Manoj Jarange Patil in Assembly Election: मनोज जरांगे यांचे पुन्हा ‘ पाडापाडी’ चे प्रारुप

गोदाकाठच्या १२८ गावातून सुरू झालेल्या मराठा आंदोलनाची व्याप्ती निवडणुका लढविण्यापर्यंत असल्याचे चित्र जरांगे यांनी निर्माण केले होते. सरकारमधील मंत्री, उमेदवारी न मिळालेल्या मंडळींनी गेल्या आठवडाभर आतंरवली सराटीच्या चकरा मारल्या. याच काळात काही मुस्लिम, बौद्ध धर्मगुरू, आनंदराज आंबेडकर यांच्यासह काही दलित नेत्यांच्या भेटी घेऊन जरांगे यांनी ‘ मराठा- मुस्लिम – दलित’ ही मतपेढी बांधली जाऊ शकते का, याचा अंदाज घेतला. ही मतपेढी निवडणूक जिंकवू शकते, अशा मतदारांघाची नावेही काढण्यात आली. मात्र, उमेदवारी काेण या मुद्दयावर एकमत होऊ शकले नाही. परिणामी रात्रीतून निवडणूक लढवायची नाही निर्णय त्यांनी घेतला. आता पुन्हा एकदा लाेकसभेप्रमाणे ‘ पाडापाडी’ चे प्रारुप कायम राहील, असे संकेत त्यांनी सोमवारी सकाळच्या पत्रकार बैठकीत दिले.

आणखी वाचा

“सलमान खान प्रकरणापासून दूर राहा, अन्यथा…”; लॉरेन्स बिष्णोई टोळीची अपक्ष खासदाराला धमकी!

IND vs NZ : ऋषभ पंतच्या वादग्रस्त विकेटवर…

प्रत्येक गुन्ह्यासाठी नवीन तरुण… किशोरवयीनांचा वाढता वापर… लॉरेन्स बिष्णोई टोळी कशी ठरतेय दाऊद, गवळी, नाईक टोळ्यांपेक्षा घातक?

Attack On Arvind Kejriwal : दिल्लीतल्या पदयात्रेत अरविंद केजरीवाल यांच्यावर हल्ला, आपचा भाजपावर गंभीर आरोप

बदलापूर प्रकरण : कर्तव्यात कसूर करणाऱ्या पोलिसांवर काय कारवाई केली ? उच्च न्यायालयाचा सवाल

पिंपरी : कुरीअरमध्ये ड्रग्ज असल्याचे सांगून फसवणार्‍या राजस्थानच्या टोळीचा पर्दाफाश; पाऊणकोटीचा मुद्देमाल जप्त

निवडणूक लढवत असाल तर आधी, स्त्रियांबद्दल अपशब्द व शिव्या वापरणार नाही असे प्रतिज्ञा पत्र द्या, ‘मास्वे’चे अनोखे अभियान

निलेश राणे यांच्या शिवसेना प्रवेशासाठी मुख्यमंत्री कुडाळमध्ये

हेही वाचा : “मराठे निवडणूक लढवणार नाहीत, कारण एका जातीवर…”; मनोज जरांगेंची मोठी घोषणा…

लोकसभा निवडणुकीमध्ये मराठा – मुस्लिम- दलित ही मतपेढी ‘ महाविकास आघाडी’ च्या बाजूला सरकल्याने मराठवाड्यात ‘महायुती’ला केवळ छत्रपती संभाजीनगरची जागा जिंकता आली. मराठवाड्यात भाजपला एकही जागा जिंकता आली नाही. आता पुन्हा लोकसभेतील ‘ ज्यांना पाडायचे त्यांना पाडा, ज्यांना जिंकून आणायचे त्यांना आणा’ अशी भूमिका जरांगे यांनी व्यक्त केली. निवडणुकीमध्ये केवळ एकाच जातीचे मते घेऊन निवडणून येता येत नाही, असेही ते वारंवार सांगत होते. त्यामुळे जरांगे यांचे पाडापाडीचे जुने पारुप पुन्हा रिंगणात असू शकेल, असा दावा केला जात आहे.

रविवारी जाहीर केलेल्या मतदारसंघामुळे महाविकास आघाडीच्या गटात अस्वस्थता होती. सोमवारी जरांगे यांच्या पत्रकार बैठकीनंतर ‘ महायुती’ च्या गटातील नेत्यांमध्ये चलबिचल असल्याचे सांगण्यात आले.

हेही वाचा : Jat Vidhan Sabha Constituency: जतमध्ये स्थानिक विरुद्ध उपरा प्रचार भाजपसाठी तापदायक

संभ्रमित करणाऱ्या भूमिका

मुंबईत ‘ आझाद मैदाना’ वर आंदोलन करणार असे सांगूून ‘ अधिसूचना’ काढल्यानंतर वाशी येथून परतलेल्या जरांगे यांची भूमिका ‘ भाजप’ विरोधी होती. मात्र, महायुतीचे राज्याचे नेते एकनाथ शिंदे यांच्या विरोधात ते नव्हते. त्यांच्यावर त्यांनी कधीही टीका केली नाही. देवेंद्र फडणवीस मात्र हे नेहमीच त्यांच्या टीकेच्या केंद्रस्थानी राहिले. एकनाथ शिंदे याच्या वतीने नेहमी चर्चेस येणारे उदय सामंत हे खरे तर कोकणातील नेते. पण जरांगे आणि सामंत यांच्यामध्ये सातत्याने चर्चा होते. कॉग्रेसचे नेते पृथ्वीराज चव्हाण वगळता अलिकडच्या काळात महाविका आघाडीतील कोणताही मोठा नेता जरांगे यांना भेटण्यासाठी गेला नाही. त्यामुळे शिंदे यांच्या उमदेवारांविषयी जरांगे सहानुभूती ठेवतील, अशी चर्चा होती. रविवारी रात्री तानाजी सावंत यांच्या भूम मतदारसंघात उमेदवारी देऊ नका, असे कार्यकर्ते सांगत असतानाही त्यांनी हा मतदार लढवू असे जाहीर केले होते. ‘ महायुती’ च्या बाजूने जरांगे यांचा कौल जाईल अशी चर्चा सुरू झाल्यानंतर सकाळी निवडणुकीतून त्यांनी माघार घेतली आणि पाडापाडीचे प्रारुप कायम राहील, असेही त्यांनी सांगितले. उमेदवार देऊ, उमेदवार पाडू, आज उमेदवार जाहीर करू, उद्या यादी देऊ, अर्ज काढून घ्या, अर्ज भरा अशा अनेक सूचना ऐन निवडणुकीमध्ये जरांगे देत होते. त्यामुळे त्यांचा ‘ आंदोलन संभ्रमित’ झाला होता. निवडणुकीतील प्रचाराचा कालावधी केवळ १४ दिवसाचा असताना या सूचनांमुळे नवाच गोंधळ उडाला असता. त्यामुळे जरांगे प्रभाव विधानसभा निवडणुकीमध्ये दिसणार नाही, असा दावा केला होता. आता नव्या भूमिकेमुळे ‘ पाडापाडी’ चे जुने प्रारुप पुन्हा अवरेल का, याच्या उत्सुकता सर्वत्र आहेत.