मुंबई : अनुसूचित जमातीचे (एसटी) आरक्षण द्यावे या मागणीसाठी राज्यात धनगर समाजाचे प्रदीर्घ आंदोलन नुकतेच झाले असतानाही या समाजाच्या पदरी विधानसभा उमेदवारीसंदर्भात निराशा आली आहे. महायुतीने ४ आणि महाविकास आघाडीने ६ असे दोन्ही आघाड्यांनी केवळ १० धनगर समाजाचे उमेदवार उभे केल्याने या समाजात मोठी नाराजी आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

गेले चार महिने राज्यात धनगर समाजाचे आरक्षण आंदोलन धगधगत होते. या आंदोलनाच्या पार्श्वभूमीवर समाजाची नाराजी दूर करण्यासाठी पुरेशा संख्येने विधानसभा उमेदवारी दिली जाईल, अशी समाजाची अपेक्षा होती. या समाजाचे विधानसभेत एक आणि परिषदेत दोन आमदार होते.

नक्की वाचा

हेही वाचा :मनसुख हिरेनच्या हत्येची कल्पना फडणवीसांना होती! अनिल देशमुख यांचे प्रत्युत्तर

भाजपने ‘कर्जत-जामखेड’मध्ये राम शिंदे, जतमध्ये गोपीचंद पडळकर या धनगर नेत्यांना उमेदवारी दिली आहे. राष्ट्रवादीने (अजित पवार) इंदापूरमधून दत्तात्रय भरणे आणि फलटणमध्ये सचिन कांबळे -पाटील यांना उमेदवारी दिली आहे. भाजपचे दोन्ही उमेदवार विधान परिषदेचे विद्यामान सदस्य आहेत. एकनाथ शिंदे यांच्या शिवसेनेने धनगर उमेदवार उभा केलेला नाही.

राष्ट्रवादीने (शरद पवार) करमाळ्यात नारायण पाटील, तर माळशिरसमध्ये उत्तमराव जानकर या धनगर नेत्यांना मैदानात उतरवले आहे. काँग्रेसने ‘सोलापूर मध्य’मधून चेतन नरोटे आणि ‘औरंगाबद पूर्व’मध्ये लहु शेवाळे या धनगर नेत्यांना पसंती दिली आहे. शिवसेनेने (उद्धव ठाकरे) धुळेमधून अनिल गोटे यांना विधानसभेची उमेदवारी दिली आहे. सांगोलामध्ये बाबासाहेब देशमुख हे ‘शेकाप’चे उमेदवार आहेत.

हेही वाचा :‘मविआ’ला साथ देण्याचा रिपब्लिकन गटांचा निर्धार

राज्यात धनगर समाजाची सुमारे ९ टक्के लोकसंख्या असून ७२ विधानसभा मतदारसंघात या समाजाचे २२ ते २९ टक्के मतदार आहेत. एप्रिलमध्ये झालेल्या लोकसभा निवडणुकीत धनगर समाज मुख्यत्वे महाविकास आघाडीच्या पाठिीशी उभा राहिला होता, असा अंदाज आहे.

शिंदेंविरोधात रोष :

शिवसेनेने (एकनाथ शिंदे) धनगर समाजाला विधानसभेची उमेदवारी दिलेले नाही. त्यामुळे पंढरपुरातील होळकर वाड्यात धनगर समाजाच्या आंदोलकांनी नुकतीच एक बैठक घेत शिंदे शिवसेनेला मतदान करायचे नाही, अशी भंडारा हाती घेऊन शपथ घेतली आहे.

हेही वाचा :मुख्यमंत्र्यांच्या परवानगीने मनसेबरोबर काही जागांवर युती शक्य, उपमुख्यमंत्री देवेंद्र फडणवीस यांचे प्रतिपादन

आमची मुख्यमंत्री शिंदे आणि उपमुख्यमंत्री फडणवीस यांच्याशी बोलणी झाली होती. विधानसभेला पुरेसे प्रतिनिधित्व देण्याचे त्यांनी मान्य केले होते. प्रत्यक्षात उमेदवार कमी दिले. दिल्यात त्या जागा पडणाऱ्या आहेत. समाज मतदानातून रोष प्रकट करेल.

  • बिरु कोळेकर, प्रवक्ता, महाराणी अहिल्यादेवी समाज प्रबोधन विचार मंच.