हाणामारीबरोबर मतदान यंत्रे फोडली, मराठवाड्यात ६२ टक्क्यांहून अधिक मतदानाचा अंदाज

संभाजीनगर शहरातील पश्चिमचे उमेदवार संजय शिरसाट यांनी शिवसेना (उद्धव ठाकरे) पक्षाच्या शहराध्यक्षांना धमकी दिल्याचे छायाचित्रणही विरोधी पक्षनेते अंबादास दानवे यांनी समाजमाध्यमांमध्ये प्रसारित केले. शहरातील वाळुज परिसरात उमेदवार राजू शिंदे आल्यानंतर गर्दी झाली. मतदान केंद्राच्या भागात कार्यकर्त्यांना पोलीस मारहारण करत असल्याचा आरोप करण्यात आला. मतदानाच्या वेळेनंतर झालेली गर्दी रोखण्यासाठी लाठीजार्च करण्यात आला. त्यानंतर या भागात शिवसेना (उद्धव ठाकरे) पक्षाचे उमेदवार राजू शिंदे यांनी रस्त्यावर बसून आंदोलन केले.

नक्की वाचा

Maharashtra Exit Poll 2024 : राज ठाकरे किंगमेकर ठरणार? काय आहे एक्झिट पोल्सचा अंदाज?

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

Chhagan Bhujbal : एक्झिट पोल्सच्या अंदाजानंतर छगन भुजबळांची मोठी प्रतिक्रिया; म्हणाले, “महाराष्ट्रात १०० टक्के…”

राज्यात मतविभागणीचे ‘हरियाणा प्रारूप’?

Nawab Malik: शरद पवार आणि एकनाथ शिंदे संपर्कात?, ‘निवडणुकीनंतर काहीही होऊ शकतं’, नवाब मलिक यांचा दावा

फडणवीस-मोहन भागवत यांची संघ मुख्यालयात भेट

NCP Clock Symbol : ऐन निवडणुकीत सर्वोच्च न्यायालयाकडून अजित पवारांना आदेश; पक्षचिन्हाबाबत दिला ३६ तासांचा अल्टिमेटम!

उत्तर महाराष्ट्रात ६५ टक्के मतदान

हेही वाचा : मराठवाडा : आरक्षण, जरांगे आणि नातीगोती

मतदानावरून अनेक ठिकाणी तक्रारी, गोंधळ, आरोप-प्रत्यारोप करण्यात आले. गोंधळाने काही वेळ मतदानही थांबवण्यात आल्याचे प्रकार घडले. विशेषत: परळी मतदारसंघात निवडणुकीच्या कर्तव्यावर असलेल्या केंद्राध्यक्षांना एक-दोन कार्यकर्त्याने दमदाटीची भाषा वापरत गोंधळ घालण्याचा प्रयत्न करण्यात आला. या संदर्भातील चित्रफीत समाजमाध्यमावर वेगाने प्रसारित झाली होती.

परळी विधानसभा मतदारसंघात घाटनांदूरमध्ये मतदान यंत्रच फोडण्यात आल्याचा प्रकार घडला. या माहितीला दुजोरा देताना अतिरिक्त पोलीस अधीक्षक अर्चना तिडके यांनी याप्रकरणी गुन्हा दाखल करण्याची प्रक्रिया सुरू असल्याचे ‘लोकसत्ता’शी बोलताना सांगितले. यंत्र फोडण्याच्या घटना मुरंब्री व सोसेवाडी गावातही घडल्या असून, तीन प्रकारांपैकी एका ठिकाणी यंत्र बदलण्यात आले. तर उर्वरित दोन ठिकाणी विजेरी बदलून पुन्हा मतदान सुरू करण्यात आले.

हेही वाचा : कालीचरण महाराजांच्या सभा आयोजनात संबंध नाही, वादग्रस्त वक्तव्यावर संजय शिरसाटांचे स्पष्टीकरण, जरांगे यांचीही भेट

धक्के देऊन बाहेर काढले

छत्रपती संभाजीनगर जिल्ह्यातील सिल्लोड येथे शिवसेना एकनाथ शिंदे पक्षाचे उमेदवार अब्दुल सत्तार यांच्या शिक्षण संस्थेतील शिक्षक पैसे वाटण्यासाठी आल्याचे वाटल्याने गावकऱ्यांनी त्यांना धक्के देऊन बाहेर काढले. बीड जिल्ह्यात हाणामारी, मतदान केंद्र ताब्यात घेण्याच्या आरोपापासून ते सरकारी यंत्रणाच सत्ताधारी गटास मदत करत असल्याचे आरोप करण्यात आले.

गोंधळ अन् वादावादी

● परळी शहरातील बँक कॉलनीमध्ये अॅड. माधव जाधव यांना मारहाण करण्यात आली. जाधव यांनी अलीकडेच राष्ट्रवादी काँग्रेस-शरदचंद्र पवार यांच्या पक्षात प्रवेश केला आहे. धर्मापुरीमध्येही केंद्रावर सीसीटीव्ही बंद ठेवण्यावरून वाद झाला.

हेही वाचा : वक्फ बोर्ड सुधारणा विधेयक : संयुक्त संसदीय समितीचा अहवाल हिवाळी अधिवेशनात सादर होण्याची शक्यता कमीच, कारण काय?

● राष्ट्रवादी काँग्रेस-शरदचंद्र पवार पक्षाचे उमेदवार राजेसाहेब देशमुख यांनी धर्मापुरी केंद्रावरील अधिकाऱ्याला धारेवर धरले. त्यांच्याशी झालेले आक्रमक संभाषण समाजमाध्यमावर प्रसारित झाले होते.

● केज या राखीव विधानसभा मतदारसंघात विडा व एका ग्रामीण भागात मतदान केंद्रातील व्यवस्थेमध्ये मतदानादरम्यान गोंधळ आणि वादावादी झाली. आष्टी मतदारसंघातील बेदरवाडीत दोन गटांत मतदानावेळी वाद झाले.