छगन भुजबळांच्या विरोधात मराठा समाजाचा उमेदवार

राष्ट्रवादीच्या दुसऱ्या यादीत घराणेशाहीवर भर देण्यात आला आहे. गंगापूर मतदारसंघातून विधान परिषदेचे आमदार सतीश चव्हाण यांना उमेदवारी जाहीर करण्यात आली आहे. चव्हाण हे निवडणूक लढण्यासाठी अजितदादांची साथ सोडून शरद पवार गटात सामील झाले आहेत. उल्हासनगरमध्ये पप्पू कलानी यांचे पुत्र ओमी कलानी यांनी संधी देण्यात आली आहे.

आणखी वाचा

म्हाडा मुंबई मंडळ सोडत २०२४ : लवकरच विजेत्यांच्या हक्काच्या घराचे स्वप्न होणार पूर्ण, विजेत्यांना सोमवारपासून तात्पुरते देकारपत्र

Daily Horoscope, 26 October : आज मेष ते…

“मराठा समाजाला धोका दिल्यास फसवणुकीचा गुन्हा दाखल करा” जरांगेंच्या आवाहनाला…

हलबा समाजाला डावलणाऱ्यांविरोधात मतदान, ‘या’ फलकाने वाढवले सर्व पक्षांचे टेन्शन…

पालकमंत्री उदय सामंत यांच्या विरोधात भाजपा आणि ठाकरे गट एकत्र काम करणार, बाळ माने-महाडिक-बनेंमध्ये बंद दाराआड चर्चा

बंजारा समाजाच्या मतपेढीवर डोळा ठेवूनच भाजपची महंत बाबुसिंग महाराज राठोड यांना आमदारकी !

रत्नागिरीत राष्ट्रीय स्वयंसेवक संघाच्या पथसंचलनात विरोधी घोषणा देणाऱ्या माजी नगरसेवकासह १४० जणांवर गुन्हा दाखल

Video: आर्थिक व्यवहाराच्या आरोपाने मंत्री अब्दुल सत्तार संतापले; बाजार समित्यांच्या परिषदेतून काढता पाय

हेही वाचा : ‘हजारी कार्यकर्ता’ यंत्रणा मोडीत?

अजित पवार यांचे भाचे राहुल मोटे यांना परांडामधून उमेदवारी देण्यात आली आहे. मोटे यांनी निवडणूक लढण्याच्या उद्देशानेच अजित पवार गटात प्रवेश केला नव्हता. विधानसभेचे माजी अध्यक्ष बाबासाहेब कुपेकर यांची कन्या नंदिनी कुपेकर, अहमदनगरमध्ये अभिषेक कळमकर आदी उमेदवारांची पार्श्वभूमी घराणेशाहीची आहे.

छगन भुजबळ यांना शह देण्याकरिता शरद पवार गटाने मराठा समाजातील माणिकराव शिंदे यांना उमेदवारी जाहीर केली आहे. मराठा-ओबीसी असे जातीचे ध्रुवीकरण करण्यावर भर देण्यात आला आहे.

राष्ट्रवादी काँग्रेस (शरद पवार) गटाच्या पहिल्या यादीत ४५ उमेदवारांच्या नावांचा घोषणा करण्यात आली होती. आज प्रदेशाध्यक्ष जयंत पाटील यांनी २२ उमेदवारांच्या नावांची घोषणा केली. राष्ट्रवादीचे ६७ उमेदवार जाहीर झाले आहेत. राष्ट्रवादीला ‘मविआ’तील जागावाटपात ९० जागा मिळालेल्या आहेत. राष्ट्रवादीच्या उमेदवारांची तिसरी यादी उद्या जाहीर होईल, असे प्रदेशाध्यक्ष जयंत पाटील यांनी सांगतिले.

हेही वाचा : सोलापुरात जागावाटपावरून महाविकास आघाडीमध्ये बिघाडी, जिल्ह्यातील चार मतदारसंघांत संघर्ष

२२ उमेदवार

एरंडोल (सतीश पाटील), गंगापूर (सतीश चव्हाण ), शहापूर (पांडुरंग बरोरा), परांडा (राहुल मोटे), बीड (संदीप क्षीरसागर), आर्वी (मयुरा काळे), बागलाण (दीपिका चव्हाण ), येवला (माणिकराव शिंदे), सिन्नर (उदय सांगळे), दिंडोरी (सुनीता चारोस्कर ), नाशिक पूर्व (गणेश गीते), उल्हासनगर (ओमी कलानी), जुन्नर (सत्यशील शेरकर), पिंपरी (सुलक्षणा शिलवंत), खडकवासला (सचिन दोडके), पर्वती (अश्विनी कदम), अकोले (अमित भांगरे), अहमदनगर शहर (अभिषेक कळमकर), माळशिरस (उत्तमराव जानकर), फलटण (दीपक चव्हाण), चंदगड (नंदिनी भाबुळकर- कुपेकर), इचलकरंजी (मदन कारंडे) यांचा समावेश आहे.