आगामी २०२९च्या निवडणुकीत महाराष्ट्रात ‘शत-प्रतिशत भाजप’च्या दिशेने वाटचाल राहील, असे सूतोवाच केंद्रीय गृहमंत्री अमित शहा यांनी केले होेते. त्याची सुरुवात या विधानसभा निवडणुकीपासूनच झाल्याचे निकालाची आकडेवारी दर्शविते.
यंदा ‘मुख्यमंत्रीपद भाजपकडेच हवे’ यासाठी रा. स्व. संघाचे पाठबळ मिळाल्याने महायुतीला अभूतपूर्व विजय मिळाला आहे. मुख्यमंत्री लाडकी बहीण योजना, शेतकऱ्यांना मोफत वीज यांसह अनेक विकास योजना व घोषणांना आणि पायाभूत सुविधा प्रकल्पांसह अन्य निर्णयांमुळे जनतेने महायुतीला भरभरून मतदान केले. ‘एक है तो सेफ है ’ आणि ‘ बटेंगे तो कटेंगे’ यासारख्या भावनिक आवाहनांमुळे धार्मिक ध्रुवीकरणाचे उद्दिष्ट साध्य होऊन त्याचाही लाभ झाला.
शिवसेना आणि राष्ट्रवादी काँग्रेस फुटीनंतर झालेली ही निवडणूक अतिशय अटीतटीची होती. ‘उद्धव ठाकरे यांनी २०१९ मध्ये दगाबाजी केल्याने आम्ही वचपा काढला,’ असे फडणवीस यांनी पक्षफोडीनंतर जाहीरपणे सांगितले होते. त्यामुळे या दोन्ही पक्षफुटींचे खापर मोदी-शहांबरोबरच फडणवीस यांच्यावर प्रामुख्याने फोडण्यात आले होते. मराठा (कुणबी) समाजाला १० टक्के आरक्षण देऊनही मनोज जरांगे व अन्य नेत्यांनी फडणवीस यांना खलनायक ठरविले होते. त्यामुळे गेल्या अडीच वर्षांत अतिशय आव्हानात्मक परिस्थितीत राज्यात काम करण्याचे आव्हान फडणवीस यांच्यापुढे होते. एकनाथ शिंदे हे मुख्यमंत्रीपदी असले, तरी राज्याचा गाडा हाकण्याचे व महत्त्वाचे निर्णय व योजना मार्गी लावण्याचे काम फडणवीस यांनी केले.
हेही वाचा : काँग्रेसवर लाल शेरा!
अडीच वर्षांच्या कार्यकाळात विकासाचे शेकडो निर्णय सरकारने घेतले. मेट्रो, अटल सेतू, मुंबई-नागपूर समृद्धी महामार्ग यांसह अनेक विकास प्रकल्प पूर्णत्वास नेले. लोकसभा निवडणुकीत फटका बसल्यावरही, नैराश्यातून बाहेर पडून लाडकी बहीण योजना, शेतकऱ्यांना मोफत वीज, सर्वसामान्यांना वीजबिलात ३० टक्के सवलत यांसारख्या अनेक लोकप्रिय योजनांची अस्त्रे निवडणुकीआधी महायुतीने बाहेर काढली. त्यांची अंमलबजावणी तातडीने सुरू करण्याची कल्पकता दाखविली गेली. ‘महायुतीला विजय मिळाला, तर देवेंद्र फडणवीस हेच मुख्यमंत्रीपदाचे दावेदार असतील,’ असे संकेत केंद्रीय गृहमंत्री अमित शहा व अन्य नेत्यांनी दिले, तर पंतप्रधान नरेंद्र मोदी यांनी फडणवीस यांचे जाहीर कौतुकही केले होते. फडणवीस यांचे नेतृत्व पुढे करण्याचा राजकीय लाभ भाजपला झाला.
महाराष्ट्रात भाजपला एकट्याच्या बळावर कधीही विधानसभेतील बहुमताचा १४५ चा आकडा साध्य करता आलेला नाही.
भाजपने २०१४ पूर्वी कधी शंभरीही गाठली नव्हती. पण भाजपला २०१४ मध्ये १२२ आणि २०१९ मध्ये १०५ जागांवर विजय मिळाला, तर हा आकडा २०२४ च्या निवडणुकीत १३३ पर्यंत पोहोचला. २०२९च्या शत-प्रतिशतची झलक दाखविण्यास भाजपने आतापासूनच सुरुवात केली आहे.
●लोकसभा निवडणुकीत पक्षश्रेष्ठींच्या मर्जीने उमेदवार ठरविले गेले, सर्वेक्षणाचे दाखले देत अनेक खासदारांना उमेदवारी नाकारली गेली.
●अनेक कारणांमुळे भाजपला निवडणुकीत मोठा फटका बसला. त्याची नैतिक जबाबदारी घेऊन राजीनाम्याची तयारी दाखविलेल्या फडणवीस यांच्या नेतृत्वावर विश्वास दाखवीत पक्षश्रेष्ठींनी त्यांच्याकडेच विधानसभेसाठी निर्णयाचे सर्वाधिकार दिले.
हेही वाचा : पवार जिंकले… पवार हरले !
●लोकसभा निवडणुकीत शिवसेनेची (एकनाथ शिंदे) काही टक्के मते भाजप उमेदवाराला मिळाली, तरी राष्ट्रवादी काँग्रेस (अजित पवार) ची मते परावर्तित होऊ शकली नव्हती.
●फडणवीस यांनी या निवडणुकीत ही मते भाजपकडेही कशी येतील, याची रणनीती आखली. त्याचबरोबर रा. स्व. संघाचे कार्यकर्ते संपूर्ण ताकदीनिशी या निवडणुकीत उतरावेत, यासाठी फडणवीस यांनी संघाच्या वरिष्ठ नेत्यांशी वेळोवेळी चर्चा केली.
●महायुतीने मुख्यमंत्रीपदाचा चेहरा जाहीर केला नसला, तरी फडणवीस हेच प्रमुख दावेदार असतील, हाच संदेश संघ कार्यकर्त्यांना देण्यात आला होता. त्यामुळे लोकसभा निवडणुकीत फारसे सक्रिय नसलेले संघ/भाजप कार्यकर्ते फडणवीस यांच्यासाठी या निवडणुकीत जोमाने मैदानात उतरले. त्यामुळे राज्यभरात मतदानाचा टक्का वाढला आणि महायुतीला दणदणीत विजय साध्य करता आला.
हेही वाचा : मुंबई : ठाकरेंची मक्तेदारी मोडीत, मुंबईवर भाजपची सरशी
●पंतप्रधान नरेंद्र मोदी, शहा, फडणवीस, उत्तर प्रदेशचे मुख्यमंत्री योगी आदित्यनाथ आदी ज्येष्ठ नेत्यांनी धार्मिक ध्रुवीकरणाचे आवाहन केले, त्याचा लाभ महायुतीला होऊन मतदानाची टक्केवारीही वाढली.
यंदा ‘मुख्यमंत्रीपद भाजपकडेच हवे’ यासाठी रा. स्व. संघाचे पाठबळ मिळाल्याने महायुतीला अभूतपूर्व विजय मिळाला आहे. मुख्यमंत्री लाडकी बहीण योजना, शेतकऱ्यांना मोफत वीज यांसह अनेक विकास योजना व घोषणांना आणि पायाभूत सुविधा प्रकल्पांसह अन्य निर्णयांमुळे जनतेने महायुतीला भरभरून मतदान केले. ‘एक है तो सेफ है ’ आणि ‘ बटेंगे तो कटेंगे’ यासारख्या भावनिक आवाहनांमुळे धार्मिक ध्रुवीकरणाचे उद्दिष्ट साध्य होऊन त्याचाही लाभ झाला.
शिवसेना आणि राष्ट्रवादी काँग्रेस फुटीनंतर झालेली ही निवडणूक अतिशय अटीतटीची होती. ‘उद्धव ठाकरे यांनी २०१९ मध्ये दगाबाजी केल्याने आम्ही वचपा काढला,’ असे फडणवीस यांनी पक्षफोडीनंतर जाहीरपणे सांगितले होते. त्यामुळे या दोन्ही पक्षफुटींचे खापर मोदी-शहांबरोबरच फडणवीस यांच्यावर प्रामुख्याने फोडण्यात आले होते. मराठा (कुणबी) समाजाला १० टक्के आरक्षण देऊनही मनोज जरांगे व अन्य नेत्यांनी फडणवीस यांना खलनायक ठरविले होते. त्यामुळे गेल्या अडीच वर्षांत अतिशय आव्हानात्मक परिस्थितीत राज्यात काम करण्याचे आव्हान फडणवीस यांच्यापुढे होते. एकनाथ शिंदे हे मुख्यमंत्रीपदी असले, तरी राज्याचा गाडा हाकण्याचे व महत्त्वाचे निर्णय व योजना मार्गी लावण्याचे काम फडणवीस यांनी केले.
हेही वाचा : काँग्रेसवर लाल शेरा!
अडीच वर्षांच्या कार्यकाळात विकासाचे शेकडो निर्णय सरकारने घेतले. मेट्रो, अटल सेतू, मुंबई-नागपूर समृद्धी महामार्ग यांसह अनेक विकास प्रकल्प पूर्णत्वास नेले. लोकसभा निवडणुकीत फटका बसल्यावरही, नैराश्यातून बाहेर पडून लाडकी बहीण योजना, शेतकऱ्यांना मोफत वीज, सर्वसामान्यांना वीजबिलात ३० टक्के सवलत यांसारख्या अनेक लोकप्रिय योजनांची अस्त्रे निवडणुकीआधी महायुतीने बाहेर काढली. त्यांची अंमलबजावणी तातडीने सुरू करण्याची कल्पकता दाखविली गेली. ‘महायुतीला विजय मिळाला, तर देवेंद्र फडणवीस हेच मुख्यमंत्रीपदाचे दावेदार असतील,’ असे संकेत केंद्रीय गृहमंत्री अमित शहा व अन्य नेत्यांनी दिले, तर पंतप्रधान नरेंद्र मोदी यांनी फडणवीस यांचे जाहीर कौतुकही केले होते. फडणवीस यांचे नेतृत्व पुढे करण्याचा राजकीय लाभ भाजपला झाला.
महाराष्ट्रात भाजपला एकट्याच्या बळावर कधीही विधानसभेतील बहुमताचा १४५ चा आकडा साध्य करता आलेला नाही.
भाजपने २०१४ पूर्वी कधी शंभरीही गाठली नव्हती. पण भाजपला २०१४ मध्ये १२२ आणि २०१९ मध्ये १०५ जागांवर विजय मिळाला, तर हा आकडा २०२४ च्या निवडणुकीत १३३ पर्यंत पोहोचला. २०२९च्या शत-प्रतिशतची झलक दाखविण्यास भाजपने आतापासूनच सुरुवात केली आहे.
●लोकसभा निवडणुकीत पक्षश्रेष्ठींच्या मर्जीने उमेदवार ठरविले गेले, सर्वेक्षणाचे दाखले देत अनेक खासदारांना उमेदवारी नाकारली गेली.
●अनेक कारणांमुळे भाजपला निवडणुकीत मोठा फटका बसला. त्याची नैतिक जबाबदारी घेऊन राजीनाम्याची तयारी दाखविलेल्या फडणवीस यांच्या नेतृत्वावर विश्वास दाखवीत पक्षश्रेष्ठींनी त्यांच्याकडेच विधानसभेसाठी निर्णयाचे सर्वाधिकार दिले.
हेही वाचा : पवार जिंकले… पवार हरले !
●लोकसभा निवडणुकीत शिवसेनेची (एकनाथ शिंदे) काही टक्के मते भाजप उमेदवाराला मिळाली, तरी राष्ट्रवादी काँग्रेस (अजित पवार) ची मते परावर्तित होऊ शकली नव्हती.
●फडणवीस यांनी या निवडणुकीत ही मते भाजपकडेही कशी येतील, याची रणनीती आखली. त्याचबरोबर रा. स्व. संघाचे कार्यकर्ते संपूर्ण ताकदीनिशी या निवडणुकीत उतरावेत, यासाठी फडणवीस यांनी संघाच्या वरिष्ठ नेत्यांशी वेळोवेळी चर्चा केली.
●महायुतीने मुख्यमंत्रीपदाचा चेहरा जाहीर केला नसला, तरी फडणवीस हेच प्रमुख दावेदार असतील, हाच संदेश संघ कार्यकर्त्यांना देण्यात आला होता. त्यामुळे लोकसभा निवडणुकीत फारसे सक्रिय नसलेले संघ/भाजप कार्यकर्ते फडणवीस यांच्यासाठी या निवडणुकीत जोमाने मैदानात उतरले. त्यामुळे राज्यभरात मतदानाचा टक्का वाढला आणि महायुतीला दणदणीत विजय साध्य करता आला.
हेही वाचा : मुंबई : ठाकरेंची मक्तेदारी मोडीत, मुंबईवर भाजपची सरशी
●पंतप्रधान नरेंद्र मोदी, शहा, फडणवीस, उत्तर प्रदेशचे मुख्यमंत्री योगी आदित्यनाथ आदी ज्येष्ठ नेत्यांनी धार्मिक ध्रुवीकरणाचे आवाहन केले, त्याचा लाभ महायुतीला होऊन मतदानाची टक्केवारीही वाढली.
