Maharashtra Assembly Election 2024 : हायकमांड’कडून बंडखोरीची दखल नाहीच, गोंदिया जिल्ह्यातील चित्र

गोंदिया विधानसभेत माजी आमदार गोपालदास अग्रवाल यांना काँग्रेसकडून उमेदवारी देण्यात आली. येथे शिवसेना (उबाठा) चे जिल्हाध्यक्ष पंकज यादव यांनी महाविकास आघाडीतर्फे नामनिर्देशन पत्र दाखल केले आहे. याशिवाय, काँग्रेसचे राजीव ठकरेले यांनीही रिंगणात उडी घेतली आहे. यादव यांना वरिष्ठांकडून उमेदवारी अर्ज मागे घेण्याचे आदेश आले आहेत. त्यांनी शिवसेना कार्यालयात मला बोलावले आणि आपल्या कार्यकर्त्यांसमोर पाठिंबा दर्शवला, असे अग्रवाल यांनी सांगितले. काँग्रेसचे बंडखोर ठकरेले यांच्याशी अद्याप बोलणे झाले नाही, आम्ही आपल्या परीने यासाठी प्रयत्नशील आहोत. गरज पडली तर काँग्रेस प्रदेशाध्यक्ष नाना पटोले यांची यासंदर्भात मदत घेऊ, असेही अग्रवाल यांनी स्पष्ट केले. मात्र, ठकरेले यांनी कोणत्याही परिस्थितीत माघार घेणार नाही, अशी भूमिका घेतली आहे.

नक्की वाचा

भाजप, शरद पवारांचे उमेदवार मराठवाड्यात सर्वत्र; काँग्रेस, अजित पवारांची पाटी काही जिल्ह्यांमध्ये कोरी

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

Ajit Pawar : विस्मृतीत गेलेल्या सिंचन घोटाळ्याची फाईल अजित पवारांनीच उघडली? यावेळी कोण वाहून जाणार?

Shrinivas Vanga: ‘आधी रडले, ठाकरेंना देव म्हणाले’, घरी परतल्यावर आमदार श्रीनिवास वनगांचे सूर बदलले; म्हणाले, “एकनाथ शिंदे…”

Gopal Shetty: अर्ज मागे घेण्यासाठी ईडीची चौकशी लागणार? गोपाळ शेट्टी यांनी देवेंद्र फडणवीसांबद्दल म्हटले…

Amit Thackeray : “धनुष्यबाण आणि पक्षनाव घेऊन एकनाथ शिंदेंनी चूक केली”, शिवसेनेतील बंडखोरीवरील अमित ठाकरेंची प्रतिक्रिया चर्चेत!

Meeting of Devendra Fadnavis and Sanjay Raut : देवेंद्र फडणवीस आणि संजय राऊत यांच्या ‘फोटो ऑफ द डे’ ची इनसाईड स्टोरी काय?

Maharashtra Assembly Election 2024 : कोल्हापूर काँग्रेसमध्ये दोन गट? शाहू महाराज – सतेज पाटील यांच्यातील संबंधात कटुता?

हेही वाचा >>> बंडखोरांना थोपविण्यासाठी चर्चा, भेटींचे सत्र; वणी, उमरखेड, यवतमाळमध्ये बंडखोर माघार घेण्याची शक्यता नाही

तिरोडा विधानसभेची जागा महाविकास आघाडीत शरद पवारांच्या राष्ट्रवादी काँग्रेसला देण्यात आली आहे. रविकांत (गुड्डू) बोपचे यांना येथून दुसऱ्यांदा संधी देण्यात आल्यामुळे जिल्हा परिषद सदस्य जितेंद्र कटरे, माजी सभापती पी.जी. कटरे, राधेलाल पटले, अर्चना ठाकरे या काँग्रेस नेत्यांनी बंडखोरी केली आहे. शुक्रवारी या चौघांची काँग्रेसच्या स्थानिक पदाधिकारी, कार्यकर्त्यांसोबत चर्चा होणार आहे. या चारपैकी एकाला रिंगणात कायम ठेवले जाणार आहे. यामुळे उमेदवार रविकांत बोपचे यांची डोकेदुखी वाढली असून ते आणि त्यांचे वडील माजी खासदार डॉ. खुशाल बोपचे बंडखोरांच्या मनधरणीसाठी प्रयत्नरत आहेत.

हेही वाचा >>> बंडखोरांची मनधरणी! अपक्ष कुणाला घाम फोडणार?

अर्जुनी मोरगाव मतदारसंघात महाविकास आघाडीकडून काँग्रेसचे दिलीप बनसोड उमेदवार आहेत. त्यांच्याविरोधात काँग्रेस नेते अजय लांजेवार यांनी बंडखोरी केली आहे. कोणत्याही परिस्थितीत आपला उमेदवारी अर्ज मागे घेणार नाही, असा पवित्रा लांजेवार यांनी घेतला आहे. अनुसूचित जमातीकरिता राखीव असलेल्या आमगाव देवरी मतदारसंघात विद्यमान आमदार सहेसराम कोरेटी यांना उमेदवारी नाकारून काँग्रेसने त्यांच्या जागी राजकुमार पुराम यांना उमेदवारी दिली. यामुळे नाराज झालेल्या कोरेटी यांनी बंडाचा झेंडा उंचावला. मात्र, ते आपला अर्ज परत गेणार असल्याचे काँग्रेसकडून सांगितले जात आहे.