेच भद्रावती शहर तथा तालुक्यातून धानोरकर यांना मताधिक्य मिळाले होते. मात्र, आता २०१९ सारखी परिस्थिती नाही. भद्रावती येथून स्वतः त्यांचे भासरे व माजी नगराध्यक्ष अनिल धानोरकर रिंगणात आहेत. त्यामुळे भद्रावतीत त्यांना फटका बसण्याची शक्यता आहे.
खासदार धानोरकर २०२४ च्या लोकसभा निवडणुकीत २ लाख ६० हजार मतांनी जिंकल्या. मात्र मागील सहा महिन्यांत राजकीय परिस्थितीत बराच बदल झाला. त्याचाही फटका काँग्रेसला बसण्याची शक्यता आहे.
हेही वाचा >>> निवडणूक उमेदवारी अर्ज फेटाळण्याचा निर्णय योग्यच; आयोगाचा उच्च न्यायालयात दावा, याचिका फेटाळली
काकडे हे मतदारांच्या मनातील उमेदवार नाहीत, ते केवळ बहीण खासदार धानोरकर यांच्या मनातील उमेदवार आहेत, असा मतप्रवाह मतदारसंघात आहे. काँग्रेस कार्यकर्ते व पदाधिकारी यांच्यातही नाराजीची भावना आहे. काकडे यांच्या उमेदवारीने धानोरकर कुटुंबात उभी फुट पडली आहे. एकीकडे खासदार धानोरकर एकट्या आहेत, तर दुसरीकडे भासरे अनिल धानोरकर, सासू व इतर नातेवाईक आहेत. शिवसेना ठाकरे गटाचे दुसरे जिल्हाप्रमुख रवींद्र शिंदे हे उमेदवारी दाखल करताना प्रवीण काकडे यांच्या सोबत होते. मात्र, शिंदे व अनिल धानोरकर यांच्यातील सख्य सर्वश्रुत आहे. एकंदरीत राजकीय परिस्थिती बघता वरोरा मतदारसंघात चुरशीची लढत रंगणार, असे राजकीय विश्लेषकांचे म्हणणे आहे.
